സൈനിക ക്ഷേമ എജുക്കേഷന്‍ സൊസൈറ്റിക്ക് കീഴിലുള്ള രാജ്യത്തെ 137 ആര്‍മി പബ്ളിക് സ്കൂളില്‍ പോസ്റ്റ് ഗ്രാജ്വേറ്റ് ടീച്ചര്‍, ട്രെയ്ന്‍ഡ് ടീച്ചര്‍, പ്രൈമറി ടീച്ചര്‍ എന്നീ തസ്തികകളിലായി 8000 ഒഴിവുകളിലേക്ക് ഇപ്പോള്‍ അപേക്ഷിക്കാം. 2017-2018 വര്‍ഷത്തെ ഒഴിവുകള്‍ നികത്തുന്നതിന് നവംബര്‍ 26, 27 തീയതികളിലായി ഓണ്‍ലൈന്‍ ടെസ്റ്റ് നടക്കും. കേരളത്തില്‍ തിരുവനന്തപുരമാണ് പരീക്ഷാകേന്ദ്രം.
പോസ്റ്റ് ഗ്രാജ്വേറ്റ് ടീച്ചര്‍: ഇംഗ്ളീഷ്, ഹിന്ദി, ഹിസ്റ്ററി, ഇക്കണോമിക്സ്, പൊളിറ്റിക്കല്‍ സയന്‍സ്, മാത്ത്സ്, ഫിസിക്സ്, കെമിസ്ട്രി, ബയോളജി, ബയോടെക്, സൈക്കോളജി, കോമേഴ്സ്, കമ്പ്യൂട്ടര്‍ സയന്‍സ്, ഹോം സയന്‍സ്, ഫിസിക്കല്‍ എജുക്കേഷന്‍ എന്നീ വിഷയങ്ങളിലാണ് ഒഴിവ്.
യോഗ്യത: 50 ശതമാനം മാര്‍ക്കോടെ ബിരുദാനന്തര ബിരുദവും ബി.എഡും. സി-ടെറ്റ്/ ടെറ്റ് വിജയിച്ചിരിക്കണം.
ട്രെയ്ന്‍ഡ് ഗ്രാജ്വേറ്റ് ടീച്ചര്‍: ഇംഗ്ളീഷ്, ഹിന്ദി, സംസ്കൃതം, ഹിസ്റ്ററി, ജ്യോഗ്രഫി, പൊളിറ്റിക്കല്‍ സയന്‍സ്, മാത്ത്സ്, ഫിസിക്സ്, കെമിസ്ട്രി, ബയോളജി എന്നിവയിലാണ് ഒഴിവ്.
യോഗ്യത: 50 ശതമാനം മാര്‍ക്കോടെ ബിരുദം, ബി.എഡ്/ സി-ടെറ്റ്/ ടെറ്റ് വിജയിച്ചിരിക്കണം.
പ്രൈമറി ടീച്ചര്‍: 50 ശതമാനം മാര്‍ക്കോടെ ബിരുദം, ബി.എഡ്.
ഉയര്‍ന്ന പ്രായപരിധി: 2016 ഏപ്രില്‍ ഒന്ന് അടിസ്ഥാനത്തില്‍ 40 വയസ്സ് (എന്‍.സി.ആര്‍ സ്കൂളുകളില്‍ ടി.ജി.ടി, പി.ആര്‍.ടി-29, പി.ജി.ടി 36). പ്രവൃത്തിപരിചയമുള്ളവര്‍ക്ക് 57 വയസ്സ് (കഴിഞ്ഞ പത്തു വര്‍ഷത്തിനുള്ളില്‍ അഞ്ചു വര്‍ഷം ടീച്ചിങ് മേഖലയില്‍ പ്രവര്‍ത്തിച്ചിരിക്കണം).
അപേക്ഷാഫീസ്: 600 രൂപ. ക്രെഡിറ്റ്/ ഡെബിറ്റ് കാര്‍ഡ് വഴിയോ ഇന്‍റര്‍നെറ്റ് ബാങ്കിങ്/ ചലാന്‍ വഴിയോ ഫീസ് അടക്കാം.
അപേക്ഷിക്കേണ്ട വിധം: apscsb.in എന്ന വെബ്സൈറ്റില്‍ രജിസ്റ്റര്‍ ചെയ്താണ് അപേക്ഷിക്കേണ്ടത്. അവസാന തീയതി സെപ്റ്റംബര്‍ 13. വിശദവിവരം വെബ്സൈറ്റില്‍.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.