എയര്‍ ഇന്ത്യയില്‍ ട്രെയ്നി കാബിന്‍ ക്രൂവായി 300 പേരെ നിയമിക്കുന്നു. പുരുഷന്മാര്‍ (ജനറല്‍-36, ഒ.ബി.സി-20, എസ്.സി-14, എസ്.ടി-5), സ്ത്രീകള്‍ (ജനറല്‍-107, ഒ.ബി.സി-63, എസ്.സി-39, എസ്.ടി-16) എന്നിങ്ങനെയാണ് ഒഴിവുകള്‍. ചെന്നൈ, ബംഗളൂരു, ഹൈദരാബാദ്, കാലിക്കറ്റ് എന്നിവിടങ്ങളിലായിരിക്കും നിയമനം.
അപേക്ഷകര്‍ അംഗീകൃത ബോര്‍ഡിന് കീഴില്‍ പ്ളസ് ടു വിജയിച്ചവരായിരിക്കണം. സര്‍ക്കാര്‍ അംഗീകൃത സ്ഥാപനത്തില്‍നിന്ന് ഹോട്ടല്‍ മാനേജ്മെന്റ് ആന്‍ഡ് കാറ്ററിങ് ടെക്നോളജിയില്‍ ബിരുദം/ഡിപ്ളോമയുള്ളവര്‍ക്ക് മുന്‍ഗണന ലഭിക്കും. ഇംഗ്ളീഷിലും ഹിന്ദിയിലും സംസാരിക്കാന്‍ കഴിയണം. അവിവാഹിതരായ 18നും27നുമിടയില്‍ പ്രായമുള്ളവരാണ് അപേക്ഷിക്കേണ്ടത്. ഒ.ബി.സിക്ക് മൂന്നുവര്‍ഷവും എസ്.സി/എസ്.ടിക്ക് അഞ്ചുവര്‍ഷവും പ്രായപരിധിയില്‍ ഇളവുലഭിക്കും. 2016 ഒക്ടോബര്‍ ഒന്ന് അടിസ്ഥാനത്തിലാണ് പ്രായം കണക്കാക്കുക. സ്ത്രീകള്‍ക്ക് 160 സെ.മീറ്ററും പുരുഷന്മാര്‍ക്ക് 172 സെ.മീറ്ററും ഉയരം വേണം. ഗ്രൂപ് ചര്‍ച്ച, പേഴ്സനാലിറ്റി അസസ്മെന്‍റ് ടെസ്റ്റ് എന്നിവയിലൂടെയാണ് ആദ്യഘട്ട തെരഞ്ഞെടുപ്പ്. തെരഞ്ഞെടുക്കപ്പെടുന്നവര്‍ക്ക് എഴുത്തുപരീക്ഷയുണ്ടായിരിക്കും.
അപേക്ഷിക്കേണ്ട വിധം: www.airindia.in എന്ന വെബ്സൈറ്റില്‍ Career ലിങ്കില്‍ പ്രവേശിച്ചിച്ച് അപേക്ഷിക്കാം. അപേക്ഷിക്കുന്നതിനുമുമ്പ് ഇ-മെയില്‍ ഐ.ഡി ഉണ്ടായിരിക്കണം. 10 കെ.ബി-35 കെ.ബി ജെ.പി.ജി ഫോര്‍മാറ്റ് പാസ്പോര്‍ട്ട് സൈസ് ഫോട്ടോ, ചെന്നൈയില്‍ മാറാന്‍ പറ്റുന്ന തരത്തില്‍ എയര്‍ ഇന്ത്യ ലിമിറ്റഡ് എന്ന വിലാസത്തില്‍ 1000 രൂപയുടെ ഡിമാന്‍ഡ് ഡ്രാഫ്റ്റ് (പേഴ്സനല്‍ അസസ്മെന്‍റ് ടെസ്റ്റിന് ഡിമാന്‍ഡ് ഡ്രാഫ്റ്റ് ഹാജരാക്കണം), എസ്.സി/എസ്.ടി/ഒ.ബി.സി-ജാതി സര്‍ട്ടിഫിക്കറ്റ് എന്നിവ ഓണ്‍ലൈന്‍ അപേക്ഷയോടൊപ്പം സ്കാന്‍ ചെയ്ത് സമര്‍പ്പിക്കണം.
അപേക്ഷ സ്വീകരിക്കുന്ന അവസാന തീയതി നവംബര്‍ എട്ട്. വിവരങ്ങള്‍ വെബ്സൈറ്റില്‍.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.