അര്‍ധസൈനിക വിഭാഗമായ സെന്‍റര്‍ റിസര്‍വ് പൊലീസ് ഫോഴ്സില്‍ (സി.ആര്‍.പി.എഫ്) വിവിധ സംസ്ഥാനങ്ങളിലായി 2945 പേരെ നിയമിക്കുന്നു.
കേരളത്തില്‍ 106 ഒഴിവാണ് ഉള്ളത്. കോണ്‍സ്റ്റബ്ള്‍ തസ്തികയിലാണ് നിയമനം നടത്തുന്നത്. ഡ്രൈവര്‍ (40), എം.എം.വി- ഫിറ്റര്‍ (13), ബഗ്ളര്‍ (ഏഴ്), ടെയ്ലര്‍ (അഞ്ച്), കോബ്ളര്‍ (രണ്ട്), ഗാര്‍ഡനര്‍ (ഒന്ന്), പെയ്ന്‍റര്‍ (രണ്ട്), കാര്‍പെന്‍റര്‍ (ഒന്ന്), കുക്ക് (14), വാട്ടര്‍ കാരിയര്‍ (ആറ്), വാഷര്‍മാന്‍ (രണ്ട്), സഫായ് (അഞ്ച്), ബാര്‍ബര്‍ (നാല്), കുക്ക്-സ്ത്രീകള്‍ (ഒന്ന്), വാട്ടര്‍ കാരിയര്‍-സ്ത്രീകള്‍ (ഒന്ന്), സഫായ്-സ്ത്രീകള്‍ (രണ്ട്) എന്നിങ്ങനെയാണ് ഒഴിവുകള്‍.
പ്രായപരിധി: കോണ്‍സ്റ്റബ്ള്‍ ഡ്രൈവര്‍ തസ്തികയിലേക്ക് അപേക്ഷിക്കുന്നവര്‍ക്ക് 21നും 27നുമിടയിലായിരിക്കണം പ്രായം. 2017 ജനുവരി ഒന്ന് അടിസ്ഥാനത്തിലാണ് പ്രായം കണക്കാക്കുക. മറ്റ് ട്രേഡുകളിലേക്ക് അപേക്ഷിക്കുന്നവര്‍ക്ക് 18നും 23നുമിടയിലാണ് പ്രായം. ഒ.ബി.സി/എസ്.സി, എസ്.ടി/ ഭിന്നശേഷിക്കാര്‍ എന്നീ വിഭാഗത്തില്‍പെടുന്നവര്‍ക്ക് പ്രായപരിധിയില്‍ ഇളവ് ലഭിക്കും.
യോഗ്യത: ഡ്രൈവര്‍ തസ്തികയിലേക്ക് അപേക്ഷിക്കുന്നവര്‍ക്ക് അംഗീകൃത ബോര്‍ഡില്‍നിന്നുള്ള പത്താം ക്ളാസ്/ തത്തുല്യമാണ് യോഗ്യത. ഹെവി വെഹ്ക്കിള്‍ ലൈസന്‍സ് ഉണ്ടായിരിക്കണം. തെരഞ്ഞെടുപ്പ് സമയത്തെ ഡ്രൈവിങ് ടെസ്റ്റ് പാസാവണം.
കോണ്‍സ്റ്റബ്ള്‍-എം.എം.വി- പത്താം ക്ളാസ്/ തത്തുല്യം, നാഷനല്‍/ സ്റ്റേറ്റ് കൗണ്‍സില്‍ ഫോര്‍ വൊക്കേഷനല്‍ ട്രെയിനിങ് അംഗീകൃത സ്ഥാപനത്തില്‍നിന്ന് മെക്കാനിക് മോട്ടോര്‍ വെഹിക്കിള്‍ ട്രേഡില്‍ രണ്ടു വര്‍ഷത്തെ ഐ.ടി.ഐ യോഗ്യത. മെക്കാനിക് മോട്ടോര്‍ വെഹ്ക്കിള്‍ ട്രേഡില്‍ നാഷനല്‍/ സ്റ്റേറ്റ് കൗണ്‍സില്‍ അനുവദിച്ച മൂന്നു വര്‍ഷത്തെ അപ്രന്‍റിസ്ഷിപ് സര്‍ട്ടിഫിക്കറ്റുള്ളവര്‍ക്കും അപേക്ഷിക്കാം.
മറ്റ് ട്രേഡുകളിലേക്ക് അപേക്ഷിക്കുന്നവര്‍ക്ക് പത്താം ക്ളാസ്/ തത്തുല്യ യോഗ്യതയും ബന്ധപ്പെട്ട മേഖലയില്‍ പ്രവൃത്തി പരിചയവും ആവശ്യമാണ്.
ശാരീരിക യോഗ്യത: നീളം-പുരുഷന്മാര്‍ക്ക് 170 സെ.മീ, സ്ത്രീകള്‍-157 സെ.മീ.
നെഞ്ചളവ്-പുരുഷന്മാര്‍ക്ക് -80 സെ.മീ, അഞ്ച് സെ.മീ വികസിപ്പിക്കാന്‍ കഴിയണം.
ശാരീരിക ക്ഷമത പരിശോധന, കായികക്ഷമത പരിശോധന, എഴുത്തുപരീക്ഷ, ട്രേഡ് ടെസ്റ്റ് എന്നിവയുടെ അടിസ്ഥാനത്തിലായിരിക്കും തെരഞ്ഞെടുപ്പ്. ഇത് സംബന്ധിച്ച വിവരങ്ങള്‍ ലഭിക്കാന്‍ അപേക്ഷകര്‍ വെബ്സൈറ്റ് സന്ദര്‍ശിക്കണം.
അപേക്ഷ ഫീസ് 100 രൂപ എസ്.ബി.ഐ ചെലാന്‍/ ക്രെഡിറ്റ് കാര്‍ഡ്/ ഡെബിറ്റ് കാര്‍ഡ്/ ഇന്‍റര്‍നെറ്റ് ബാങ്കിങ് വഴി അടക്കാം. ഫെബ്രുവരി 20 വരെ ഫീസ് അടക്കാം.www.crpf.nic.in എന്ന വെബ്സൈറ്റ് വഴി മാര്‍ച്ച് മൂന്നു വരെ അപേക്ഷിക്കാം. വിശദവിവരങ്ങള്‍ വെബ്സൈറ്റില്‍ ലഭിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.