തിരുവനന്തപുരം: എൻജിനീയറിങ്, ആർക്കിടെക്ചർ, മെഡിക്കൽ, അനുബന്ധ കോഴ്സുകളിൽ പ്ര വേശനത്തിനുള്ള അപേക്ഷ സമർപ്പണം വ്യാഴാഴ്ച അവസാനിക്കും. തിങ്കളാഴ്ച വൈകിട്ട് വരെ 1.2 ലക്ഷം പേർ അപേക്ഷ നൽകി. 28ന് വൈകിട്ട് അഞ്ചുവരെ www.cee.kerala.gov.in വഴി അപേക്ഷിക്കാം.
നേറ്റിവിറ്റി, ജനനത്തീയതി എന്നിവ തെളിയിക്കുന്നതിനുള്ള രേഖകൾ 28നകം അപേക്ഷയോടൊപ്പം അപ്ലോഡ് ചെയ്യണം. ഇവ ഒഴികെ മറ്റ് സർട്ടിഫിക്കറ്റുകൾ/ അനുബന്ധ രേഖകൾ എന്നിവ മാർച്ച് 31വരെ അപ്ലോഡ് ചെയ്യാം. എൻജിനീയറിങ്, ആർക്കിടെക്ചർ, ഫാർമസി, എം.ബി.ബി.എസ്, ബി.ഡി.എസ്, ബി.എ.എം.എസ്, ബി.എച്ച്.എം.എസ്, ബി.എസ്.എം.എസ്, ബി.യു.എം.എസ്, അഗ്രികൾച്ചർ, വെറ്ററിനറി, ഫോറസ്ട്രി, ഫിഷറീസ് എന്നീ കോഴ്സുകളിലേക്കാണ് പ്രവേശന പരീക്ഷാ കമീഷണർ അേപക്ഷ ക്ഷണിച്ചത്. മെഡിക്കൽ, അനുബന്ധ കോഴ്സുകളിൽ പ്രവേശനത്തിന് ദേശീയ പ്രവേശന പരീക്ഷയായ നീറ്റിന് (യു.ജി) അപേക്ഷിച്ചവർ പ്രവേശന പരീക്ഷാ കമീഷണർക്കും ഒാൺലൈനായി അപേക്ഷിക്കണം. എങ്കിലേ സംസ്ഥാനത്തെ മെഡിക്കൽ, അനുബന്ധ കോഴ്സുകളിൽ പ്രവേശനത്തിന് പരിഗണിക്കൂ. അപേക്ഷകളിൽ പിഴവുണ്ടെങ്കിൽ തിരുത്താൻ മാർച്ച് ആദ്യവാരം അവസരം നൽകും. (ഹെൽപ്പ്ലൈൻ: 0471 2339101, 2339102, 2339103, 2339104, 2332123).
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.