തിരുവനന്തപുരം: ആസ്ട്രേലിയൻ നഴ്സിങ് മേഖലയിലേക്ക് ഇന്ത്യൻനിന്നുള്ള നഴ്സുമാർക്ക് കൂടുതൽ അവസരം ലഭ്യമാക്കാൻ നടപടി പൂർത്തിയായി. ഇതിന്‍റെ അടിസ്ഥാനത്തിൽ ഐ.എച്ച്.എമ്മിന്‍റെ (IHM) കാമ്പസുകളിൽ ആരംഭിച്ചിരിക്കുന്ന Graduate Certificate In Advanced Nursing (GCAN) ആസ്ട്രേലിയൻ നഴ്സിങ് പ്രാക്ടീസ് പൂർത്തീകരിക്കുന്നവർക്കു ആസ്ട്രേലിയയിൽ നിലവിലുള്ള Outcome Based Assesment (OBA) എന്ന പരീക്ഷ എളുപ്പത്തിൽ പാസാകാൻ സഹായകരമാകും.
നിലവിൽ വിദേശത്തു രജിസ്‌ട്രേഡ് നഴ്സ് ആയിട്ടുളവർക്ക് OBAയുടെ ഭാഗമായ തിയറി പരീക്ഷയും (NCLEX) പ്രാക്ടിക്കൽ പരീക്ഷയും (OSCE) പാസായശേഷം മാത്രമാണ് ആസ്ട്രേലിയൻ നഴ്സിംഗ് രജിസ്‌ട്രേഷൻ ലഭിക്കുന്നത്.
ആറ് മാസത്തെ ഈ സ്പെഷലൈസേഷൻ നഴ്സിങ് കോഴ്സിൽ നാലാഴ്ച വീതം നീണ്ടുനിൽക്കുന്ന OSCE പ്രെപറേഷനും ഹോസ്പിറ്റൽ പ്ലേസ്മെന്‍റും ഉൾപ്പെടുത്തിയിട്ടുണ്ട്. കോഴ്‌സ് പൂർത്തിയാക്കുന്നവർക്ക് പോസ്റ്റ് ഗ്രാജുവേറ്റ് ക്വാളിഫിക്കേഷനും ലഭിക്കും.
അവശ്യമായിട്ടുള്ളവർക്ക് ഇംഗ്ലീഷ് ഭാഷ പ്രാവീണ്യ പരിശീലനവും നൽകും. സ്റ്റുഡന്‍റ് വിസക്ക് യോഗ്യരാകുന്നവർക്ക് ആസ്ട്രേലിയയിലെ മറ്റു കോഴ്സുകൾ പഠിക്കുമ്പോഴുള്ള എല്ലാ ആനുകൂല്യങ്ങൾക്കും 2022ലെ പുതിയ നിയമ പ്രകാരം ഫുൾടൈം ജോലി ചെയ്തുകൊണ്ട് പഠിക്കാനുള്ള അവസരവും ലഭിക്കുന്നു. ആസ്ട്രേലിയിൽ എട്ട് മാസം വരെ സ്റ്റുഡന്‍റ് വിസയിൽ കഴിയാമെന്നുള്ളതും കോഴ്‌സിന് ശേഷം ആവശ്യമുള്ളവർക്ക് മാസ്റ്റർ ഓഫ് നഴ്സിങ് കോഴ്‌സിലേക്ക് തുടർന്ന് പഠിക്കാൻ കഴിയും എന്നത് പ്രത്യേകതയാണ്.
ആസ്ട്രേലിയൻ നഴ്സിങ് രംഗത്തെ പ്രമുഖ വിദ്യാഭ്യാസ സ്ഥാപനമാണ് ഇൻസ്റ്റിറ്റ്യൂട്ട് ഓഫ് ഹെൽത്ത് ആൻഡ് മാനേജ്‌മെന്റ് (IHM). ഇൻസ്റ്റിറ്റ്യൂട്ട് ഓഫ് ഹെൽത്ത് ആൻഡ് നഴ്സിങ് ആസ്ട്രേലിയ (IHNA) സഹോദര സ്ഥാപനമാണ്. ഈ സ്ഥാപനങ്ങൾ വഴി കഴിഞ്ഞ 15 വർഷത്തിനുള്ളിൽ 17,500ലധികം നഴ്സുമാർ ആസ്ട്രേലിയൻ നഴ്സിങ് ബ്രിഡ്ജിങ് പ്രോഗ്രാം പഠിച്ച് നഴ്സിങ് രജിസ്‌ട്രേഷൻ സ്വന്തമാക്കിയതായി ഐ.എച്ച്.എം സി.ഇ.ഒയും മലയാളിയുമായ ബിജോ കുന്നുംപുറത്ത് അറിയിച്ചു.
വ്യക്തമായ പരീക്ഷ പ്രെപറേഷൻ പ്രോഗ്രാമോ പരീക്ഷക്ക് ആവശ്യമായ മുന്നൊരുക്കങ്ങൾ നടത്തുന്നതിനുള്ള കോഴ്സുകളോ ഇല്ലാത്തതിനാൽ ഈ രംഗത്ത് നിലനിന്ന ബുദ്ധിമുട്ടുകൾക്ക് ഇതോടെ പരിഹാരമാകുകയാണെന്നും ബിജോ പറഞ്ഞു.
വിവരങ്ങൾക്ക് www.ihm.edu.au വെബ്‌സൈറ്റ് സന്ദർശിക്കുകയോ +61411564409 നമ്പറിലേക്കു വാട്ട്സ്ആപ്പ് സന്ദേശം അയക്കുകയോ ചെയ്യാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.