കേന്ദ്ര ശാസ്ത്ര-സാങ്കേതിക വകുപ്പിനു കീഴിലെ സ്വയംഭരണ സ്ഥാപനമായ ബംഗളൂരുവിലെ ജവഹർലാൽ നെഹ്റു സെൻറർ ഫോർ അഡ്വാൻസ്ഡ് സയൻറിഫിക് റിസർച് ഇനി പറയുന്ന പ്രോഗ്രാമുകളിൽ പ്രവേശനത്തിന് അപേക്ഷ ക്ഷണിച്ചു.
പിഎച്ച്.ഡി/എം.എസ് എൻജിനീയറിങ്/എം.എസ് റിസർച്-യോഗ്യത: എം.എസ്സി/ബി.ഇ/ബി.ടെക്/എം.ഇ/എം.ടെക്/BVSc/MVSc/MBBS/MD 50 ശതമാനം മാർക്കിൽ കുറയാതെ വിജയിച്ചിരിക്കണം. കൂടാതെ ഗേറ്റ്/ജെസ്റ്റ്/ജിപാറ്റ് അല്ലെങ്കിൽ യു.ജി.സി -സി.എസ്.ഐ.ആർ നെറ്റ്/ജെ.ആർ.എഫ്/ICMR-JRF/DBT-JRF/ഇൻസ്പെയർ-ജെ.ആർ.എഫ് യോഗ്യത നേടിയിരിക്കണം. ജൂനിയർ റിസർച് ഫെലോഷിപ് (ജെ.ആർ.എഫ്) യോഗ്യത നേടിയിട്ടുള്ളവർക്കാണ് തെരഞ്ഞെടുപ്പിൽ മുൻഗണന.
വിശദവിവരങ്ങളടങ്ങിയ വിജ്ഞാപനം www.jncasr-admissions.inൽ ലഭ്യമാണ്. അപേക്ഷഫീസ് 500 രൂപ. െഡബിറ്റ്/ക്രെഡിറ്റ് കാർഡ്/നെറ്റ് ബാങ്കിങ് മുഖാന്തരം ഓൺലൈനായി ഫീസ് അടക്കാം. അപേക്ഷ ഓൺലൈനായി നവംബർ 22നകം സമർപ്പിക്കണം.
മെറിറ്റടിസ്ഥാനത്തിൽ അപേക്ഷകരുടെ ചുരുക്കപ്പട്ടിക തയാറാക്കി അഭിരുചി പരീക്ഷ/ഇൻറർവ്യൂ നടത്തി തെരഞ്ഞെടുക്കും.ജവഹർലാൽ നെഹ്റു അഡ്വാൻസ്ഡ് സയൻറിഫിക് റിസർച് സെൻററിെൻറ കെമിസ്ട്രി, ഫിസിക്സ് (മെറ്റീരിയൽസ്), ന്യൂ കെമിസ്ട്രി, ന്യൂറോ സയൻസ്, മോളിക്യുലർ ബയോളജി, ജനറ്റിക്സ് യൂനിറ്റുകളിലാണ് ഗവേഷണ പഠനാവസരം. പ്രവേശനം നേടുന്നവർക്ക് സ്കോളർഷിപ് ലഭ്യമാണ്. കൂടുതൽ വിവരങ്ങൾ വിജ്ഞാപനത്തിലുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.