തേഞ്ഞിപ്പലം: കാലിക്കറ്റ് സര്‍വകലാശാല പി.ജി/ഇന്റഗ്രേറ്റഡ് പി.ജി/എം.പി.എഡ്/ബി.പി.എഡ്/ബി.പി.ഇ.എസ് (ഇന്റഗ്രേറ്റഡ്)/എല്‍എല്‍.എം പ്രോഗ്രാമുകളിലേക്കുള്ള പ്രവേശന പരീക്ഷ (സി.യു.സി.എ.ടി 2024) 28ന് തുടങ്ങും. വിശദമായ സമയക്രമവും ഹാള്‍ടിക്കറ്റും വെബ്സൈറ്റില്‍ ലഭ്യമാകും.
കാലിക്കറ്റ് സര്‍വകലാശാലയില്‍ ന്യൂഡല്‍ഹിയിലെ എന്‍.ഐ.ഇ.പി.എ, യു.കെയിലെ വാര്‍വിക് സര്‍വകലാശാല എന്നിവ സംയുക്തമായി നടത്തുന്ന അന്താരാഷ്ട്ര പ്രോജക്ടിന്റെ ഭാഗമായി രണ്ട് (എസ്.സി-1, ലാറ്റിന്‍ കാത്തോലിക്-1) പ്രോജക്ട് അസിസ്റ്റന്റുമാരെ നിയമിക്കുന്നു. 23ന് രാവിലെ 10.15ന് സര്‍വകലാശാല എജുക്കേഷന്‍ പഠനവകുപ്പിലാണ് അഭിമുഖം. വിശദമായ വിജ്ഞാപനം സര്‍വകലാശാല വെബ്സൈറ്റില്‍ (www.uoc.ac.in). ഇ-മെയിൽ: mpgftc@gmail.com.
രണ്ടാം സെമസ്റ്റർ ത്രിവത്സര യൂനിറ്ററി എൽഎൽ.ബി(2022 അഡ്മിഷൻ റെഗുലർ, 2018-2021 അഡ്മിഷൻ സപ്ലി), രണ്ടാം സെമസ്റ്റർ ത്രിവത്സര എൽഎൽ.ബി (2017 അഡ്മിഷൻ ആദ്യ മേഴ്‌സി ചാൻസ്, 2016 അഡ്മിഷൻ രണ്ടാം മേഴ്‌സി ചാൻസ്, 2015 അഡ്മിഷൻ മൂന്നാം മേഴ്‌സി ചാൻസ് - ഒക്ടോബർ 2023) പരീക്ഷ ഫലം പ്രസിദ്ധീകരിച്ചു. പുനർമൂല്യനിർണയത്തിന് അപേക്ഷ റെഗുലർ, സപ്ലിമെൻററി വിദ്യാർഥികൾ ഓൺലൈനിലും മേഴ്‌സി ചാൻസ് വിദ്യാർഥികൾ നേരിട്ടും 28നകം സമർപ്പിക്കണം.
മൂന്നാം സെമസ്റ്റർ എം.എസ് സി കമ്പ്യൂട്ടർ സയൻസ്(2022 അഡ്മിഷൻ റെഗുലർ 2019,2021 അഡ്മിഷൻ സപ്ലിമെൻററി - നവംബർ 2023) പരീക്ഷയുടെ ഫലം പ്രസിദ്ധീകരിച്ചു. അഫിലിയേറ്റഡ് കോളജുകൾ നടത്തുന്ന നാലാം സെമസ്റ്റർ എം.എഡ് (2022 അഡ്മിഷൻ റെഗുലർ, 2020-2021 അഡ്മിഷൻ സപ്ലിമെൻററി, 2019 അഡ്മിഷൻ ആദ്യ മേഴ്‌സി ചാൻസ്) പരീക്ഷകൾക്ക് ജൂൺ അഞ്ചുവരെ ഫീസടച്ച് അപേക്ഷ സമർപ്പിക്കാം. ജൂൺ ആറിനു ഫൈനോടു കൂടിയും ജൂൺ ഏഴിന് സൂപ്പർ ഫൈനോടെയും അപേക്ഷ സ്വീകരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.