യൂക്കോ, സെൻട്രൽ ബാങ്കുകളിൽ സ്​പെഷലിസ്റ്റ് ഓഫിസർ

കേന്ദ്ര പൊതുമേഖലയിൽപെടുന്ന യൂക്കോ, സെൻട്രൽ ബാങ്കുകളിൽ സ്​പെഷലിസ്റ്റ് ഓഫിസറാകാം. സംക്ഷിപ്ത വിവരങ്ങൾ ചുവടെ:

യൂക്കോ ബാങ്ക്: ഒഴിവുകൾ -68 (ഇക്കണോമിസ്റ്റ് -2, ഫയർ സേഫ്റ്റി ഓഫിസർ-2 , സെക്യൂരിറ്റി ഓഫിസർ -8, റിസ്ക് ഓഫിസർ -10, ഐ.ടി ഓഫിസർ -21, ചാർട്ടേഡ് അക്കൗണ്ടന്റ് -25), സ്ഥിരംനിയമനം.

ശമ്പളനിരക്ക്: -ജൂനിയർ മാനേജ്മെന്റ് ഗ്രേഡ് സ്കെയിൽ ഒന്നിൽ 48,480 -85,920 രൂപ. മീഡിൽ മാനേജ്മെന്റ് ഗ്രേഡ് സ്കെയിൽ രണ്ടിൽ 64,820-93,960 -രൂപ. ക്ഷാമബത്ത, വീട്ടുവാടക ബത്ത, ചികിത്സ സഹായം ഉൾപ്പെടെ ആനുകൂല്യങ്ങളും ലഭിക്കും.

യോഗ്യത മാനദണ്ഡങ്ങൾ, സെലക്ഷൻ നടപടികൾ, അപേക്ഷ സമർപ്പണത്തിനുള്ള നിർദേശങ്ങൾ അടക്കമുള്ള വിവരങ്ങൾ https://ucobank.com ൽനിന്ന് ഡൗൺലോഡ് ചെയ്യാം. അപേക്ഷ ഫീസ് -600 രൂപ. പട്ടിക/ഭിന്നശേഷി വിഭാഗങ്ങൾക്ക് 100 രൂപ മതി. ജനുവരി 20 വരെ ഓൺലൈനായി അപേക്ഷിക്കാം.

സെൻട്രൽ ബാങ്ക് ഓഫ് ഇന്ത്യ: സ്​പെഷലിസ്റ്റ് ഓഫിസർ (ഐ.ടി). കരാർ നിയമനം മൂന്നുവർഷത്തേക്ക്. ഒഴിവുകൾ -62, (ജനറൽ 27, ഒ.ബി.സി 16, എസ്.സി 9, എസ്.ടി 4, ഇ.ഡബ്ല്യൂ.എസ് ^6) ഭിന്നശേഷികാർക്ക് രണ്ടു ഒഴിവുകളിൽ നിയമനം ലഭിക്കും. തസ്തിക തിരിച്ചുള്ള ഒഴിവുകൾ: ഡേറ്റ എൻജിനീയർ/ അനലിസ്റ്റ് -3, ഡേറ്റ സയന്റിക്സ്-2, ഡേറ്റ ആർക്കിടെക്റ്റ്, ക്ലൗഡ് ആർക്കിടെക്റ്റ്/ഡിസൈനർ​/മോൾഡർ -2,എം.എൽ എൻജിനീയർ -2, ജനറൽ എ.ഐ എക്സ്​പെർട്ട്സ് -2, കമ്പയിൻ മാനേജർ -1, SEO സ്​പെഷലിസ്റ്റ് -1, ഗ്രാഫിക് ​ഡിസൈനർ ആൻഡ് വിഡിയോ എഡിറ്റർ -1 കണ്ടന്റ് റൈറ്റർ (ഡിജിറ്റൽ മാർക്കറ്റിങ്) -1, മാർടെക് സ്​പെഷലിസ്റ്റ് -1, നിയോ സപ്പോർട്ട് റിക്വയർമെന്റ് (എൽ 2-6), (എൽ1) -10, പ്രൊഡക്ഷൻ സപ്പോർട്ട് /ടെക്നിക്കൽ സപ്പോർട്ട് എൻജിനീയർ -10, ഡിജിറ്റൽ പേമെന്റ് ആപ്ലിക്കേഷൻ സപ്പോർട്ട്എൻജിനീയർ -10, ഡെവലപ്പർ /ഡേറ്റ സപ്പോർട്ട്എൻജിനീയർ -10.

യോഗ്യത, മാനദണ്ഡങ്ങളും സെലക്ഷൻ നടപടികളുമടക്കം വിശദമായ വിജ്ഞാപനം www. centralbankofindia.co.in/career ൽനിന്നും ഡൗൺലോഡ് ചെയ്യാം. ജനുവരി 12 വരെ ഓൺലൈനായി രജിസ്റ്റർ ചെയ്യാവുന്നതാണ്.