ന്യൂഡൽഹി: ഡൽഹിയിൽ സ്കൂട്ടറിൽ സഞ്ചരിച്ച മൂന്നു യുവാക്കൾക്ക് നേരെയുണ്ടായ വെടിവെപ്പിൽ ഒരാൾ കൊല്ലപ്പെട്ടു. രണ്ടു പേർക്ക് പരുക്കേറ്റു. നദീം എന്നയാളാണ് കൊല്ലപ്പെട്ടത്. മൂന്നു പേരും സുഹൃത്തുക്കളാണ്. സംഭവത്തിൽ പ്രായപൂർത്തിയാകാത്ത മൂന്നുപേരെ പൊലീസ് അറസ്റ്റു ചെയ്തു.
വെള്ളിയാഴ്ച രാത്രി നോർത്ത് ഈസ്റ്റ് ഡൽഹിയിലെ കബീർ നഗറിലായിരുന്നു സംഭവം. അറസ്റ്റിലായവരിൽ ഒരാൾ നദീമിൽ നിന്ന് പണം കടം വാങ്ങിയിരുന്നു. നദീം ഇത് തിരിച്ചു ചോദിച്ചിരുന്നെന്നും പൊലീസ് പറഞ്ഞു. പരുക്കേറ്റവരിൽ ഒരാളുടെ നില ഗുരുതരമായി തുടരുകയാണ്. നദീമിനും സുഹൃത്തുക്കൾക്കും നേരെ പ്രതികൾ ഏഴ് റൗണ്ട് വെടിയുതിർത്തത്.
വെടിയൊച്ച കേട്ട് നാട്ടുകാർ ഓടിയെത്തിയതോടെ പ്രതികൾ സ്വന്തം സ്കൂട്ടർ ഉപേക്ഷിച്ച് നദീമിന്റെ സ്കൂട്ടറിൽ രക്ഷപ്പെട്ടു. നദീമിന്റെ മൊബൈൽ ഫോണും പ്രതികൾ കവർന്നു. ഇവരെ പിന്നീട് പൊലീസ് പിടികൂടുകയായിരുന്നു. ജ്യോതി നഗറിലുണ്ടായ മറ്റൊരു വെടിവെപ്പിലും ഇവർ പ്രതികളാണ്.
നദീമിന്റെ മൃതദേഹം പോസ്റ്റുമോർട്ടത്തിനായി ആശുപത്രിയിലേക്ക് മാറ്റി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.