തിരുവല്ല : 60 കാരിയായ വീട്ടമ്മയെ മർദ്ദിച്ച സംഭവത്തിൽ സി.പി.എം ബ്രാഞ്ച് സെക്രട്ടറിക്കും കൂട്ടാളിക്കുമെതിരെ കേസെടുത്തു. പുളിക്കീഴ് സീറോ ലാൻഡ് കോളനിയിലെ താമസക്കാരിയായ വീട്ടമ്മയുടെ പരാതിയിലാണ് പരുമല നാക്കട ബി ബ്രാഞ്ച് സെക്രട്ടറിയായ ഇടക്കാട്ടിൽ വീട്ടിൽ വിപിൻ നാഥ് (29) , സുഹൃത്ത് തിക്കപ്പുഴ ഇടക്കാട്ടിൽ വീട്ടിൽ സജീഷ് (22) എന്നിവർക്കെതിരെ പൊലീസ് കേസ് രജിസ്റ്റർ ചെയ്തത്.
വീട്ടമ്മയുടെ മകൻ ബിജുവുമായി ഉള്ള തർക്കം പറഞ്ഞു തീർക്കാൻ ഇക്കഴിഞ്ഞ ദിവസം വൈകിട്ടോടെ എത്തിയ സംഘം നടത്തിയ ആക്രമണത്തിനിടെയാണ് വീട്ടമ്മക്ക് പരിക്കേറ്റത്. സജീഷിന്റെ പിതാവും പരാതിക്കാരുടെ മകൻ ബിജുവും തമ്മിൽ ഉണ്ടായ അടിപിടി സംബന്ധിച്ച് ചോദിക്കാൻ എത്തിയ വിപിൻ നാഥും സംഘവും ആക്രമണം അഴിച്ചുവിടുകയായിരുന്നുവെന്ന് പൊലീസ് പറഞ്ഞു. ഇതിനിടെ, കേസ് ഒത്തുതീർപ്പാക്കാനുള്ള നീക്കങ്ങൾ അണിയറയിൽ ശക്തമാണെന്ന് പറയപ്പെടുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.