കിടങ്ങൂർ: യുവാവിനെ കുത്തിക്കൊലപ്പെടുത്താൻ ശ്രമിച്ച കേസിൽ ഒരാളെക്കൂടി അറസ്റ്റ് ചെയ്തു. പാലാ ചേർപ്പുങ്കൽ കാരിക്കൽ വീട്ടിൽ എസ്. അതുലാണ് (25) അറസ്റ്റിലായത്. ഇയാളും സുഹൃത്തും ചേർന്ന് കഴിഞ്ഞ ദിവസം രാത്രി 11ഓടെ ചേർപ്പുങ്കൽ കെ.ടി.ഡി.സി ബിയർ പാർലറിന് സമീപം പുലിയന്നൂർ സ്വദേശിയായ യുവാവിനെ കുത്തിക്കൊലപ്പെടുത്താൻ ശ്രമിക്കുകയായിരുന്നു.
യുവാവും സുഹൃത്തും സഞ്ചരിച്ച കാറിന് മാർഗതടസ്സം സൃഷ്ടിക്കത്തക്ക രീതിയിൽ നിന്ന പ്രതികളോട് ഹോൺ മുഴക്കി വഴിയിൽനിന്ന് മാറിനിൽക്കാൻ ആവശ്യപ്പെട്ടതിനെ തുടർന്നാണ് വാക്തർക്കം ഉണ്ടായത്. പ്രതികളിലൊരാളായ കടപ്ലാമറ്റം ഇല്ലത്തുവീട്ടിൽ സ്റ്റെഫിൻ ഷാജിയെ കഴിഞ്ഞ ദിവസം പിടികൂടിയിരുന്നു.
അതുലിന് കിടങ്ങൂർ സ്റ്റേഷനിൽ എൻ.ഡി.പി.എസ് കേസ് നിലവിലുണ്ട്. എസ്.എച്ച്.ഒ കെ.ആർ. ബിജു, എസ്.ഐ കുര്യൻ മാത്യു, സി.പി.ഒമാരായ സുധീഷ്, സുനിൽകുമാർ, ഹരിഹരൻ, ജിതീഷ് എന്നിവർ ചേർന്നാണ് ഇയാളെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.