നീർവേലിയിൽ തീവെച്ച് നശിപ്പിച്ച ബൈക്ക്
കൂത്തുപറമ്പ്: നീർവേലിയിൽ വീട്ടുമുറ്റത്ത് നിർത്തിയിട്ട ബൈക്ക് തീവെച്ച് നശിപ്പിച്ചു. എസ്.ഡി.പി.ഐ പ്രവർത്തകൻ ഏളക്കുഴിയിലെ റഹൂഫിന്റെ ബൈക്കാണ് തീവെച്ച് നശിപ്പിച്ചത്. ശനിയാഴ്ച പുലർച്ച 1.30ഓടെയാണ് സംഭവം. വലിയ ശബ്ദം കേട്ടതിനെ തുടർന്ന് അയൽവാസികളാണ് വീട്ടുകാരെ വിവരമറിയിച്ചത്.
മട്ടന്നൂർ പൊലീസിൽ വിവരമറിയിച്ചതിനെത്തുടർന്ന് പൊലീസ് സ്ഥലത്തെത്തി അന്വേഷണം നടത്തി. ഫോറൻസിക് സംഘവും ഡോഗ്സ്ക്വാഡും സ്ഥലത്തെത്തി പരിശോധന നടത്തി. കഴിഞ്ഞദിവസം 11ാം മൈലിൽ എസ്.ഡി.പി.ഐയുടെ കൊടി നശിപ്പിക്കപ്പെട്ടിരുന്നു. സംഭവത്തിൽ പ്രതികളെ പൊലീസ് അറസ്റ്റ് ചെയ്യുകയും ഇവരെ സ്റ്റേഷൻ ജാമ്യത്തിൽ വിടുകയും ചെയ്തു.
അതിന്റെ തുടർച്ചയായാണ് ബൈക്ക് തീവെച്ച് നശിപ്പിച്ചതെന്നാണ് സംശയിക്കുന്നത്. കണ്ണൂർ സിറ്റി പൊലീസ് കമീഷണർ ആർ. ഇളങ്കോ ഐ.പി.എസ്, കൂത്തുപറമ്പ് എ.സി.പി പ്രദീപ് കണ്ണിപ്പൊയിൽ, മട്ടന്നൂർ പൊലീസ് സബ് ഇൻസ്പെക്ടർ കെ.വി. ഉമേശൻ തുടങ്ങിയവർ സംഭവസ്ഥലം സന്ദർശിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.