ന്യൂഡൽഹി: ക്ലാസിൽ പഠിക്കുന്ന പെൺകുട്ടിയോട് സംസാരിച്ചതിന് 12ാം ക്ലാസ് വിദ്യാർഥിയുടെ വിരൽ മുറിച്ച് സീനിയർ വിദ്യാർഥി. ഇവരുടെ വിദ്യാലയത്തിൽ മുമ്പ് പഠിച്ചിരുന്നയാളാണ് പ്രതിയെന്ന് ഡൽഹി പൊലീസ് പറഞ്ഞു.
ഒക്ടോബർ 21നാണ് സംഭവം നടന്നത്. പേടിച്ചരണ്ട വിദ്യാർഥി വീട്ടിൽ സംഭവം പറഞ്ഞിരുന്നില്ല. മോട്ടോർ സൈക്കിളിന്റെ ചെയിനിനുള്ളിൽ പെട്ടാണ് വിരൽ മുറിഞ്ഞത് എന്നായിരുന്നു കുട്ടി വീട്ടുകാരോട് പറഞ്ഞത്. പിന്നീടാണ് കുട്ടി സംഭവം മാതാപിതാക്കളോട് പറയുന്നത്. തുടർന്ന് അവരുടെ പരാതിയിൽ പൊലീസ് കേസെടുക്കുകയായിരുന്നു. സ്കൂളിനു പുറത്ത് നിൽക്കുകയായിരുന്ന പ്രതി തന്നെ പാർക്കിലേക്ക് കൂട്ടിക്കൊണ്ടുപോയെന്ന് വിദ്യാർഥി പറയുന്നത്.
ട്യൂഷൻ ക്ലാസിലെ പെൺ സഹപാഠിയുമായുള്ള സൗഹൃദം വിലക്കിയ പ്രതി കല്ല് കൊണ്ട് വിദ്യാർഥിയുടെ വിരൽ ആക്രമിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.