നാടോടികളുടെ മോഷണം പതിവ്

അ​മ്പ​ല​പ്പു​ഴ: നാ​ടോ​ടി​ക​ള്‍ നാ​ട്ടു​കാ​ര്‍ക്ക് ഭീ​ഷ​ണി​യാ​കു​ന്നു. പ​ക​ൽ​പോ​ലും വ​യോ​ധി​ക​ര്‍ക്കും കു​ട്ടി​ക​ള്‍ക്കും വീ​ടു​ക​ളി​ല്‍ സ്വ​സ്ഥ​മാ​യി ക​ഴി​യാ​ന്‍ പ​റ്റാ​ത്ത സാ​ഹ​ച​ര്യ​മാ​ണ്. ഗ്രാ​മ​ങ്ങ​ള്‍ കേ​ന്ദ്രീ​ക​രി​ച്ചാ​ണ് നാ​ടോ​ടി​ക​ള്‍ മോ​ഷ​ണ​വും അ​ക്ര​മ​വും ന​ട​ത്തു​ന്ന​ത്. കൊ​ച്ചു​കു​ട്ടി​ക​ളോ​ടൊ​പ്പം കൂ​ട്ട​മാ​യെ​ത്തു​ന്ന നാ​ടോ​ടി സം​ഘ​ത്തെ ചോ​ദ്യം ചെ​യ്താ​ല്‍ ആ​ക്ര​മി​ക്കാ​നും മ​ടി​കാ​ണി​ക്കി​ല്ല. ക​ഴി​ഞ്ഞ ദി​വ​സം ആ​ല​പ്പു​ഴ ന​ഗ​ര​ത്തി​ല്‍ വീ​ട്​ നി​ർ​മാ​ണ​ത്തി​ന്​ സൂ​ക്ഷി​ച്ച ക​മ്പി​ക​ളും ഇ​രു​മ്പ് സാ​മ​ഗ്രി​ക​ളും മോ​ഷ്ടി​ച്ച് വി​ല്‍പ​ന ന​ട​ത്തി​യ മൂ​ന്നം​ഗ സം​ഘ​ത്തെ പൊ​ലീ​സ് പി​ടി​കൂ​ടി​യി​രു​ന്നു. സ​മാ​ന​രീ​തി​യി​ല്‍ ന​ട​ത്തി​യ മോ​ഷ​ണ​ത്തി​ന് അ​മ്പ​ല​പ്പു​ഴ പൊ​ലീ​സും മൂ​ന്നു​പേ​രെ പി​ടി​കൂ​ടി​യി​രു​ന്നു. ആ​ളൊ​ഴി​ഞ്ഞ പു​ര​യി​ട​ങ്ങ​ളി​ലും അ​ട​ഞ്ഞു​കി​ട​ക്കു​ന്ന ക​ട​ത്തി​ണ്ണ​ക​ളി​ലും ത​മ്പ​ടി​ക്കു​ന്ന ഇ​വ​രെ കു​റി​ച്ചു​ള്ള വി​വ​ര​ങ്ങ​ള്‍ ആ​ര്‍ക്കും അ​റി​യി​ല്ല. പ​ക​ല്‍ ആ​ക്രി പെ​റു​ക്കു​ക​യാ​ണെ​ന്ന വ്യാ​ജേ​ന സം​ഘം ചേ​ര്‍ന്നെ​ത്തു​ന്ന നാ​ടോ​ടി​ക​ള്‍ ആ​ളി​ല്ലാ​ത്ത വീ​ട്ടു​വ​ള​പ്പി​ല്‍ കി​ട​ക്കു​ന്ന പാ​ത്ര​ങ്ങ​ളും മ​റ്റും മോ​ഷ്ടി​ക്കും.

ബ​സ്​ യാ​ത്ര​ക്കി​ടെ മാ​ല​യും പ​ണ​മ​ട​ങ്ങി​യ പ​ഴ്സും ക​വ​ര്‍ച്ച ചെ​യ്യു​ന്ന സം​ഘ​വും നാ​ടോ​ടി​ക​ള്‍ക്കി​ട​യി​ലു​ണ്ട്. ക​ഴി​ഞ്ഞ ദി​വ​സം കെ.​എ​സ്.​ആ​ർ.​ടി.​സി ബ​സി​ൽ യാ​ത്ര​ക്കി​ടെ പി​ഞ്ചു​കു​ഞ്ഞി​ന്‍റെ ത​ള ക​വ​ർ​ന്നു. ആ​ല​പ്പു​ഴ മെ​ഡി​ക്ക​ൽ​കോ​ള​ജ് ആ​ശു​പ​ത്രി​യി​ൽ കു​ഞ്ഞി​ന് കു​ത്തി​വെ​പ്പ്​ എ​ടു​ക്കാ​ൻ എ​ട​ത്വ​യി​ൽ​നി​ന്ന് ആ​ല​പ്പു​ഴ​ക്കു​ള്ള കെ.​എ​സ്.​ആ​ർ.​ടി.​സി ബ​സി​ൽ ക​യ​റി​യ​താ​യി​രു​ന്നു. അ​മ്പ​ല​പ്പു​ഴ പ​ടി​ഞ്ഞാ​റെ ന​ട​യി​ൽ എ​ത്തി​യ​പ്പോ​ൾ നാ​ടോ​ടി​ക​ൾ കു​ഞ്ഞി​ന്‍റെ ത​ള വ​ലി​ച്ചൂ​രു​ന്ന​ത് മാ​താ​വി​ന്‍റെ ശ്ര​ദ്ധ​യി​ൽ​പെ​ട്ടു. ഉ​ട​ൻ സ്ത്രീ ​ത​ള താ​ഴെ​യി​ട്ടു. ബ​സ് അ​മ്പ​ല​പ്പു​ഴ പൊ​ലീ​സ് സ്റ്റേ​ഷ​നി​ലെ​ത്തി​ച്ച​തി​ന് ശേ​ഷം മൂ​ന്നു നാ​ടോ​ടി​ക​ളെ പൊ​ലീ​സ് അ​റ​സ്റ്റ് ചെ​യ്തു. ഭി​ക്ഷാ​ട​ത്തി​ന്‍റെ മ​റ​വി​ലും മോ​ഷ​ണം ന​ട​ത്തു​ന്ന നാ​ടോ​ടി സം​ഘ​മു​ണ്ട്. പു​റ​ക്കാ​ട്ട്​ ഒ​രു വീ​ട്ടി​ല്‍ ക​യ​റി അ​ല​മാ​ര​യി​ല്‍ സൂ​ക്ഷി​ച്ച സ്വ​ർ​ണം ക​വ​ര്‍ന്ന സം​ഘ​ത്തെ നാ​ട്ടു​കാ​ര്‍ പി​ടി​കൂ​ടി പൊ​ലീ​സി​ന് കൈ​മാ​റി​യി​രു​ന്നു.

വീ​ട്ട​മ്മ മാ​ത്രം ഉ​ണ്ടാ​യി​രു​ന്ന സ​മ​യം ഭി​ക്ഷാ​ട​ന​ത്തി​ന്‍റെ മ​റ​വി​ല്‍ വീ​ട്ടി​ലെ​ത്തി​യ സം​ഘം തു​റ​ന്ന് കി​ട​ന്ന മു​ൻ​വ​ശ​ത്തെ വാ​തി​ലി​ലൂ​ടെ അ​ക​ത്ത് ക​ട​ന്ന്​ അ​ല​മാ​ര​യി​ൽ സൂ​ക്ഷി​ച്ച ഒ​ന്ന​ര പ​വ​ന്‍റെ വ​ള, പ​ണ​മ​ട​ങ്ങി​യ ബാ​ഗ് എ​ന്നി​വ കൈ​ക്ക​ലാ​ക്കി​യ​തി​ന് ശേ​ഷം വീ​ട്ടു​പ​ക​ര​ണ​ങ്ങ​ളും അ​പ​ഹ​രി​ക്കാ​ൻ ശ്ര​മി​ച്ചു. ശ​ബ്ദം കേ​ട്ട് വീ​ട്ട​മ്മ മു​റി​യി​ലെ​ത്തി​യ​പ്പോ​ഴേ​ക്കും നാ​ടോ​ടി​ക​ൾ ഓ​ടി. വീ​ട്ട​മ്മ ബ​ഹ​ളം വെ​ച്ച​തോ​ടെ നാ​ട്ടു​കാ​ർ പി​ന്തു​ട​ർ​ന്നാ​ണ് മോ​ഷ്ടാ​ക്ക​ളെ പി​ടി​കൂ​ടി അ​മ്പ​ല​പ്പു​ഴ പൊ​ലീ​സി​ന് കൈ​മാ​റു​ക​യാ​യി​രു​ന്നു.