സന്തോഷ്
എടക്കര: വാഹനത്തിൽനിന്ന് പണവും മൊബൈൽ ഫോണും മോഷ്ടിച്ച കേസിൽ യുവാവിനെ എടക്കര പൊലീസ് അറസ്റ്റ് ചെയ്തു. വഴിക്കടവ് രണ്ടാംപാടം കൊന്നപ്പാറ നിരവിൽ സന്തോഷിനെയാണ് (40) എടക്കര പൊലീസ് ഇൻസ്പെക്ടർ പി.എസ്. മഞ്ജിത് ലാൽ അറസ്റ്റ് ചെയ്തത്. ഒക്ടോബർ 30ന് എടക്കര ബിവറേജസ് ഷോപ്പിന് സമീപമാണ് സംഭവം.
പരാതിക്കാരെൻറ വാഹനത്തിെൻറ തകരാർ പരിഹരിച്ചുനൽകാമെന്ന് പറഞ്ഞ് അടുത്തുകൂടിയ സന്തോഷ് മൊബൈലും 600 രൂപയും മോഷ്ടിച്ച് രക്ഷപ്പെടുകയായിരുന്നു. മോഷ്ടിച്ച മൊബൈലുമായി കഴിഞ്ഞദിവസം എടക്കരയിലെ കടയിൽ എത്തിയതോടെയാണ് ഇയാൾ പൊലീസ് പിടിയിലായത്. പ്രതിയെ കോടതിയിൽ ഹാജരാക്കി. എസ്.ഐ അബ്ദുൽ ഹക്കീം, സി.പി.ഒമാരായ പ്രബീഷ്, സുനീഷ്, ശഫീഖ്, വനിത സി.പി.ഒ നിഷ എന്നിവരാണ് പ്രതികളെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.