റ​സാ​ഖ്, റ​സി​യ Vintage Style

യാ​ത്ര​ക​ളെ പ്ര​ണ​യി​ച്ച അ​ബ്ദു​ൽ റ​സാ​ഖി​നും ന​ല്ല പാ​തി റ​സി​യ​ക്കും അ​ത്ര​മേ​ൽ ഇ​ഷ്ട​മാ​ണ് പു​രാ​വ​സ്തു​ശേ​ഖ​രം. ത​ല​ശ്ശേ​രി​ക്ക​ടു​ത്ത പു​ന്നോ​ലി​ലെ സാ​ഹി​ൽ എ​ന്ന വീ​ട​ക​ത്തെ​ത്തു​മ്പോ​ൾ ഒ​രു കൊ​ച്ചു മ്യൂ​സി​യ​ത്തി​ലെ​ത്തി​യ പ്ര​തീ​തി​യാ​ണ്. അ​ത്യാ​ധു​നി​ക ആ​ഡം​ബ​ര​ങ്ങ​ളെ പ​ടി​ക്ക് പു​റ​ത്തു നി​ർ​ത്തി മ​നോ​ഹ​ര​മാ​യി രൂ​പ​ക​ൽ​പ​ന ചെ​യ്ത അ​ക​ത്ത​ള​ങ്ങ​ളി​ൽ ആ​രെ​യും വി​സ്മ​യി​പ്പി​ക്കു​ന്ന പു​രാ​വ​സ്തു​ക്ക​ളു​ടെ അ​പൂ​ർ​വ ശേ​ഖ​രം. ലോ​ക​ത്തി​ന്റെ മു​ക്കു മൂ​ല​ക​ളി​ലെ​ല്ലാം സ​ഞ്ച​രി​ച്ച് സ്വ​ന്ത​മാ​ക്കി​യ വൈ​വി​ധ്യ​മാ​ർ​ന്ന കൗ​തു​ക നി​ർ​മി​തി​ക​ൾ.

റസാഖിന്റെ പുരാവസ്തു ശേഖരത്തിൽനിന്ന്

ബി​സി​ന​സു​കാ​ര​നാ​യ പി​താ​വി​ന്റെ വ​ഴി​യി​ൽ സ​ഞ്ച​രി​ച്ച അ​ബ്ദു​ൽ റസാഖ് നാ​ല് പ​തി​റ്റാ​ണ്ടുമു​മ്പ് മ​ണ​ലാ​ര​ണ്യ​ത്തി​ലെ​ത്തി പ​ടു​ത്തു​യ​ർ​ത്തി​യ ക​മ്പ​നി​യു​ടെ വ​ള​ർ​ച്ച​യു​ടെ പ​ട​വു​ക​ൾ​ക്കൊ​പ്പം തു​ട​ങ്ങി​യ​താ​ണ് ലോ​ക സ​ഞ്ചാ​ര​വും. ന​ന്നെ ചെ​റു​പ്പ​ത്തി​ലേ യാ​ത്ര​ക​ളോ​ട് ക​മ്പ​മേ​റി​യ അ​ബ്ദു​ൽ റസാഖ് ത​ല​ശ്ശേ​രി ബ്ര​ണ്ണ​ൻ കോ​ള​ജി​ൽനി​ന്ന് ബി​രു​ദ​മെ​ടു​ത്ത ശേ​ഷം സ്വ​പ്ന​ങ്ങ​ളു​ടെ കൂമ്പാ​ര​വു​മാ​യാ​ണ് മ​ണ​ലാ​ര​ണ്യ​ത്തി​ലേ​ക്ക് പ​റ​ക്കു​ന്ന​ത്. എ​ഴു​പ​തു​ക​ളു​ടെ ആ​ദ്യ​മേ അ​വി​ടെ ആ​രം​ഭി​ച്ച ക്രോ​ക്ക​റി വ്യാ​പാ​രം ലോ​ക​ത്തി​ന്റെ മു​ക്കി​ലും മൂ​ല​യി​ലു​മെ​ത്തി​യ​തും സ​ഞ്ചാ​ര​ത്തോ​ടു​ള്ള അ​തി പ്രി​യം കൊ​ണ്ടാ​യി​രു​ന്നു. യൂ​റോ​പ്പി​ലെ ഏ​റക്കു​റെ എ​ല്ലാ രാ​ജ്യ​ങ്ങ​ളും ചു​റ്റി​ക്ക​റ​ങ്ങി​യ അ​ബ്ദു​ൽ റസാഖ് ആ​ഫ്രി​ക്ക​യി​ലും സൗ​ത്ത് അ​മേ​രി​ക്ക​യി​ലും പോ​കാ​ത്ത രാ​ജ്യ​ങ്ങ​ൾ വി​ര​ളം.

കൗ​തു​ക​ത്തി​ന​പ്പു​റം

മും​ബൈ​ക്കാ​രി​യാ​യ റ​സി​യ ജീ​വി​ത കൂ​ട്ടി​നെ​ത്തി​യ​തോ​ടെ​യാ​ണ് ലോ​കം കാ​ണു​ന്ന​തി​ന​പ്പു​റം ച​രി​ത്ര​മു​റ​ങ്ങു​ന്ന ഏ​ടു​ക​ളു​ടെ​യും പു​രാ​വ​സ്തു​ക്ക​ളു​ടെ​യും ശി​ൽ​പ​ങ്ങ​ളു​ടെ​യും ശേ​ഖ​ര​ണ​വും വി​നോ​ദ​മാ​യി മാ​റി. കേ​വ​ലം കൗ​തു​ക​മെ​ന്ന​തി​ന​പ്പു​റം ജീ​വി​ത​ത്തി​ന്റെ ഭാ​ഗംത​ന്നെ​യാ​യി അ​വ ഓ​രോ​ന്നും. പി​ന്നീ​ടു​ള്ള സ​ഞ്ചാ​രം ലോ​ക​ത്തി​ന്റെ വൈ​വി​ധ്യ​വും വി​സ്മ​യ​ങ്ങ​ളും തേ​ടി​യു​ള്ള​താ​യി. ഓ​രോ രാ​ജ്യ​ങ്ങ​ളു​ടെ​യും സം​സ്കൃ​തി​യു​ടെ അ​ട​യാ​ള​ച്ചെ​പ്പു​ക​ൾ വീ​ട​ക​ത്തെ ചി​ല്ല​ര​മാ​ല​ക​ളി​ൽ എ​ത്തി​ക്കാ​ൻ ചെ​ല​വി​ട്ട​ത് ല​ക്ഷ​ങ്ങ​ൾ. ഇ​സ്തംബൂ​ളി​ൽ​നി​ന്ന് കൊ​ണ്ടു​വ​ന്ന പാ​പ്പി​റ​സ് ഇ​ല​യി​ൽ ഉ​ണ്ടാ​ക്കി​യ ചു​മ​ർചി​ത്ര​ങ്ങ​ളും ദ​ക്ഷി​ണാ​ഫ്രി​ക്ക​യി​ലെ ഗോ​ത്ര​വ​ർ​ഗ​ക്കാ​ർ ഗോ​ത​മ്പ് നാ​രുകൊ​ണ്ട് നി​ർ​മി​ച്ച ചി​ത്ര​പ്പ​ണി​ക​ളും സാ​ഹി​ലി​ലെ ചു​മ​രു​ക​ളി​ലെ അ​തി​വി​ശി​ഷ്ട കാ​ഴ്ച​ക​ളാ​ണ്.

ജ​യ്പൂ​ർ ക​ണ്ണാ​ടി മു​ത​ൽ ഇ​റാ​ൻ അട​ക്കം വി​വി​ധ പൂ​ർ​വേ​ഷ്യ​ൻ രാ​ജ്യ​ങ്ങ​ളി​ൽനി​ന്ന് സ​മ്പാ​ദി​ച്ച പ​ളു​ങ്കുപാ​ത്ര​ങ്ങ​ളും ഇ​വി​ടെ അ​ല​ങ്കാ​രം തീ​ർ​ക്കു​ന്നു. സ്വീ​ഡ​നി​ൽനി​ന്ന് കൊ​ണ്ടു​വ​ന്ന അ​പൂ​ർ​വ തു​ലാ​സും ബ്ര​സീ​ലി​ൽ ഗോ​ലി ക​ളി​ക്കു​ന്ന മ​ര​പ്പ​ല​ക​യും ഇ​വ​രു​ടെ വൈ​വി​ധ്യ​ങ്ങ​ളു​ടെ ക​ല​വ​റ​യി​ലു​ണ്ട്.

വെ​റും പു​രാ​വ​സ്തു ശേ​ഖ​ര​ത്തി​ലൊ​തു​ങ്ങു​ന്ന​ത​ല്ല അ​ബ്ദു​ൽ റസാഖിന്റെ​യും കു​ടും​ബ​ത്തി​ന്റെ​യും ഹോ​ബി. 1934 മോ​ഡ​ൽ ഓ​സ്റ്റി​ൻ കാ​റും 1951 മോ​ഡ​ൽ മോ​റി​സ് മൈ​ന​റും വി​വി​ധ​യി​ട​ങ്ങ​ളി​ലെ സൂ​ക്ഷി​പ്പ് ശേ​ഖ​ര​ത്തി​ലു​ണ്ട്. ഒ​പ്പം ലോ​ക​ത്തി​ലെ ഒ​ട്ടു​മി​ക്ക രാ​ജ്യ​ങ്ങ​ളി​ലെ​യും അ​പൂ​ർ​വ ക​റ​ൻ​സി​ക​ളും നാ​ണ​യ​ങ്ങ​ളും. ലോ​ക സ​ഞ്ചാ​രം മ​തി​യാ​ക്കി വ​യ​നാ​ട്ടി​ൽ റി​സോ​ർ​ട്ട് ന​ട​ത്തു​ന്ന അ​ബ്ദു​ൽ റസാഖി​ന് ഭാ​ര്യ​യു​ടെ പാ​ച​ക വൈ​ദ​ഗ്ധ്യവും കൂ​ട്ടാ​ണ്. സ്വ​ന്ത​മാ​യി രൂ​പ ക​ൽ​പ​ന ചെ​യ്ത റി​സോ​ർ​ട്ടി​ലെ​ത്തു​ന്ന അ​തി​ഥി​ക​ൾ​ക്ക് റ​സി​യ​യു​ടെ രു​ചി​ട്ടു​ക​ൾ ആ​സ്വാ​ദ​ന​ത്തി​ന്റെ പു​തു അ​നു​ഭ​വം പ​ക​രു​ന്നു. മ​ക്ക​ളാ​യ റു​ബീ​ന സ്വീ​ഡ​നി​ലും റ​സീ​ന അ​മേ​രി​ക്ക​യി​ലും ക​രീ​ന യു.​എ.​ഇ​യി​ലു​മാ​ണ് താ​മ​സം.