ഫോർട്ട്​കൊച്ചി ഇമ്മാനുവൽ കോട്ടയുടെ ശേഷിപ്പുകൾ തെളിയുന്നു

ഫോ​ർ​ട്ട്​​കൊ​ച്ചി: തി​ര​യ​ടി​യേ​റ്റ് ഫോ​ർ​ട്ടു​കൊ​ച്ചി സൗ​ത്ത് ക​ട​പ്പു​റ​ത്തെ ഇ​മ്മാ​നു​വ​ൽ കോ​ട്ട​യു​ടെ ശേ​ഷി​പ്പു​ക​ൾ തെ​ളി​ഞ്ഞു. സൗ​ന്ദ​ര്യ​വ​ത്​കര​ണ​ത്തി​ന്‍റെ ഭാ​ഗ​മാ​യി നി​ർ​മി​ച്ചി​രു​ന്ന ന​ട​പ്പാ​ത ക​ഴി​ഞ്ഞ ക​ട​ൽ​ക്ഷോ​ഭ​ത്തി​ൽ ത​ക​ർ​ന്നി​രു​ന്നു. ക​ഴി​ഞ്ഞ ദി​വ​സം ന​ട​പ്പാ​ത ഇ​ടി​ഞ്ഞ​തോ​ടെ ഇ​തി​ന്‍റെ താ​ഴെ​യാ​ണ് കോ​ട്ട​യു​ടെ ചെ​ങ്ക​ല്ലി​ൽ തീ​ർ​ത്ത സു​ര​ക്ഷാ മ​തി​ലി​ന്‍റെ ശേ​ഷി​പ്പു​ക​ൾ ദൃ​ശ്യ​മാ​യ​ത്. രാ​ജ്യ​ത്തെ ത​ന്നെ ആ​ദ്യ യൂ​റോ​പ്യ​ൻ കോ​ട്ട​യാ​ണി​ത്.

1503ൽ ​കൊ​ച്ചി രാ​ജാ​വി​ന്‍റെ അ​നു​മ​തി​യോ​ടെ അ​ധി​നി​വേ​ശ ശ​ക്തി​ക​ളാ​യി കൊ​ച്ചി​യി​ലെ​ത്തി​യ പോ​ർ​ച്ചു​ഗീ​സു​കാ​ർ ത​ങ്ങ​ളു​ടെ രാ​ജാ​വി​ന്‍റെ നാ​മ​ധേ​യ​ത്തി​ൽ പ​ണി​ത​താ​ണ്​ കോ​ട്ട. കോ​ട്ട​യു​ടെ മ​തി​ലി​നു മു​ക​ളി​ലാ​ണ് ക​ട​പ്പു​റം ന​വീ​ക​ര​ണ​ത്തി​ന്‍റെ ഭാ​ഗ​മാ​യി ഫു​ട്പാ​ത്ത് ക​ട്ട വി​രി​ച്ചു പാ​കി​യ​തെ​ന്നാ​ണ് മു​ൻ മേ​യ​റും കൊ​ച്ചി​യു​ടെ ച​രി​ത്ര​കാ​ര​നു​മാ​യ കെ.​ജെ. സോ​ഹ​ൻ പ​റ​യു​ന്ന​ത്. ഏ​താ​ണ്ട് ഒ​രു മീ​റ്റ​ർ വീ​തി​യി​ൽ ചെ​ങ്ക​ല്ലി​ലാ​ണ് സു​ര​ക്ഷാ ഭി​ത്തി പ​ണി തീ​ർ​ത്തി​രു​ന്ന​ത്.

1663ൽ ​ഡ​ച്ചു​കാ​ർ പോ​ർ​ച്ചു​ഗീ​സു​കാ​രെ തു​ര​ത്തി കൊ​ച്ചി പി​ടി​ച്ച​ട​ക്കി​യ​പ്പോ​ൾ കോ​ട്ട ത​ക​ർ​ക്കു​ക​യാ​യി​രു​ന്നു. ക​ഴി​ഞ്ഞ ദി​വ​സം ക​ട​ൽ ക​യ​റി ഇ​റ​ങ്ങി​യ​പ്പോ​ൾ കോ​ട്ട​യു​ടെ അ​ടി​ത്ത​റ ഭാ​ഗം തീ​ര​ത്ത് ക​ണ്ടെ​ത്തി​യി​രു​ന്നു. എ​ന്നാ​ൽ ഇ​ന്ത്യ​ൻ ച​രി​ത്ര​ത്തി​ന്‍റെ പ്ര​ധാ​ന ഏ​ടു​ക​ളി​ലൊ​ന്നാ​യ ഈ ​പൈ​തൃ​ക തെ​ളി​വ് സം​ര​ക്ഷി​ക്കാ​ൻ ഒ​രു ന​ട​പ​ടി​യും ഉ​ണ്ടാ​യി​ല്ല.

ഈ ​കോ​ട്ട​യു​ടെ അ​ടി​സ്ഥാ​ന​ത്തി​ലാ​ണ് കൊ​ച്ചി​യെ ഫോ​ർ​ട്ട് (കോ​ട്ട) കൊ​ച്ചി എ​ന്ന് വി​ള​ക്കു​ന്ന​ത്. കൊ​ച്ചി കാ​ണാ​നെ​ത്തു​ന്ന സ​ഞ്ചാ​രി​ക​ളി​ൽ പ​ല​രും കോ​ട്ട എ​വി​ടെ​യെ​ന്ന് നാ​ട്ടു​കാ​രോ​ട് ചോ​ദി​ക്കാ​റു​ണ്ട്. ഈ ​ചോ​ദ്യ​ത്തി​നു​ള്ള മ​റു​പ​ടി​യാ​ണ് ഇ​ട​ക്കി​ടെ തെ​ളി​ഞ്ഞു വ​രു​ന്ന​ത്. പൈ​തൃ​കം തേ​ടി കോ​ടി​ക​ൾ മു​ട​ക്കി ഖ​ന​നം വ​രെ ചെ​യ്യു​മ്പോ​ഴാ​ണ് ഇ​വി​ടെ തെ​ളി​ഞ്ഞു വ​രു​ന്ന ച​രി​ത്രം പോ​ലും സം​ര​ക്ഷി​ക്ക​പെ​ടാ​തി​രി​ക്കു​ന്ന​ത്.