അ​റ​ബി​ക്​ ക​വി​ത​ക​ളു​ടെ വ​ർ​ഷം; റി​യാ​ദി​ൽ ഇം​റു​ൽ ഖൈ​സ്​ ഓ​ർ​മ​യി​ലൊ​രു കാ​​വ്യോ​ത്സ​വം

റി​യാ​ദ്: 2023 അ​റ​ബി​ക്​ ക​വി​ത​ക​ളു​ടെ വ​ർ​ഷ​മാ​യി ആ​ച​രി​ക്കു​ന്ന​തി​​ന്റെ ഭാ​ഗ​മാ​യി പ്രാ​ചീ​ന അ​റേ​ബ്യ​ൻ ക​വി ഇം​റു​ൽ ഖൈ​സി​ന്റെ ഓ​ർ​മ​യി​ൽ കാ​വ്യോ​ത്സ​വം സം​ഘ​ടി​പ്പി​ച്ച്​ സൗ​ദി സാം​സ്​​കാ​രി​ക മ​ന്ത്രാ​ല​യം. മ​നു​ഷ്യ​നും ജീ​വി​ത​വും പ്ര​ണ​യ​വും പ്ര​കൃ​തി​യു​മെ​ല്ലാം ചേ​രു​വ​യാ​ക്കി ക​വി​ത​കെ​ട്ടി പാ​ടി​യ ആ​റാം നൂ​റ്റാ​ണ്ടി​ലെ അ​റ​ബ് ക​വി ഇം​റു​ൽ ഖൈ​സി​ന്റെ ഓ​ർ​മ​ക​ൾ പു​തു​ക്കി റി​യാ​ദി​ൽ ക​ഴി​ഞ്ഞ ഒ​രാ​ഴ്​​ച​യാ​യി ന​ട​ക്കു​ന്ന ഫെ​സ്​​റ്റി​വ​ൽ വ്യാ​ഴാ​ഴ്​​ച രാ​ത്രി​യോ​ടെ സ​മാ​പി​ച്ചു.

ന​ഗ​ര​ത്തി​ന്റെ വ​ട​ക്കു​ഭാ​ഗ​ത്തെ ദ​റ​ഇ​യ്യ​യി​ൽ ഒ​രു​ങ്ങി​യ മേ​ള​ന​ഗ​രി​യി​ലാ​ണ്​ ഖൈ​സി​​ന്റെ കാ​വ്യ​ങ്ങ​ളെ ഇ​തി​വൃ​ത്ത​മാ​ക്കി നാ​ട​ക​ങ്ങ​ളും ച​ർ​ച്ച​ക​ളും സം​ഗീ​ത പ​രി​പാ​ടി​ക​ളും അ​ര​ങ്ങേ​റു​ന്ന​ത്. ഈ ​മാ​സം നാ​ലി​നാ​ണ്​ ഉ​ത്സ​വം ആ​രം​ഭി​ച്ച​ത്. ഇം​റു​ൽ ഖൈ​സി​ന്റെ വ​രി​ക​ൾ അ​റ​ബി​ക​ൾ​ക്കു​ മാ​ത്ര​മ​ല്ല, ലോ​ക​മെ​മ്പാ​ടു​മു​ള്ള സ​ഹൃ​ദ​യ​​രെ സ്വാ​ധീ​നി​ച്ചി​ട്ടു​ണ്ട്.

21 നൂ​റ്റാ​ണ്ടി​ലെ​ഴു​തു​ന്ന പ്ര​ണ​യ​ക്കു​റി​പ്പി​ലും ഖൈ​സി​​ന്റെ കാ​വ്യ​ശ​ക​ല​ങ്ങ​ൾ ഇ​ടം​പി​ടി​ക്കാ​റു​ണ്ടെ​ന്ന​ത്​ ആ ​സ്വാ​ധീ​ന​ത്തി​​ന്റെ ആ​ഴം വെ​ളി​പ്പെ​ടു​ത്തു​ന്ന​താ​ണ്. ഭാ​ഷ​യു​ടെ മ​നോ​ഹാ​രി​ത​യും കാ​വ്യ​ത്തി​​ന്റെ ആ​ന്ത​രി​ക തേ​ജ​സ്സും പ​രി​ല​സി​ക്കു​ന്ന ഖൈ​സി​ന്റെ വ​രി​ക​ൾ ഏ​റ്റ​വും മി​ക​ച്ച സാ​ങ്കേ​തി​ക​വി​ദ്യ​യു​ടെ പി​ന്തു​ണ​യോ​ടെ പു​ന​രാ​വി​ഷ്‍ക​രി​ക്കു​മ്പോ​ൾ ആ​സ്വാ​ദ​ക​ർ സ്വീ​ക​രി​ക്കു​ന്ന​ത് നി​റ​ഞ്ഞ കൈ​യ​ടി​യോ​ടെ​യാ​ണ്.

ക​വി​യു​ടെ ജീ​വി​ത​ക​ഥ​യു​ടെ ചു​രു​ള​ഴി​യു​ന്ന കാ​വ്യ​നാ​ട​ക​മാ​ണ്​ ഉ​ത്സ​വ​ന​ഗ​രി​യി​ലെ പ്ര​ധാ​ന പ​രി​പാ​ടി. ഭാ​ഷ​യ​റി​യാ​ത്ത​വ​രെ​പ്പോ​ലും കീ​ഴ്‌​പ്പെ​ടു​ത്തു​ന്ന മാ​ന്ത്രി​ക​ത​യി​ലാ​ണ് കു​തി​ര​പ്പു​റ​ത്തെ​ത്തു​ന്ന ഇം​റു​ൽ ഖൈ​സി​ന്​ ജീ​വ​ൻ ന​ൽ​കി​യ അ​ഭി​നേ​താ​വി​​ന്റെ പ്ര​ക​ട​നം. ഹൃ​ദ​യ​ങ്ങ​ളി​ലേ​ക്ക് നേ​രി​ട്ട് സം​വേ​ദ​നം​ചെ​യ്യു​ന്ന വ​രി​ക​ൾ​ക്കൊ​പ്പം അ​ഭി​ന​യി​ക്കു​ന്ന ക​ലാ​കാ​ര​ന്മാ​രെ പ്രേ​ക്ഷ​ക​ർ കൈ​യ​ടി​ച്ചും സം​ഭാ​ഷ​ണ​ങ്ങ​ൾ ഏ​റ്റു​പ​റ​ഞ്ഞും കൂ​ടെ പാ​ടി​യും പ്രോ​ത്സാ​ഹി​പ്പി​ക്കു​ന്നു.

വി​ഷാ​ദ​വും പ്ര​ണ​യ​വും സ്വ​പ്ന​ങ്ങ​ളും പ​ക​ർ​ന്നാ​ടി ക​ഥ​ക​ളെ വെ​ല്ലു​ന്ന ജീ​വി​തം സ്വ​ന്ത​മാ​യു​ള്ള ഇം​റു​ൽ ഖൈ​സ് ത​ങ്ങ​ളു​ടെ ആ​രാ​ധ​നാ പു​രു​ഷ​നാ​ണെ​ന്ന് നാ​ട​ക​സ​ദ​സ്സ് വി​ളി​ച്ചു​പ​റ​യു​ന്നു​ണ്ടാ​യി​രു​ന്നു. ക​വി​ത​യെ​ക്കു​റി​ച്ചു​ള്ള ച​ർ​ച്ച​ക​ൾ​ക്ക് സം​ഗീ​ത​ത്തി​​ന്റെ​യും ഇ​രു​ണ്ട വെ​ളി​ച്ച​ത്തി​​ന്റെ​യും അ​ക​മ്പ​ടി​യോ​ടെ പ്ര​തേ​ക വേ​ദി ത​ന്നെ നി​ർ​മി​ച്ചി​ട്ടു​ണ്ട്.

ഖൈ​സി​​ന്റെ കാ​വ്യ​വു​മാ​യി ബ​ന്ധ​പ്പെ​ട്ട ചോ​ദ്യ​ങ്ങ​ളും ഉ​ത്ത​ര​ങ്ങ​ളും സം​വാ​ദ​ങ്ങ​ളു​മാ​ണ് ഈ ​വേ​ദി​യി​ൽ ന​ട​ക്കു​ന്ന​ത്. ഒ​രു ദേ​ശ​ത്തി​​ന്റെ സം​സ്കാ​രം ആ​ഴ​ത്തി​ൽ അ​റി​യാ​നു​ള്ള ഏ​റ്റ​വും മി​ക​ച്ച മാ​ർ​ഗം ക​വി​ത​യാ​ണെ​ന്ന് ച​ർ​ച്ച​യി​ൽ പ​ങ്കെ​ടു​ത്ത​വ​രി​ൽ ചി​ല​ർ അ​വ​കാ​ശ​പ്പെ​ട്ടു.

അ​ഞ്ചാം നൂ​റ്റാ​ണ്ടി​ൽ ഖൈ​സി​​ന്റെ ക​വി​ത​ക​ൾ​ക്ക് ചെ​വി കൂ​ർ​പ്പി​ച്ച സാ​യാ​ഹ്ന​ങ്ങ​ളു​ണ്ടാ​യി​രു​ന്നെ​ന്നും മ​നു​ഷ്യ​നെ ആ​ക​ർ​ഷി​ച്ച ഭാ​ഷ​യാ​ണ് ഖൈ​സി​​ന്റെ പ്ര​ത്യേ​ക​ത​യെ​ന്നും ച​ർ​ച്ച​യി​ൽ പ​ങ്കെ​ടു​ത്ത​വ​ർ പ​റ​ഞ്ഞു. പ്ര​ണ​യ​ത്തി​​ന്റെ​യും പ​ട്ടി​ണി​യു​ടെ​യും വ​ലി​യ രാ​ഷ്​​ട്രീ​യ കാ​ര്യ​ങ്ങ​ൾ ചെ​റി​യ വ​രി​ക​ളി​ൽ പ​റ​ഞ്ഞാ​ണ് ഖൈ​സ് ശ്ര​ദ്ധ​നേ​ടി​യ​ത്. സ്ഥൂ​ല​വും സൂ​ക്ഷ്മ​വു​മാ​യ വി​ഷ​യ​ങ്ങ​ളി​ൽ ഖൈ​സ് പാ​ടി​പ്പ​റ​ഞ്ഞ​തി​​ന്റെ ഈ​ര​ടി​ക​ൾ ഇ​ന്നും മു​ഴ​ങ്ങു​ന്നു​ണ്ട് അ​റ​ബ് ഹൃ​ദ​യ​ങ്ങ​ളി​ൽ.

പൂ​ർ​ണ​മാ​യും സം​ഗീ​താ​ത്മ​ക​മാ​യ അ​ന്ത​രീ​ക്ഷ​ത്തി​ൽ ഒ​രു​ക്കി​യ ഉ​ത്സ​വ​ന​ഗ​രി​ക്ക് മി​ഴി​വേ​കാ​ൻ രാ​ജ്യ​ത്തി​ന​ക​ത്തും പു​റ​ത്തും​നി​ന്നു​ള്ള ക​ലാ​കാ​ര​ന്മാ​ർ എ​ത്തി​യി​ട്ടു​ണ്ട്. മേ​ള​യു​ടെ വി​വി​ധ വേ​ദി​ക​ളി​ലും മൂ​ല​ക​ളി​ലും ഇ​രു​ന്ന്​ ഊ​ദ്, ഖാ​നൂ​ൻ തു​ട​ങ്ങി​യ അ​റേ​ബ്യ​ൻ വാ​ദ്യോ​പ​ക​ര​ണ​ങ്ങ​ൾ മീ​ട്ടു​ന്ന ക​ലാ​കാ​ര​ന്മാ​ർ അ​ന്ത​രീ​ക്ഷ​ത്തെ സം​ഗീ​ത​സാ​​ന്ദ്ര​മാ​ക്കു​ന്നു.

ഇം​റു​ൽ ഖൈ​സി​​ന്റെ ചി​ത്ര​ങ്ങ​ൾ ചു​മ​രി​ലും കാ​ൻ​വാ​സി​ലും വ​ര​ച്ച് സ​ന്ദ​ർ​ശ​ക​രെ ആ​ക​ർ​ഷി​ക്കു​ന്ന ചി​ത്ര​കാ​ര​ന്മാ​രും ന​ഗ​രി​യി​ലു​ണ്ട്. സൗ​ദി അ​റേ​ബ്യ​യു​ടെ പൗ​രാ​ണി​ക ന​ഗ​ര​മാ​യ വാ​ദി ദ​വാ​സ​ർ ഉ​ൾ​പ്പെ​ടെ​യു​ള്ള പ്ര​ദേ​ശ​ങ്ങ​ളു​ടെ പ​ഴ​മ വി​ർ​ച്വ​ൽ റി​യാ​ലി​റ്റി കാ​മ​റ​ക​ൾ വ​ഴി പ്ര​ദ​ർ​ശി​പ്പി​ക്കു​ന്നു​ണ്ട്. പ്ര​ണ​യാ​ർ​ദ്ര​മാ​യ വേ​ദി​യി​ലി​രു​ന്ന് മെ​ഴു​കു​തി​രി വെ​ളി​ച്ച​ത്തി​ലെ വി​രു​ന്ന്​ ആ​സ്വ​ദി​ക്കാ​നു​ള്ള അ​വ​സ​ര​ങ്ങ​ൾ ഒ​രു​ക്കി​യാ​ണ് രാ​ജ്യ​ത്തെ മു​ൻ​നി​ര റ​സ്​​റ്റാ​റ​ൻ​റു​ക​ൾ ശ്ര​ദ്ധ​യാ​ക​ർ​ഷി​ക്കു​ന്ന​ത്.

സാം​സ്കാ​രി​ക വ്യ​ക്തി​ത്വ​ങ്ങ​ൾ, വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള ക​ലാ​കാ​ര​ന്മാ​ർ, ച​രി​ത്ര​വി​ദ്യാ​ർ​ഥി​ക​ൾ, എ​ഴു​ത്തു​കാ​ർ തു​ട​ങ്ങി സ​മൂ​ഹ​ത്തി​​ന്റെ വി​വി​ധ മേ​ഖ​ല​യി​ലു​ള്ള ച​രി​ത്ര ക​ലാ​പ്രേ​മി​ക​ൾ മേ​ള​യി​ലേ​ക്ക് എ​ത്തു​ന്നു​ണ്ട്. ഈ​യാ​ഴ്​​ച സൗ​ദി​യി​ലേ​ക്കെ​ത്തി​യ വി​ദേ​ശ വി​നോ​ദ​സ​ഞ്ചാ​രി​ക​ളി​ൽ പ​ല​രും ഈ ​ഫെ​സ്​​റ്റി​വ​ൽ സ​ന്ദ​ർ​ശി​ക്കാ​നു​മെ​ത്തി.