അ​ക്ഷ​ര​ങ്ങ​ൾ പൂ​ക്കു​ന്ന ച​ത്വ​രം

ഷാ​ർ​ജ​യു​ടെ ഹൃ​ദ​യ ഭൂ​മി​ക​യി​ൽനി​ന്ന് വി​മാ​ന​ത്താ​വ​ള​ത്തി​ലേ​ക്കും വ​ട​ക്ക​ൻ എ​മി​റേ​റ്റു​ക​ളി​ലേ​ക്കും യാ​ത്ര ചെ​യ്തി​ട്ടു​ള്ള​വ​രെ​ല്ലാം ഒ​രു ത​വ​ണ​യെ​ങ്കി​ലും ചു​റ്റി​യി​രി​ക്കും ഹ​ൽ​വാ​ൻ മേ​ഖ​ല​യി​ലെ ഖു​ർ​ആ​ൻ റൗ​ണ്ടെ​ബൗ​ട്ട്. അ​തി​ന്‍റെ ന​ടു​വി​ൽ പ്ര​കൃ​തി വി​ര​ൽ തൊ​ട്ട് ഖു​ർ​ആ​ൻ വാ​യി​ക്കു​ന്ന രീ​തി​യി​ൽ തീ​ർ​ത്ത ക​മ​നീ​യ ശി​ൽ​പം നി​ങ്ങ​ൾ ക​ണ്ടി​ട്ടു​ണ്ടാ​വും. ശി​ൽ​പ​ത്തി​ന്‍റെ മു​റ്റം നി​റ​യെ നി​ൽ​ക്കു​ന്ന വ​ർ​ണ പൂ​ക്ക​ളി​ൽനി​ന്ന് ച​രി​ത്ര​ത്തി​ന്‍റെ സു​ഗ​ന്ധം ശ്വ​സി​ച്ചി​ട്ടു​ണ്ടാ​വാം. അ​ങ്ങാ​ടി കു​രു​വി​ക​ൾ ച​രി​ത്ര​താ​ളു​ക​ളി​ലൂ​ടെ പ​റ​ന്നു​ല്ല​സി​ക്കു​ന്ന ച​ന്തം കാ​ണാ​ൻ ഈ ​സാം​സ്കാ​രി​ക ച​ത്വ​ര​ത്തി​ൽ ത​ന്നെ വ​ര​ണം. വെ​റും കോ​ൺ​ക്രീ​റ്റി​ന്‍റെ​യും മ​ണ​ലി​ന്‍റെ​യും ഘ​ട​ന​ക​ള​ല്ല, മ​റി​ച്ച് രാ​ജ്യ​ത്തി​ന്‍റെ സ​മ്പ​ന്ന​മാ​യ ച​രി​ത്ര​ത്തെ​ക്കു​റി​ച്ച് സം​സാ​രി​ക്കു​ന്ന സ്മാ​ര​ക​ങ്ങ​ളാ​ണ് ഷാ​ർ​ജ​യി​ലെ ച​ത്വ​ര​ങ്ങ​ൾ, പ്ര​ത്യേ​കി​ച്ച് ഖു​ർ​ആ​ൻ റൗണ്ടെ​ബൌ​ട്ട്.

ഖു​ർ​ആ​ൻ റൗ​ണ്ടെ​ബൌ​ട്ടി​ന്‍റെ നാ​ലു​ഭാ​ഗ​ങ്ങ​ളി​ലാ​യി അ​ത്രത​ന്നെ ചാ​രു​ത പ​ട​ർ​ത്തു​ന്ന കെ​ട്ടി​ട​ങ്ങ​ളും കാ​ണാം. അ​റ​ബ് പ​ര​മ്പ​രാ​ഗ​ത രീ​തി​യി​ൽ തീ​ർ​ത്ത ഈ ​കെ​ട്ടി​ട​ങ്ങ​ളി​ലൊ​ന്ന് വാ​യ​ന​ശാ​ല​യാ​ണ്. ലോ​ക ക്ലാ​സി​ക്കു​ക​ളു​ടെ പ​റു​ദീ​സ. ഗ​ൾ​ഫ് മേ​ഖ​ല​യി​ലെ ഏ​റ്റ​വും സ​മ്പ​ന്ന​മാ​യ വാ​യ​ന​ശാ​ല​യാ​ണി​ത്. ചെ​ണ്ടു​മ​ല്ലി പൂ​ക്ക​ളു​ടെ സൗ​ര​ഭ്യം മൊ​ത്തം നു​ക​രു​ന്ന അ​ക്ഷ​ര​ങ്ങ​ളി​ൽ നി​ന്ന് ലോ​കം ഒ​രു കു​ട​കീ​ഴി​ലേ​ക്ക് അ​ലി​ഞ്ഞു​ച്ചേ​രു​ന്ന വാ​ക്കി​ൻ​റെ മാ​ന്ത്രി​ക​ത ഇ​വി​ടെ കാ​ണാം. മ​റ്റൊ​ന്ന് സാം​സ്കാ​രി​ക കൊ​ട്ടാ​ര​മാ​ണ്. ക​വി​ത​യും ക​ഥ​യും മ​റ്റ് സാം​സ്കാ​രി​ക പൂ​ക്ക​ളും അ​വ​ധി​യി​ല്ലാ​തെ വി​ട​രു​ന്ന കൊ​ട്ടാ​രം. ക​വി സ​മ്മേ​ള​ന​ങ്ങ​ളി​ൽ ഒ​രി​ക്ക​ലെ​ങ്കി​ലു​മൊ​ന്ന് പ​ങ്കെ​ടു​ക്ക​ണം. ന​ബാ​ത്തി ക​വി​ത​ക​ൾ മു​ത​ൽ ആ​ധു​നി​ക അ​റ​ബ് ക​വി​ത​ക​ൾ വ​രെ ചി​റ​ക​ടി​ക്കു​ന്ന സാ​യാ​ഹ്ന​ങ്ങ​ൾ. മ​റ്റ് ര​ണ്ടു കെ​ട്ടി​ട​ങ്ങ​ളും സാ​ഹി​ത്യ-​സാം​സ്കാ​രി​ക മേ​ഖ​ല​ക​ളു​ടെ ഉ​ന്ന​മ​ന​ത്തി​നാ​യി തീ​ർ​ത്ത​താ​ണ്. ഷാ​ർ​ജ​യു​ടെ സാം​സ്കാ​രി​ക ച​രി​ത്രം അ​ട​യാ​ള​പ്പെ​ടു​ത്തു​ന്ന​യി​ട​ത്തെ​ല്ലാം ഈ ​ച​ത്വ​ര​വും കെ​ട്ടി​ട​ങ്ങ​ളും മു​ൻ​നി​ര​യി​ൽ വ​ന്നു നി​ൽ​ക്കും.

1980ൽ ​പ​ണി​ത ഈ ​ച​ത്വ​ര​ത്തി​ന് ന​ടു​വി​ൽ ആ​ദ്യം ജ്വ​ലി​ച്ചി​രു​ന്ന​ത് അ​ഗ്നി​യാ​യി​രു​ന്നു. ശൂ​ല(​ജ്വാ​ല) എ​ന്നാ​യി​രു​ന്നു അ​ന്ന​തി​ന്‍റെ പേ​ര്. ഷാ​ർ​ജ​യി​ലെ ഏ​റ്റ​വും തി​ര​ക്കേ​റി​യ പ്ര​ദേ​ശ​ങ്ങ​ളി​ലൊ​ന്നി​ൽ സ്ഥാ​പി​ച്ചി​രി​ക്കു​ന്ന വ​ലി​യ തീ​ജ്വാ​ല​യു​ടെ അ​പ​ക​ട​ത്തെ​ക്കു​റി​ച്ച് പൊ​തു​ജ​ന​ങ്ങ​ൾ ആ​ശ​ങ്ക പ്ര​ക​ടി​പ്പി​ച്ച​തി​നാ​ൽ തീ​ജ്വാ​ല​ക്ക് ആ​യു​സ് കു​റ​ഞ്ഞു. പ്ര​കൃ​തി വാ​ത​ക പൈ​പ്പു​ലൈ​നു​മാ​യി ബ​ന്ധി​പ്പി​ച്ചാ​യി​രു​ന്നു തീ ​ആ​ളി ക​ത്തി​യി​രു​ന്ന​ത്. തു​ട​ർ​ന്നാ​ണ് ലോ​ക​ത്തി​ന്‍റെ വെ​ളി​ച്ച​മാ​യ ഖു​ർ​ആ​ൻ ആ ​സ്ഥാ​ന​ത്ത് എ​ത്തു​ന്ന​ത്. സു​പ്രീം കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ശൈ​ഖ് ഡോ. ​സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി​യു​ടെ അ​ടു​ത്ത സു​ഹൃ​ത്താ​യി​രു​ന്ന സ്പാ​നി​ഷ് വാ​സ്തു​ശി​ൽ​പി​യാ​ണ് ഇ​ത് രൂ​പ​ക​ൽ​പ​ന ചെ​യ്ത​ത്. റൗ​ണ്ടെ​ബൌ​ട്ടി​നോ​ട് ചേ​ർ​ന്ന് ഷാ​ർ​ജ-​ദൈ​ദ് പാ​ത​യി​ൽ ഭൂ​ഗ​ർ​ഭ പാ​ത വ​ന്ന​പ്പോ​ഴും മ​റ്റു​വി​ക​സ​ന​ങ്ങ​ൾ ന​ട​ന്ന​പ്പോ​ഴും റൗ​ണ്ടെ​ബൗ​ട്ട് സം​ര​ക്ഷി​ച്ചു നി​ർ​ത്തി. അ​ത്ര​ക്ക​ധി​കം ജ​ന​ങ്ങ​ളു​ടെ മ​ന​സി​ൽ ക​റ​ങ്ങു​ന്നു​ണ്ട് സാം​സ്കാ​രി​ക കൊ​ട്ടാ​ര​ങ്ങ​ൾ കാ​വ​ൽ നി​ൽ​ക്കു​ന്ന ഈ ​ച​ത്വ​രം. യു​നെ​സ്കോ ലോ​ക​ത്തി​ന്‍റെ പു​സ്ത​ക ത​ല​സ്ഥാ​ന​മാ​യി ഷാ​ർ​ജ​യെ തെ​ര​ഞ്ഞെ​ടു​ത്ത​പ്പോ​ൾ അ​തി​ന്‍റെ ക​വ​ർ ചി​ത്ര​മാ​യ​തും ഈ ​വെ​ളി​ച്ച​ത്തി​ന്‍റെ ച​ത്വ​ര​മാ​യി​രു​ന്നു.

ഷാ​ർ​ജ വെ​ളി​ച്ചോ​ത്സ​വ ദി​ന​ങ്ങ​ളി​ൽ റൗ​ണ്ടെ​ബൌ​ട്ടി​ന് ചി​റ​കു​ക​ൾ മു​ള​ക്കും. വ​ർ​ണ ചി​റ​കു​ക​ൾ വീ​ശി ആ​കാ​ശ നീ​ലി​മ​യി​ലേ​ക്ക് ചി​റ​ക​ടി​ക്കും. ലേ​സ​ർ ര​ശ്മി​ക​ളു​ടെ സു​ക്ഷ്മ മു​ന​ക​ൾ കൊ​ണ്ട് പൂ​വി​ത​ളു​ക​ളി​ൽ എ​ഴു​തി വെ​ക്കു​ന്ന ക​വി​ത​ക​ൾ ചൊ​ല്ലാ​ൻ പ​ച്ച​കു​തി​ര​ക​ൾ വി​രു​ന്ന് വ​രും. ഫി​ഷ്ത് ബീ​ച്ചി​ൽനി​ന്ന് വ​രു​ന്ന ഇ​ഷ്ക്കി​ന്‍റെ കാ​റ്റ​ല​ക​ൾ ക​ട​ന്നു​പോ​കു​മ്പോ​ൾ ച​ത്വ​ര​മൊ​രു വൃ​ദ്ധാ​വ​ന​മാ​കും. നി​ശ​ബ്ദ​ത പോ​ലും നി​ശ​ബ്ദ​മാ​കു​ന്ന ഒ​രു യാ​മ​മു​ണ്ട്. മ​ഞ്ഞ​ലി​ഞ്ഞ പൌ​ർ​ണ​മി പൊ​ന്ന​ണി​യു​ന്ന നേ​ര​മാ​ണ​ത്.