ചിത്രീകരണം: സൂര്യജ എം.
1
ഇരുൾ നീറ്റും ഗുഹയിൽ
നാം
വരച്ച ചിത്രമത്രേ, നീറി നീറി നിറം കെട്ട്
കരിംകട്ടത്തഴമ്പായി, അറിയാത്ത
തൊടുന്യായക്കറയായി, ഈറയായി, പരസ്പരം
കരിമ്പടത്തൊലി പിഞ്ഞും മറയായി,
വെറുതെയായ്...
2
തല കുനിച്ച് നീ വരച്ച നാണമത്രേ, വിരൽ
കടിച്ചെൻ ചുണ്ടിലെറ്റും സംശയത്തിന്‍
ശിഷ്ടമത്രേ, ഉപ്പുവെള്ളച്ചൂടു പോലും തോറ്റിടുന്ന
ചൂഴ്ന്നഴുക്ക്, ഓക്കാനമിറക്കുന്ന താമ്പാള
നറുംമഞ്ഞ; മൂടു ചെത്തി മറച്ചേക്കാം
കെട്ടതും പുഴുക്കുത്തുമെല്ലാം
3
ഒറ്റനിറച്ചേലണിഞ്ഞ ഇറ്റു മാത്രപ്രതലത്തിൽ
വർണവിസ്തൃതി കോറിടുന്ന
പുതുകാലബോധചിത്രം.
ഉടൽചെറ്റിലവനില്ലാ-
തവള്‍ വരഞ്ഞെടുക്കുന്നു
വിറ തെന്നി വിളറാത്ത
വിലക്ഷണ നഖമുന..!
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.