ചിത്രീകരണം: സൂര്യജ എം.
അകന്നിരിക്കുമ്പോൾ
നാം, നക്ഷത്രങ്ങളാകുന്നു
ദൂരെ രണ്ടുപേർ
നമ്മെ ചേർത്ത്
ചിത്രം വരയ്ക്കുമെന്ന്
സ്വപ്നം കാണുന്നു.
അല്ലെങ്കിൽ ഒരു ജിഗ്സോ,
കുട്ടികളിമ്പത്തിൽ
ചേർത്തുവെക്കപ്പെടുമെന്ന്
ആശിക്കുന്നവർ...
ചിലപ്പോൾ മൂക്കുമുട്ടിക്കാനുള്ള
നക്ഷത്രക്കുത്തിൽ
മറ്റു ചിലപ്പോൾ
വഴി കാണിക്കുന്ന
പെൻസിൽ മുനയിൽ
നാം പ്രതീക്ഷയർപ്പിക്കുന്നു.
നക്ഷത്രങ്ങളെ കാണാതവർ
കടലുനോക്കി ചുംബിച്ചേക്കാമെന്ന്,
കുട്ടികൾ ചിത്രകഥകളിൽ
മുഴുകി പോയേക്കാമെന്ന്
നാം ചിന്തിക്കുന്നേ ഇല്ല,
ആ നിമിഷം
നമുക്കു മുന്നിൽ
ലോകം തീർന്നു പോവുന്നു
എന്നതിനാൽ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.