രണ്ട് ചോദ്യങ്ങൾ

രണ്ട് ചോദ്യങ്ങൾ

ഊർന്നുവീഴാൻ വെമ്പുന്ന മഴത്തുള്ളിയോട് അതിന്റെ മേഘം ചോദിച്ചു: നീ പോവുകയാണോ?

മഴത്തുള്ളിയപ്പോൾ ദൃഢചിത്തയായി

മറു ചോദ്യമെറിഞ്ഞു;

എന്നു നാം നമ്മളായ് പുനർജനിക്കും?

നടുക്കം

കണ്ണുകളിലേക്കു നീയിങ്ങനെ നോക്കിനിൽക്കുമ്പോഴും,

കൈകൾ കോർത്തു പിടിക്കുമ്പോഴും,

ഒന്നാണെന്നു നീ ചേർത്തു നിർത്തുമ്പോഴും,

തോളിൽ കൈയിട്ടിങ്ങനെ നടന്നുപോകുമ്പോഴുമെല്ലാം,

എപ്പോഴാണ്,

വാക്കുകളിൽ ആസിഡു ചിതറുന്നതെന്നറിയാതെ നടുങ്ങിപ്പോകുന്നതാണ്...