മുംബൈ: ആഡംബര കപ്പലിലെ ലഹരി പാർട്ടിയുമായി ബന്ധപ്പെട്ട് അറസ്റ്റിലായ ബോളിവുഡ് താരം ഷാരൂഖ് ഖാന്‍റെ മകൻ ആര്യൻ ഖാൻ ചോദ്യം ചെയ്യലിനിടെ നിർത്താതെ കരഞ്ഞതായി നാർക്കോട്ടിക് കൺട്രോൾ ബ്യൂറോ. ആര്യൻ നാലുവർഷമായി മയക്കുമരുന്ന് ഉപയോഗിക്കുന്നതായി തെളിഞ്ഞതായും എൻ.സി.ബി വൃത്തങ്ങൾ പറഞ്ഞു.
യു.കെ, ദുബൈ തുടങ്ങി മറ്റു രാജ്യങ്ങളിലായിരുന്നപ്പോഴും ആര്യൻ മയക്കുമരുന്ന് ഉപയോഗിച്ചിരുന്നതായി എൻ.സി.ബി വൃത്തങ്ങൾ അറിയിച്ചതായി ഇന്ത്യ ടുഡെ റിപ്പോർട്ട് ചെയ്തു.
ഞായറാഴ്ചയാണ് ആഡംബര കപ്പലിലെ മയക്കുമരുന്ന് പാർട്ടിയുമായി ബന്ധപ്പെട്ട് ആര്യൻ ഉൾപ്പെടെ എട്ടുപേരെ അറസ്റ്റ് ചെയ്തത്. ആര്യന്‍റെ അടുത്ത സുഹൃത്തായ അർബാസ് മെർച്ചന്‍റ്, മൂൺമൂൺ ധമേച്ച, ഇസ്മീത് സിങ്, മൊഹക് ജസ്വാൾ, ഗോമിത് ചോപ്ര, നൂപുർ സരിക, വിക്രാന്ത് ചോക്കർ എന്നിവരാണ് അറസ്റ്റിലായത്. 15 വർഷത്തെ സൗഹൃദമാണ് ആര്യനും അർബാസും തമ്മിൽ.
ആര്യനെയും മൂൺമൂൺ ധമേച്ചയെയും അർബാസിനെയും മുംബൈ മെട്രോപൊളിറ്റൻ മജിസ്ട്രേറ്റ് കോടതിയിൽ ഞായറാഴ്ച ഹാജരാക്കിയിയിരുന്നു. ഒക്ടോബർ നാലുവരെ അവരെ പൊലീസ് കസ്റ്റഡിയിൽ വിടുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.