മുംബൈ: ഭക്ഷ്യവിഷബാധയെ തുടർന്ന് ബോളിവുഡ് നടി ജാൻവി കപൂറിനെ ആശുപത്രിയിൽ പ്രവേശിപ്പിച്ചു. പിതാവ് ബോണി കപൂറാണ് ഇക്കാര്യം അറിയിച്ചത്. രണ്ടു ദിവസത്തിനകം ആരോഗ്യം പൂർവസ്ഥിതിയിലാകുമെന്നാണ് പ്രതീക്ഷിക്കുന്നതെന്ന് ബോണി കപൂര്‍ പറഞ്ഞു.
ആനന്ദ് അംബാനി - രാധിക മെര്‍ച്ചന്റ് വിവാഹച്ചടങ്ങളിൽ ജാൻവി സജീവമായി പങ്കെടുത്തിരുന്നു. തുടർന്ന് ചെന്നൈയിലെ വീട്ടിലെത്തുകയും ശേഷം മുംബൈയിലെത്തുകയും ചെയ്തു. ചെന്നൈയിൽനിന്ന് എത്തിയതിന് പിന്നാലെ ദേഹാസ്വാസ്ഥ്യം ഉണ്ടാകുകയായിരുന്നു.
മുംബൈയിലെ എച്ച്.എന്‍ റിലയൻസ്‌ ആശുപത്രിയിലാണ് നടി ചികിത്സയിലുള്ളത്.
ഉലജ് ആണ് ജാൻവിയുടെ റിലീസിനൊരുങ്ങുന്ന ചിത്രം. മലയാളി നടൻ റോഷൻ മാത്യു ഈ ചിത്രത്തിൽ പ്രധാന വേഷം അവതരിപ്പിക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.