‘‘ചാന്ദ്നി ചൗക്കിൽ ഷൂട്ടിങ് നടന്നുകൊണ്ടിരിക്കെ പൊലീസുകാർ വന്നു പറഞ്ഞു, നിങ്ങളെങ്ങനെ ഇവിടന്നു പുറത്തുകടക്കും? ഈ തെരുവിന്റെ കവാടത്തിൽ 25000 വരുന്ന ജനക്കൂട്ടം നിങ്ങളെ വളഞ്ഞിരിക്കുകയാണ്’’ - മുപ്പതു വർഷവും കഴിഞ്ഞു തുടരുന്ന സൽമാൻ ഖാന്റെ സിനിമ കരിയറിലെ ഏറ്റവും വലിയ ഹിറ്റുകളിലൊന്നായ ബ്ജറംഗി ഭായ്ജാന്റെ ഷൂട്ടിങ്ങിനിടയിലെ രസകരമായ മുഹൂർത്തം, സംവിധായകൻ കബീർ ഖാൻ ഈയിടെ പങ്കുവെച്ചു. ഡൽഹി ജമാമസ്ജിദിനു പുറത്തെ തെരുവിൽ ഷൂട്ട് നടക്കുന്നതിനിടയിലാണ്, സൽമാൻ ഖാൻ ഉള്ള വിവരം പ്രദേശത്ത് പരക്കുന്നത്. ഇതോടെ ആയിരക്കണക്കിന് ആരാധകർ ലൊക്കേഷനിലേക്ക് ഇരച്ചെത്തി. ഇവരെ തെരുവിന് പുറത്ത് തടഞ്ഞുവെച്ചാണ് പൊലീസ് വന്ന് വിവരം പറയുന്നത്.
സൽമാനെ പുറത്തെത്തിക്കാൻ ഒരു വഴി കണ്ടില്ലെങ്കിൽ കാര്യങ്ങൾ കുഴയുമെന്നും പൊലീസ് പറഞ്ഞു. ഒടുവിൽ പഴയ കാറിനുള്ളിൽ ഒളിപ്പിച്ച് താരത്തെ പുറത്തെത്തിക്കുകയായിരുന്നുവെന്നും കബീർ ഖാൻ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.