അമിതാഭ് ബചൻ ഇൻസ്റ്റഗ്രാമിൽ പങ്കുവെച്ച ചിത്രം
മുംബൈ: സമൂഹ മാധ്യമങ്ങളിലൂടെ ആരാധകരുമായി ദിനേനയെന്നോണം വിശേഷങ്ങൾ പങ്കുവെക്കാറുണ്ട് ബിഗ് ബി അമിതാഭ് ബചൻ. അദ്ദേഹം ഇൻസ്റ്റഗ്രാമിലും ട്വിറ്ററിലും പങ്കുവെക്കുന്ന 'േത്രാബാക്ക് ചിത്രങ്ങൾ' വളരെ വേഗം വൈറലാകാറുണ്ട്. ഇപ്പോൾ ബചൻ ഇൻസ്റ്റഗ്രാമിൽ പങ്കുവെച്ച, നടക്കാതെ പോയ ഒരു സിനിമയുടെ 'ഫസ്റ്റ് ലുക്ക്' ഏറെ ചർച്ച ചെയ്യപ്പെടുകയാണ്.
കറുത്ത പുള്ളോവറും കറുത്ത ജീൻസും ഡെനിം ജാക്കറ്റുമണിഞ്ഞ് തോക്കുമായി നിൽക്കുന്ന ബചനാണ് ചിത്രത്തിലുള്ളത്. 'എടുക്കാതെ പോയൊരു സിനിമ... സ്റ്റെലുണ്ടാക്കി, ഫോട്ടോ ഷൂട്ട് ചെയ്തു, ടൈറ്റിലിട്ടു... പക്ഷേ, ഷൂട്ട് ചെയ്തില്ല...കഷ്ടം' എന്ന കാപ്ഷനും അദ്ദേഹം നൽകി. സങ്കടം ധ്വനിപ്പിക്കുന്ന ഇമോജിയും ബചൻ ഉൾപ്പെടുത്തിയിട്ടുണ്ട്.
പക്ഷേ, ഇത് ഏത് സിനിമയാണെന്ന ഒരു സൂചനയും അദ്ദേഹം നൽകിയിട്ടില്ല. അതിനാൽ, ഏത് സിനിമയാണെന്നുള്ള ചർച്ച സജീവമാക്കിയിരിക്കുകയാണ് ആരാധകർ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.