രേവതി, ഷെയ്ൻ നിഗം എന്നിവരെ പ്രധാന കഥാപാത്രങ്ങളാക്കി രാഹുല്‍ സദാശിവൻ സംവിധാനം ചെയ്ത 'ഭൂതകാല'ത്തെ പ്രശംസിച്ച് ബോളിവുഡ് സംവിധായകൻ രാം ഗോപാൽ വർമ. മലയാളത്തിലെ എക്കാലത്തെയും മികച്ച ഹൊറർ ചിത്രം എന്ന് 'ഭൂതകാല'ത്തെ നിരൂപകർ വാഴ്ത്തിയിരുന്നു. കഴിഞ്ഞ വെള്ളിയാഴ്ചയാണ് സിനിമ ഒടിടി റിലീസായി എത്തിയത്. സോണി ലിവിൽ പ്രദർശനം തുടരുന്ന ചിത്രത്തിന് മികച്ച പ്രതികരണമാണ് പ്രേക്ഷകർക്കിടയിൽ നിന്ന് ലഭിക്കുന്നത്.
'എക്‌സോർസിസ്റ്റ്' എന്ന ഹോളിവുഡ് ചിത്രത്തിന് ശേഷം 'ഭൂതകാലം' പോലൊരു റിയലിസ്റ്റിക്ക് ഹൊറർ ചിത്രം താൻ കണ്ടിട്ടില്ലെന്നാണ് രാം ഗോപാൽ വർമ്മ ട്വീറ്റ് ചെയ്തത്. ചിത്രത്തിന്റെ സംവിധായകൻ രാഹുൽ സദാശിവനെയും അഭിനേതാക്കളായ ഷെയിൻ നിഗമിനെയും രേവതിയേയും അദ്ദേഹം അഭിനന്ദിച്ചു.
'എക്‌സോർസിസ്റ്റി'ന് ശേഷം ഭൂതകാലത്തേക്കാൾ റിയലിസ്റ്റിക്കായ ഹൊറർ സിനിമ ഞാൻ കണ്ടിട്ടില്ല. സംവിധായകൻ രാഹുൽ സദാശിവനും നിർമ്മാതാവ് അൻവർ റഷീദിനും അഭിനന്ദനങ്ങൾ. ഷെയിൻ നിഗവും ബഹുമുഖ പ്രതിഭയായ രേവതിയും നന്നായി അഭിനയിച്ചു'- രാം ഗോപാൽ വർമ്മ ട്വീറ്റ് ചെയ്തു. ഹിന്ദി, തെലുങ്ക്, കന്നഡ, തമിഴ് ഭാഷകളിലായി നിരവധി ചിത്രങ്ങൾ സംവിധാനം ചെയ്തിട്ടുള്ള രാം ഗോപാൽ വർമ പത്തിലധികം ഹൊറർ ചിത്രങ്ങളും സംവിധാനം ചെയ്തിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.