ഇന്ത്യൻ ക്രിക്കറ്റ് താരം കെ.എൽ രാഹുലിന്റേയും സുനിൽ ഷെട്ടിയുടെ മകൾ അതിയയുടേയും വിവാഹം വാർത്തകൾ ഇടംപിടിക്കാൻ തുടങ്ങിയിട്ട് നാളുകളായി. ഈ വർഷം വിവാഹമുണ്ടാകുമെന്ന് അടുത്തിടെ സുനിൽ ഷെട്ടി നൽകിയ ഒരു അഭിമുഖത്തിൽ പറഞ്ഞിരുന്നു.
ഇപ്പോഴിതാ വിവാഹ തീയതി പുറത്തു വന്നിരിക്കുകയാണ്. ജനുവരി 23നാണ് താരവിവാഹം. സുനിൽ ഷെട്ടിയുടെ ഖണ്ടയിലുള്ള ഫാം ഹൗസിൽ വെച്ചാകും ചടങ്ങുകൾ നടക്കുക. മൂന്ന് ദിവസം നീണ്ടു നിൽക്കുന്ന ആഘോഷങ്ങളിൽ അടുത്ത സുഹൃത്തുക്കളും ബന്ധുക്കളും മാത്രമായിരിക്കും പങ്കെടുക്കുക. പിന്നീട് സിനിമയിലേയും ക്രിക്കറ്റിലേയും സുഹൃത്തുക്കൾക്ക് വേണ്ടി വിരുന്ന് സംഘടിപ്പിക്കും. സുനിൽ ഷെട്ടിയുടെ കുടുംബത്തെ ഉദ്ധരിച്ച് ഹിന്ദുസ്ഥാൻ ടൈംസാണ് വാർത്ത പുറത്തു വിട്ടിരിക്കുന്നത്. എന്നാൽ വിവാഹത്തെ കുറിച്ച് ഔദ്യോഗിക പ്രഖ്യാപനം ഉണ്ടായിട്ടില്ല.
ദീർഘനാളുകളായി അതിയയും രാഹുലും പ്രണ‍യത്തിലാണ്. ഇരുവരും ഒന്നിച്ച് പൊതുവേദികളിൽ പ്രത്യക്ഷപ്പെടാറുണ്ട്. കൂടാതെ സോഷ്യൽ മിഡിയയിലും ചിത്രങ്ങൾ പങ്കുവെക്കാറുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.