ഉലകനായകൻ കമൽ ഹാസന്റെ പിറന്നാൾ ആഘോഷമാക്കുകയാണ് ഇന്ത്യൻ സിനിമാലോകം. 68ാം ജന്മദിനം ആഘോഷിക്കുന്ന നടന് ആശംസ നേർന്ന് ആരാധകരും സുഹൃത്തുക്കളും സഹപ്രവർത്തകരും രാഷ്ട്രീയ സാംസ്കാരിക നേതാക്കാളും എത്തിയിട്ടുണ്ട്. ഇതിഹാസ നടൻ എന്ന് വിശേഷിപ്പിച്ചു കൊണ്ടാണ് മോഹൻലാൽ കമലിന് പിറന്നാൾ ആശംസ നേർന്നത്. മമ്മൂട്ടി മികച്ചൊരു വർഷം ആശംസിച്ചിട്ടുണ്ട്.
'ഇതിഹാസ നടൻ, എന്റെ പ്രിയപ്പെട്ട കമൽ ഹാസൻ സാറിന്, ജന്മദിനാശംസകൾ നേരുന്നു! ഇനിയും അനേകം വർഷങ്ങളിൽ നിങ്ങൾ ഞങ്ങളെ പ്രചോദിപ്പിക്കുകയും വിസ്മയിപ്പിക്കുകയും ചെയ്യട്ടെ'- നടന്റെ ചിത്രത്തിനോടൊപ്പം ഫേസ്ബുക്കിൽ കുറിച്ചു.
കമൽ ഹാസനോടൊപ്പമുളള ചിത്രം പങ്കുവെച്ച് കൊണ്ടാണ് മമ്മൂട്ടി ജന്മദിനാശംസ നേർന്നത്. 'പ്രിയപ്പെട്ട കമൽഹാസന് ജന്മദിനാശംസകൾ നേരുന്നു. ഒരു മികച്ച വർഷമാകട്ടെ. എപ്പോഴും അനുഗ്രഹീതനായി ആരോഗ്യവാനായിരിക്കുക'.
കമൽ ഹാസന്റെ ഇന്ത്യൻ 2നായി കാത്തിരിക്കുകയാണ് ഇന്ത്യൻ സിനിമാ ലോകം. 1996 ൽ കമൽ ഹാസൻ-ഷങ്കർ കൂട്ടുകെട്ടിൽ പുറത്തിറങ്ങിയ 'ഇന്ത്യൻ' എന്ന ചിത്രത്തിന്റെ രണ്ടാംഭാഗമാണിത്. 200 കോടി ബജറ്റിൽ ഒരുങ്ങുന്ന ചിത്രത്തിൽ കാജൽ അഗർവാളാണ് നായികയായി എത്തുന്നത്. ലോകേഷ് കനകരാജിന്റെ വിക്രമാണ് ഏറ്റവും ഒടുവിൽ പുറത്ത് ഇറങ്ങിയ കമൽ ചിത്രം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.