ആളുകൾ ഇപ്പോൾ തന്നോട് വായക്ക് പൂട്ടിടാൻ ഉപദേശിക്കുകയാണെന്ന് ബോളിവുഡിെൻറ ബിഗ് ബി അമിതാബ് ബച്ചൻ. ട്വിറ്ററിൽ ഒരു ആരാധകനുമായി സംവദിക്കവേയാണ് ബച്ചൻ ഇക്കാര്യം വെളിപ്പെടുത്തിയത്. 'ഇൗ ലോകം വിശ്വാസത്തെ മുൻനിർത്തിയാണ് മുന്നോട്ടുപോകുന്നതെങ്കിൽ ആരുടെയും വാതിലുകൾക്ക് ലോക്കുണ്ടാകുമായിരുന്നില്ല'. - എന്ന് ഒരു ആരാധകൻ ഇട്ട ട്വീറ്റിന് മറുപടി നൽകുകയായിരുന്നു ബച്ചൻ.
സഹോദരാ ഞാൻ അലഹാബാദിലുള്ളപ്പോൾ അത്തരത്തിലുള്ള ദിവസങ്ങളിലൂടെ കടന്നുപോയിട്ടുണ്ട്. ഞങ്ങൾ വീട് പൂട്ടാറേയില്ല. ഞങ്ങളുടെ പ്രധാന ഗേറ്റ് വരെ എല്ലായ്പ്പോഴും തുറന്നുകിടക്കും. അത് അടഞ്ഞുകിടക്കുന്നത് കണ്ടതായി ഞാൻ ഒാർക്കുന്നില്ല. എന്നാൽ, അതുപോലെയൊന്നും ഇനി ജീവിക്കാൻ പറ്റുമെന്ന് തോന്നുന്നില്ല. ഇക്കാലത്ത് എെൻറ വായിൽ പോലും ഒരു പൂട്ടിടാനാണ് ആളുകൾ ഉപദേശിക്കുന്നത്. -ബച്ചൻ കുറിച്ചു. ബിഗ് ബിയുടെ തമാശ രൂപേണെയുള്ള ട്വീറ്റ് എന്തായാലും ആരാധകർ ഏറ്റെടുത്തിട്ടുണ്ട്.
पर भाई साहेब , ऐसे दिन हमने देखें हैं , इलाहबाद में । हम अपने घर में कभी भी ताला नहीं लगते थे । और घर का gate हमने कभी भी बंद होते नहीं देखा , वो सदा खुला ही रहता था । हाँ , पर अब ऐसा नहीं हो सकता ! आजकल तो सलाह देने वाले , कहते हैं , ज़बान पे भी ताला लगा के रखिए !! 🤣🤣🤣 https://t.co/DTdV9nD3ne
— Amitabh Bachchan (@SrBachchan) January 15, 2021
78 കാരനായ ബച്ചൻ ഇപ്പോൾ കോൻ ബനേഗ ക്രോർപതിയുടെ ഷൂട്ടിങ് തീർത്ത് വിശ്രമിക്കുകയാണ്. ഇമ്രാൻ ഹാഷ്മിക്കൊപ്പമുള്ള ചെഹരേ, നാഗരാജ് മഞ്ജുളെയുടെ ജുണ്ഡ്, അയാൻ മുഖർജിയുടെ ബ്രഹ്മാസ്ത്ര, ദീപിക പദുകോൺ-പ്രഭാസ് ചിത്രം, എന്നിവയാണ് ബച്ചേൻറതായി പുറത്തിറങ്ങാനിരിക്കുന്ന ചിത്രങ്ങൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.