ഇന്ത്യൻ പ്രീമിയർ ലീഗ് സ്ഥാപകൻ ലളിത് മോദിയും നടി സുസ്മിത സെന്നുമായുളള പ്രണയം വീണ്ടും വാർത്തകളിൽ ഇടംപിടിക്കുകയാണ്. കഴിഞ്ഞ ജൂലൈ മാസത്തിലാണ് ലളിത് മോദി- സുസ്മിത പ്രണയകഥ സോഷ്യൽ മീഡിയയിൽ പ്രചരിക്കാൻ തുടങ്ങിയത്. ട്വിറ്ററിലൂടെയാണ് പ്രണയത്തെ കുറിച്ച് വെളിപ്പെടുത്തിയത്. ഇത് വലിയ ചർച്ചയായിരുന്നു.
ഇപ്പോഴിതാ ഇരുവരും വേർപിരിഞ്ഞു എന്ന് തരത്തിലുള്ള വാർത്തയാണ് പുറത്ത് വരുന്നത്. ലളിത് മോദിയുടെ ഇൻസ്റ്റഗ്രാം അക്കൗണ്ടിനെ ഉദ്ധരിച്ചാണ് വാർത്ത പ്രചരിക്കുന്നത്. സുസ്മിതയെ കുറിച്ച് എഴുതിയിരുന്ന വാചകം ഇൻസ്റ്റഗ്രാം ബയോയിൽ നിന്ന് നീക്കം ചെയ്തിട്ടുണ്ട്. എന്നാൽ നടിക്കൊപ്പമുള്ള ചിത്രങ്ങൾ ഇപ്പോഴുമുണ്ട്. എന്നാൽ ഇതിനെ കുറിച്ച് ലളിത് മോദി പ്രതികരിച്ചിട്ടില്ല.
മക്കൾക്കൊപ്പം ജീവിതം ആഘോഷമാക്കുകയാണ് സുസ്മിത സെൻ. ആഗസ്റ്റ് 4 ന് മൂത്തമകൾ റെനിയുടെ 23ാം പിറന്നാൾ ആയിരുന്നു. കുടുംബത്തിനോടൊപ്പമാണ് പിറന്നാൾ ആഘോഷിച്ചത്. നടിയുടെ മുൻ കാമുകൻ മകൾക്ക് പിറന്നാൾ ആശംസ നേർന്നിരുന്നു. റെനിക്കൊപ്പമുള്ള ചിത്രം പങ്കുവെച്ച് കൊണ്ടാണ് ആശംസ നേർന്നത്. ഇതാണ് ലളിത് മോദി- സുസ്മിത ബന്ധത്തിൽ വിളളൽ വീഴാൻ കാരണമെന്നും റിപ്പോർട്ടുകൾ പ്രചരിക്കുന്നുണ്ട്. റോഹ്മാന് മറുപടിയും റെനി നൽകിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.