സൂപ്പർതാരം അജിത് നായകനായി ഒരുങ്ങുന്ന 'വലിമൈ' എന്ന തമിഴ് ചിത്രത്തിന്‍റെ ആദ്യ വിഡീയോ ഗാനം ട്രൻഡിങിൽ ഇടം പിടിച്ചു. വിഘ്നേഷ് ശിവൻ എഴുതി യുവൻ ശങ്കർ രാജ ഈണം നൽകി യുവനും അനുരാഗ് കുൽക്കർണിയും േചർന്ന് ആലപ്പിച്ച 'നാങ്ക വേറെ മാരി' എന്ന ഗാനമാണ് ആരാധകർ ഏറ്റെടുത്തിരിക്കുന്നത്. 1.35 കോടിയിലേറെ പേരാണ് ഇതിനോടകം പാട്ട് കണ്ടിരിക്കുന്നത്.
'നേര്‍ക്കൊണ്ട പാര്‍വൈ' എന്ന ചിത്രത്തിലൂടെ ശ്രദ്ധേയനായ എച്ച്. വിനോദ് സംവിധാനം ചെയ്യുന്ന ഈ ചിത്രത്തിൽ ഐശ്വരമൂര്‍ത്തി എന്ന ഐ.പി.എസ് ഓഫീസറായിട്ടാണ് അജിത് എത്തുന്നത്. കാര്‍ത്തികേയ, ഹുമ ഖുറേഷി, യോഗി ബാബു എന്നിവരും അജിത്തിനൊപ്പം പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
ബോളിവുഡ് താരം ജോണ്‍ എബ്രഹാം തമിഴില്‍ അരങ്ങേറ്റം കുറിക്കുന്ന ചിത്രം കൂടിയാണ് 'വലിമൈ'. റേസിങ് പശ്ചാത്തലത്തില്‍ ഒരുങ്ങുന്ന ചിത്രമായ 'വലിമൈ' ബോണി കപൂറാണ് നിർമ്മിക്കുന്നത്. ഛായാഗ്രാഹണം-നീരവ് ഷാ, എഡിറ്റർ-വിജയ് വേലുക്കുട്ടി, ആർട്ട് ഡയറക്ടർ-കെ. കതിർ, സ്റ്റണ്ട്സ്-ദിലീപ് സുബ്ബരായൻ, കോസ്റ്റ്യൂം ഡിസൈനർ-അനു വർധൻ, വാർത്ത പ്രചരണം-എ.എസ്. ദിനേശ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.