മാ​ന്ത്രി​ക സൗ​ഹൃ​ദഗാ​ന​ങ്ങ​ൾ

ഓ​രോ പാ​ട്ടും ഓ​രോ ഓ​ർമ​പ്പെ​ടു​ത്ത​ലാ​ണ്. ക​ട​ന്നു​വ​ന്ന വ​ഴി​ക​ളു​ടെ​യും ക​ണ്ടു​മു​ട്ടി​യ ആ​ളു​ക​ളു​ടെ​യും. ചി​ല​തൊ​ക്കെ സ​ന്തോ​ഷ​ത്തി​ന്റെ​യും മ​റ്റു ചി​ല​ത് ഹൃ​ദ​യ​ത്തി​ൽ കൊ​ളു​ത്തിവ​ലി​ക്കു​ന്ന വേ​ദ​ന​യു​ടെ​യും. പാ​ട്ടുകളിഷ്ടപ്പെടാൻ ന​ന്നാ​യി പാ​ട​ണ​മെ​ന്ന് യാ​തൊ​രു നി​ബ​ന്ധ​ന​യു​മി​ല്ല​ല്ലോ. ഒ​രുപ​ക്ഷെ അ​ർഥ​വ​ത്താ​യ വ​രി​ക​ളാ​കാം ന​മ്മു​ടെ മ​ന​സ്സി​ലി​ടംനേ​ടു​ക, അ​ല്ലെ​ങ്കി​ൽ മാ​സ്മ​രി​ക സം​ഗീ​ത​മാ​വാം. അ​ല്ലാ​തെ അ​തി​ന്റെ ശാ​സ്ത്രീ​യ​വ​ശമായിരിക്കണമെന്നില്ല ആ​സ്വാ​ദ​ക​രെ സ്വാ​ധീ​നി​ക്കു​ന്ന​ത്.

കു​ട്ടി​ക്കാ​ലം മു​ത​ൽ പാ​ട്ടു കേ​ൾ​ക്കാ​ൻ ഇ​ഷ്ട​മാ​ണ്, ആ​രും കേ​ൾ​ക്കാ​തെ പാടാനും. തൊ​ണ്ണൂ​റു​ക​ളി​ൽ ടി.വിയി​ൽ പ്ര​ക്ഷേ​പ​ണം ചെ​യ്തുവന്ന മ​ല​യാ​ള സി​നി​മാഗാ​ന​ങ്ങ​ളെ പ​രി​ച​യ​പ്പെ​ടു​ത്തു​ന്ന ചി​ത്ര​ഗീ​ത​വും ഹി​ന്ദി സി​നി​മാഗാ​ന​ങ്ങ​ളെ പ​രി​ച​യ​പ്പെ​ടു​ത്തു​ന്ന ചി​ത്ര​ഹാ​റു​മൊ​ന്നും ഒ​രി​ക്ക​ലും മു​ട​ക്കാ​റി​ല്ലാ​യി​രു​ന്നു. ഗാ​യി​ക​യൊ​ന്നുമ​ല്ലാ​തി​രു​ന്നി​ട്ടുകൂ​ടി, പാ​ട്ടുപു​സ്‌​ത​ക​ൾ നോ​ക്കി പാ​ട്ടു പ​ഠി​ക്കു​ന്ന​തും പാ​ടു​ന്ന​തു​മെ​ല്ലാം അ​ന്ന​ത്തെ സ്ഥി​രം ഏ​ർ​പ്പാ​ടാ​യി​രു​ന്നു.

സി​നി​മാഗാ​ന​ങ്ങ​ൾ മാ​ത്ര​മ​ല്ല, ക​വി​ത​ക​ളും ഭ​ക്തിഗാ​ന​ങ്ങ​ളും,ദേ​ശ​ഭ​ക്തിഗാ​ന​ങ്ങ​ളു​മെ​ല്ലാം വ​ള​ർ​ച്ച​യു​ടെ ഓ​രോ കാ​ല​ഘ​ട്ട​വു​മാ​യി ബ​ന്ധ​പ്പെ​ട്ടുകി​ട​ക്കു​ന്നു​ണ്ട്. ന​വോ​ദ​യ വി​ദ്യാ​ല​യത്തി​ൽ പ​ഠി​ക്കു​ന്ന സ​മ​യ​ത്ത്, അ​ത്യു​ച്ച​ത്തി​ൽ അ​ഭി​മാ​ന​ത്തോ​ടെ ത​ല​യു​യ​ർ​ത്തിപ്പി​ടി​ച്ച് നി​ന്ന് വ​ന്ദേ​മാ​ത​ര​വും മ​റ്റും പാ​ടാ​തെ ഒ​രു സ്വാ​ത​ന്ത്ര്യ​ദി​ന​വും റിപ്പ​ബ്ലി​ക്ദി​ന​വും ക​ട​ന്നുപോ​യി​രു​ന്നി​ല്ല. പ​ണ്ടൊ​ക്കെ രാ​ത്രി അ​രമ​ണി​ക്കൂ​ർ പവ​ർ​ക​ട്ട് ഉ​ണ്ടാ​യി​രു​ന്നു. ആ ​നേ​ര​ത്ത് വീ​ട്ടി​ലെ​ല്ലാ​വ​രും കൂ​ടി അ​ന്താ​ക്ഷ​രി​ക​ളി​ക്കു​ന്ന തി​ര​ക്കി​ലാ​വും. ഇ​ഷ്ട​പ്പെ​ട്ട പാ​ട്ടു​ക​ൾ എ​ത്ര വേ​ണ​മെ​ങ്കി​ലും പാ​ടാ​ൻ കി​ട്ടു​ന്ന അ​വ​സ​ര​മാ​യ​തുകൊ​ണ്ടുത​ന്നെ, ആ ​അ​രമ​ണി​ക്കൂ​റി​നുവേ​ണ്ടി കാ​ത്തി​രി​ക്കാ​റു​ണ്ടാ​യി​രു​ന്നു.

പ​ഴ​യ ഗാ​ന​ങ്ങ​ളെ​ന്നോ പു​തി​യ ഗാ​ന​ങ്ങ​ളെ​ന്നോ, അ​ർ​ഥ​സമ്പു​ഷ്ട​മെ​ന്നോ അ​ടി​പൊ​ളി​യെ​ന്നോ വ്യ​ത്യാ​സ​മി​ല്ലാ​തെ എ​ല്ലാ പാ​ട്ടു​ക​ളും ഇഷ്ട​മാ​ണ്. പക്ഷേ, ഓ​രോ മാ​ന​സി​കാ​വ​സ്ഥക്കും യോ​ജി​ച്ച പാ​ട്ടു​ക​ളെ​യാ​ണ് കൂ​ട്ടു​പി​ടി​ക്കാ​റെ​ന്നു മാ​ത്രം. എ​ന്റേ​ത് എ​ന്ന് മ​ന​സ്സ് മ​ന്ത്രി​ച്ച, ര​ണ്ട് പ്രി​യ സു​ഹൃ​ത്തു​ക്ക​ളും അ​വ​രെ അ​ട​യാ​ള​പ്പെ​ടു​ത്തു​ന്ന പാ​ട്ടു​ക​ളും പ​റ​യാം. ഒ​ന്ന് ക​ണ്ടെ​ത്ത​ലി​ന്റെ​യാ​ണെ​ങ്കി​ൽ മ​റ്റേ​ത് ന​ഷ്ട​പ്പെ​ടു​ത്ത​ലി​ന്റെ​യാ​ണ്.

പ്ല​സ്ടു പ​ഠ​നശേ​ഷം കോ​ള​ജി​ലെ​ത്തി​യ നി​ഷ്ക​ള​ങ്ക​യാ​യ പ​തി​നേ​ഴു​കാ​രി അ​വ​ളു​ടെ ആ​ത്മസു​ഹൃ​ത്തി​നെ ക​ണ്ടെ​ത്തി​യ​ത് ഒ​രു പാ​ട്ടി​ലൂ​ടെ​യാ​യി​രു​ന്നു. കൗ​മാ​രം യൗ​വ​ന​ത്തി​നു വ​ഴിമാ​റി​ക്കൊ​ണ്ടി​രു​ന്ന ആ ​സ​മ​യ​ത്ത്, സ​ഹ​പാ​ഠി​ക​ൾ ച​ർ​ച്ചചെ​യ്ത 'അ​തി​നി​ഗൂ​ഢ​മാ​യൊ​രു' വി​ഷ​യ​ത്തി​നൊ​ടു​വി​ൽ, 'പാ​വ​ത്താ​ൻ' എ​ന്ന് മു​ദ്രചാ​ർ​ത്ത​പ്പെ​ട്ട, ര​ണ്ടു പെ​ൺ​കു​ട്ടി​ക​ൾ ഒ​രേ സ​മ​യം യാ​ദൃച്ഛി​ക​മാ​യി ഒ​രേ പാ​ട്ടി​ന്റെ വ​രി​ക​ൾ ആ​ല​പി​ച്ച​തി​ലൂ​ടെ​യാ​യി​രു​ന്നു അ​ത്.

''താ​ഴ​മ്പൂ മ​ണ​മു​ള്ള ത​ണു​പ്പു​ള്ള രാ​ത്രി​യി​ൽ 

ത​നി​ച്ചി​രു​ന്നു​റ​ങ്ങു​ന്ന ചെ​റു​പ്പ​ക്കാ​രീ..."

എ​ന്നൊ​രു പ​ഴ​യ പ്ര​ശ​സ്ത സി​നി​മാഗാ​ന​മാ​യി​രു​ന്നു അ​ത്. ഞ​ങ്ങ​ളൊ​ക്കെ ജ​നി​ക്കു​ന്ന​തി​നും എ​ത്ര​യോ മുമ്പി​റ​ങ്ങി​യ സി​നി​മാഗാ​ന​മാ​യി​രു​ന്നു​വെ​ങ്കി​ലും മ​ന​സ്സി​ൽ കു​ളി​ർ​മ​ഴ പൊ​ഴി​ക്കാ​ൻ ആ ​വ​രി​ക​ൾ ധാ​രാ​ള​മാ​യി​രു​ന്നു (അ​ടി​മ​ക​ൾ എ​ന്ന ചി​ത്ര​ത്തി​ൽ വ​യ​ലാ​റി​ന്റെ വ​രി​ക​ൾ​ക്ക് ദേ​വ​രാ​ജ​ൻ മാ​ഷ് ഈ​ണം ന​ൽ​കി എ.​എം. രാ​ജ ആ​ല​പി​ച്ച മ​നോ​ഹ​ര​മാ​യ ഗാ​നം).

അ​ന്ന​ത്തെ പൊ​ട്ടി​ച്ചി​രി​യു​ടെ അ​ല​യൊ​ലി​ക​ൾ ഇ​ന്നും എ​ന്റെ കാ​തി​ൽ മു​ഴ​ങ്ങു​ന്നു. വീ​ണ്ടും ആ ​പ​ഴ​യ സു​ന്ദ​ര​മാ​യ കാ​ല​ഘ​ട്ട​ത്തി​ലേ​ക്ക് ഓ​ടി​പ്പോ​കാ​ൻ തോ​ന്നി​പ്പോ​കു​ന്നു. ഭാ​വി​യോ ഭൂ​ത​മോ വ​ർ​ത്ത​മാ​ന​മോ ഒ​ന്നും മ​ന​സ്സി​നെ അ​ല​ട്ടാ​തി​രു​ന്ന സു​വ​ർണ കാ​ല​ഘ​ട്ടം.

കാ​ല​മെ​ത്ര വേ​ഗ​ത്തി​ലാ​ണ് മു​ന്നോ​ട്ടുകു​തി​ക്കു​ന്ന​ത്. അ​ന്ന​ത്തെ പ​തി​നേ​ഴു​കാ​രി ഭാ​ര്യ​യും അ​മ്മ​യും ജോ​ലി​ക്കാ​രി​യു​മെ​ല്ലാ​മാ​യ മു​പ്പ​തു​കാ​രി​യാ​യി. കു​ടും​ബ​വും ജോ​ലി​യു​മെ​ല്ലാംകൂ​ടി ഞാ​ണി​ന്മേ​ൽ ക​ളി​പോ​ലെ കൊ​ണ്ടുന​ട​ക്കാ​ൻ പാ​ടു​പെ​ടു​ന്ന ഒ​രു പെ​ണ്ണ് ചി​ല​പ്പോ​ൾ സ്വ​യം മ​റ​ന്നെ​ന്ന് വ​രാം. അ​താ​യ​ത്, പ​ണ്ട് കു​തി​ര​വ​ട്ടം പ​പ്പു ചേ​ട്ട​ൻ പ​റ​ഞ്ഞപോ​ലെ "താ​നാ​രാ​ണെ​ന്ന് ത​നി​ക്ക​റി​യി​ല്ലെ​ങ്കി​ൽ'' എ​ന്ന ഒ​ര​വ​സ്ഥ. ജീ​വി​ത​ത്തി​ലു​ണ്ടാ​യി​രു​ന്ന സ്വ​പ്ന​ങ്ങ​ൾ, നി​റ​ങ്ങ​ൾ, സ​ന്തോ​ഷ​ങ്ങ​ൾ എ​ന്നി​വ​യെ​ല്ലാം എ​ന്തി​നോ വേ​ണ്ടി​യു​ള്ള ഓ​ട്ട​പ്പാ​ച്ചി​ലി​നി​ട​യി​ൽ ന​ഷ്ട​പ്പെ​ട്ടുപോ​കാം. അ​പ്പോ അ​തെ​ല്ലാം ഓ​ർ​മ​പ്പെ​ടു​ത്താ​നാ​യി എ​വി​ടെനി​ന്നോ യാ​ദൃ​ച്ഛി​ക​മാ​യി ചി​ല മാ​ലാ​ഖ​മാ​ർ വ​ന്നുചേ​രും.

എ​ന്റെ കൂ​ടെ ജോ​ലി ചെ​യ്യാ​ൻ അ​ങ്ങ​നെ​യൊ​രു കൂ​ട്ടു​കാ​രി വ​ന്നെ​ത്തി. അ​വ​ളു​ടെ സം​സാ​ര​വും ക​ളി​ചി​രി​ക​ളും കു​സൃ​തി​ക​ളു​മെ​ല്ലാം എ​വി​ടെ​യോ മ​റ​ന്നു വെ​ച്ച സ്വ​ത്വ​ത്തെ വീ​ണ്ടെ​ടു​ക്കാ​ൻ പ്രേ​രി​പ്പി​ച്ചു. അ​ങ്ങ​നെ വീ​ണ്ടും ജീ​വി​തം ആ​സ്വ​ദി​ക്കാ​ൻ തു​ട​ങ്ങി, എ​ല്ലാ​വ​രെ​യും എ​ല്ലാ​ത്തിനെ​യും സ്നേ​ഹി​ക്കാ​നും. ജോ​ലി​സ്ഥ​ല​ത്തു​ണ്ടാ​യ ചെ​റി​യൊ​രു തെ​റ്റി​ദ്ധാ​ര​ണ​യു​ടെ പേ​രി​ൽ ആ ​മാ​ലാ​ഖ പെ​ട്ടെ​ന്നൊ​രു നാ​ൾ നി​ശ്ശ​ബ്ദ​യാ​യി, ട്രാ​ൻ​സ്ഫ​റെ​ന്ന ഭീ​ക​ര​നെ കൂ​ട്ടു​പി​ടി​ച്ച്, ഒ​രു വാ​ക്കുപോ​ലും പ​റ​യാ​തെ എ​ന്നി​ൽനി​ന്നും എ​ങ്ങോ​ട്ടോ പ​റ​ന്നുപോ​യി.

മ​ര​ണ​ത്തേ​ക്കാ​ൾ എ​ത്ര​യോ ഭീ​ക​ര​മാ​ണ് ജീ​വി​ച്ചി​രി​ക്കെത​ന്നെ പ്രി​യ​പ്പെ​ട്ട​വ​ർ ന​മ്മെ വി​സ്മ​രി​ക്കു​ന്ന​ത്. അ​മൂ​ല്യ​മെ​ന്നു ക​രു​തി ഹൃ​ദ​യ​ത്തി​ൽ കു​ടി​യി​രു​ത്തി​യ സ്നേ​ഹ​വും ക​രു​ത​ലു​മെ​ല്ലാം എ​ന്നെ​ന്നേ​ക്കു​മാ​യി ന​ഷ്ട​പ്പെ​ടു​ന്ന​തി​ലും വ​ലി​യ മ​റ്റെ​ന്ത് വേ​ദ​ന​യാ​ണീ ലോ​ക​ത്തു​ള്ള​ത്. എ​ങ്കി​ലും എ​ന്നെ​ങ്കി​ലും നി​ശ്ശ​ബ്ദ​ത വെ​ടി​ഞ്ഞ്, എ​വി​ടെനി​ന്നോ എ​ന്റെ ജീ​വി​ത​ത്തി​ലേ​ക്ക് ഒ​രുപാ​ട് സ്നേ​ഹ​വു​മാ​യി വീ​ണ്ടു​മെ​ൻ പ്രി​യ സ​ഖി ക​ട​ന്നുവ​രു​മെ​ന്ന് ഇ​ന്നും പ്ര​തീ​ക്ഷി​ക്കു​ന്നു.

ആ ​മാ​ലാ​ഖ എ​ന്നെ ഓ​ർമ​പ്പെ​ടു​ത്തു​ന്ന​ത് ക​ളി​യാ​ട്ട​മെ​ന്ന ചി​ത്ര​ത്തി​ൽ കൈ​ത​പ്രം ദാ​മോ​ദ​ര​ൻ ന​മ്പൂ​തി​രി ര​ച​ന​യും സം​ഗീ​ത​വും ന​ൽ​കി ഭാ​വ​ന രാ​ധാ​കൃ​ഷ്ണ​ൻ ആ​ല​പി​ച്ച ഗാ​ന​മാ​ണ്.

"എ​ന്നോ​ടെ​ന്തി​നീ പി​ണ​ക്കം

ഇ​ന്നു​മെ​ന്തി​നാ​ണെ​ന്നോ​ട് പ​രി​ഭ​വം

ഒ​രുപാ​ട് നാ​ളാ​യ് കാ​ത്തി​രു​ന്നൂ നീ

​ഒ​രു നോ​ക്കു കാ​ണാ​ൻ വ​ന്നി​ല്ല".

ഒ​രു​പാ​ടി​ഷ്ടഗാ​ന​ങ്ങ​ളു​ണ്ടെ​ങ്കി​ലും ഈ ​ര​ണ്ടു പാ​ട്ടു​ക​ളും എ​ന്റെ പ്രി​യ ഗാ​ന​ങ്ങ​ള​ല്ല. എ​പ്പോ​ഴും മൂ​ളിന​ട​ക്കു​ന്ന വ​രി​ക​ളു​മ​ല്ല. ര​ണ്ടു പാ​ട്ടു​ക​ളി​ലെ വ​രി​ക​ൾ​ക്കും സൗ​ഹൃ​ദ​വു​മാ​യി യാ​തൊ​രു ബ​ന്ധവുമി​ല്ല​താ​നും. പ​ക്ഷേ, ഉ​ള്ളി​ന്റെ​യു​ള്ളി​ൽ ക​യ​റി​ക്കൂ​ടി​യ പ്രി​യ സു​ഹൃ​ത്തു​ക്ക​ളെ അ​ട​യാ​ള​പ്പെ​ടു​ത്തു​ന്ന, ഒ​രു​പാ​ടൊ​രു​പാ​ട് ഓ​ർമ​ക​ളെ ത​ഴു​കി​യു​ണ​ർ​ത്തു​ന്ന ര​ണ്ടു മാ​ന്ത്രി​ക സൗ​ഹൃ​ദഗാ​ന​ങ്ങ​ൾ മാ​ത്രം.