അൻസൻ പോൾ, അന്നു ആന്റണി, പുതുമുഖം പ്രിജില്‍ എന്നിവരെ കേന്ദ്ര കഥാപാത്രങ്ങളാക്കി ജോമി കുര്യാക്കോസ് സംവിധാനം ചെയ്യുന്ന ഏറ്റവും പുതിയ ചിത്രമായ 'മെയ്ഡ് ഇൻ കാരവാനി'ലെ രണ്ടാമത്തെ ഗാനം പുറത്ത്. 'മുകിലിൽ മറയും' എന്ന് തുടങ്ങുന്ന ഗാനം പാടിയിരിക്കുന്നത് വിനീത് ശ്രീനിവാസന്‍ ആണ്. ബി.കെ ഹരിനാരായണന്റെ വരികള്‍ക്ക് സംഗീതം പകർന്നത് വിനു തോമസാണ്. പ്രശസ്ത നടി മഞ്ജു വാര്യര്‍ തന്റെ ഔദ്യോഗിക ഫേസ്ബുക് പേജ് വഴിയാണ് ഗാനം റിലീസ് ചെയ്തത്.
സിനിമ കഫെ പ്രൊഡക്ഷന്‍സിന്റെയും ബാദുഷ പ്രൊഡക്ഷന്‍സിന്റെയും ബാനറില്‍ മഞ്ജു ബാദുഷ നിർമിക്കുന്ന ചിത്രത്തിൽ ഇന്ദ്രന്‍സ്, മിഥുന്‍ രമേഷ്, ഷിഫ ബാദുഷ, അന്താരാഷ്ട്ര താരങ്ങളും മോഡലുകളുമായ ഹാഷെം കടൂറ, അനിക ബോയ്‌ലെ, നസ്സഹ, എല്‍വി സെന്റിനോ എന്നിവരും അഭിനയിക്കുന്നുണ്ട്. ഷിജു എം ഭാസ്‌കര്‍ ക്യാമറ കൈകാര്യം ചെയ്യുന്ന ചിത്രത്തില്‍ വിഷ്ണു വേണുഗോപാല്‍ എഡിറ്റിങ്ങും നിര്‍വഹിച്ചിക്കുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.