ഉഭയകക്ഷി സമ്മതപ്രകാരം വീട്ടുജോലിക്കാരന് ആഴ്ചയിൽ ഒരുദിവസം വിശ്രമിക്കാൻ അർഹതയുണ്ട്.
തൊഴിലുടമ മുൻകൂർ നൽകിയ വേതനമോ തൊഴിലാളി മനപ്പൂർവമോ അശ്രദ്ധ മൂലമോ വരുത്തിയ ചെലവുകളോ അല്ലാതെ ഒരു സന്ദർഭത്തിലും കരാർ പ്രകാരമുള്ള ശമ്പളത്തിൽ നിന്ന് ഒരു റിയാൽ പോലും കുറയ്ക്കാൻ പാടില്ല. അനുവദനീയമായ കിഴിവ് ശമ്പളത്തിന്‍റെ പകുതിയിൽ കൂടരുത്.
രണ്ട് വർഷം മുഴുവൻ സേവനമനുഷ്ഠിച്ച ഒരു തൊഴിലാളിക്ക് ഒരു മാസം മുഴുവൻ ശമ്പളത്തോടുകൂടിയ അവധിക്ക് അർഹതയുണ്ട്.
നിലവിലുള്ള ചട്ടങ്ങൾക്കും നിർദേശങ്ങൾക്കും അനുസൃതമായി തൊഴിലാളിയുടെ ആരോഗ്യ സംരക്ഷണത്തിനായി പരമാവധി 30 ദിവസത്തെ ശമ്പളത്തോടുകൂടി വാർഷിക അസുഖ അവധിക്ക് അർഹതയുണ്ട്. എന്നാൽ ഇത് അംഗീകൃത മെഡിക്കൽ റിപ്പോർട്ടിന്‍റെ അടിസ്ഥാനത്തിൽ മാത്രമായിരിക്കും അനുവദിക്കുക.
തുടർച്ചയായി നാലു വർഷം തൊഴിലുടമയുടെ സേവനത്തിൽ ചെലവഴിച്ചാൽ ഒരു മാസത്തെ വേതന മൂല്യമുള്ള സേവനാനന്തര ഗ്രാറ്റ്വിറ്റിക്ക് അർഹതയുണ്ട്.
കരാർ പ്രകാരമുള്ള നടപടികളിൽ തൊഴിലുടമ വീഴ്ചവരുത്തുന്ന പക്ഷം തൊഴിലാളിക്ക് അധികൃതരോട് പരാതിപ്പെടാം.
തൊഴിലുടമയുടെ ബാധ്യതകൾ
21 വയസ്സിൽ താഴെയുള്ളവരെ ഗാർഹിക തൊഴിലാളികളായി നിയോഗിക്കാൻ പാടില്ല.
തൊഴിൽ കരാറിലും ഇഖാമയിലും രേഖപ്പെടുത്തിയിരിക്കുന്ന പ്രകാരമുള്ള ജോലി മാത്രമെ എടുപ്പിക്കാവൂ.
ഗാർഹിക തൊഴിലാളിയെ മറ്റുള്ളവർക്ക് വേണ്ടി ജോലി ചെയ്യാൻ തൊഴിലുടമ നിർബന്ധിക്കരുത്.
കരാറിൽ പറഞ്ഞിരിക്കുന്ന പ്രകാരം ഓരോ മാസാവസാനത്തിലും വേതനം നൽകണം.
തൊഴിലാളിയുടെ പേരിലുള്ള ബാങ്ക് അക്കൗണ്ട് വഴിയാണ് ശമ്പളം നൽകേണ്ടത്.
വീട്ടുജോലിക്കാർക്ക് അനുയോജ്യമായ പാർപ്പിട സൗകര്യവും തൊഴിലുടമ നൽകണം.
തൊഴിലാളികളോട് നിറം, ലിംഗം, പ്രായം, ദേശം എന്നിവയുടെ അടിസ്ഥാനത്തിലുള്ള വിവേചനം പാടില്ല.
തൊഴിലാളിയുടെ പാസ്‌പോർട്ടോ മറ്റേതെങ്കിലും സ്വകാര്യ രേഖകളോ തിരിച്ചറിയൽ രേഖകളോ തൊഴിലുടമ പിടിച്ചുവെക്കാൻ പാടില്ല.
തൊഴിലാളി മരിച്ചാൽ ഇൻഷുറൻസ് പോളിസിയിൽ വ്യവസ്ഥ ചെയ്യുന്നില്ലെങ്കിൽ മൃതദേഹം നാട്ടിലെത്തിക്കുന്നതിനുള്ള ചെലവുകൾ തൊഴിലുടമ വഹിക്കണം.
തൊഴിലാളിയെ തന്‍റെ കുടുംബാംഗങ്ങളുമായും രാജ്യത്തെ അവരുടെ എംബസിയുമായും റിക്രൂട്ട്‌മെന്‍റ് ഓഫിസുമായും മറ്റ് അധികാരികളുമായും ആശയവിനിമയം നടത്താൻ തൊഴിലുടമ അനുവദിക്കണം.
കരാർ കാലാവധി കഴിഞ്ഞാൽ തൊഴിലാളി പുതുക്കാൻ ആഗ്രഹിക്കുന്നില്ലെങ്കിൽ അവർക്ക് ഫൈനൽ എക്സിറ്റ് നൽകണം.
തൊഴിലാളിയുടെ ആരോഗ്യത്തിനോ സുരക്ഷക്കോ അന്തസ്സിനെ ബാധിക്കുന്ന തരത്തിലോ ഉള്ള ജോലികൾ ഏൽപിക്കുന്നത് അനുവദനീയമല്ല.
തൊഴിലാളി ഒളിച്ചോടിയാലോ ജോലിക്ക് ഹാജരാകാതിരുന്നാലോ തൊഴിലുടമക്ക് അധികൃതരോട് പരാതിപ്പെടാം.
തൊഴിലാളിയുടെ കടമകൾ
സമ്മതിച്ച ജോലി നിർവഹിക്കാനും അതിനുവേണ്ടി തൊഴിലുടമയുടെയും കുടുംബാംഗങ്ങളുടെയും നിർദേശങ്ങൾ പാലിക്കാനും തൊഴിലാളി ബാധ്യസ്ഥനാണ്.
തൊഴിലുടമയുടെയും കുടുംബത്തിന്‍റെയും സ്വത്ത് സംരക്ഷിക്കുന്നതിനും തൊഴിലാളി ബാധ്യസ്ഥനാണ്.
തൊഴിലുടമക്കും കുടുംബത്തിനും നേരെ ശാരീരികമായി ഉപദ്രവിക്കുകയോ അക്രമാസക്തമായ പ്രവൃത്തികൾ ചെയ്യുകയോ അരുത്.
ജോലിയുടെ ഭാഗമായി മനസ്സിലാക്കിയ തൊഴിലുടമയുടെയും കുടുംബാംഗങ്ങളുടെയും വീട്ടിലുള്ള മറ്റുള്ളവരുടെയും രഹസ്യങ്ങൾ സൂക്ഷിക്കണം.
ഈ രഹസ്യങ്ങൾ മറ്റുള്ളവരോട് പറയരുത്. അവരുടെ അന്തസ്സിന് കളങ്കമുണ്ടാക്കുന്ന പ്രവൃത്തി ചെയ്യരുത്.
നിയമാനുസൃത കാരണമില്ലാതെ ജോലി ചെയ്യാൻ വിസമ്മതിക്കുകയോ ജോലി ഉപേക്ഷിക്കുകയോ ചെയ്യരുത്
സ്വന്തമായി മറ്റു ജോലികൾ ചെയ്യുകയോ മറ്റുള്ളവർക്ക് വേണ്ടി ജോലി ചെയ്യുകയോ അരുത്.
മതത്തെ ബഹുമാനിക്കുകയും നിലവിലുള്ള നിയന്ത്രണങ്ങളും സൗദി സമൂഹത്തിന്‍റെ ആചാരങ്ങളും പാരമ്പര്യങ്ങളും പാലിക്കുകയും കുടുംബത്തിന് ഹാനികരമായ ഒരു പ്രവർത്തനത്തിലും ഏർപ്പെടാതിരിക്കുകയും വേണം.
News Summary - Details of Saudi Arabia's New Domestic Labor Law
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.