റിയാദ്: സൗദി റോയൽ എയർഫോഴ്സിന്റെ എഫ്-15 എസ് യുദ്ധവിമാനം സാങ്കേതിക തകരാറിനെ തുടർന്ന് കിങ് അബ്ദുൽ അസീസ് എയർബേസ് പരിശീലന ഗ്രൗണ്ടിൽ തകർന്നുവീണു. ഞായറാഴ്ച രാത്രി പതിവ് പരിശീലനത്തിനിടെ സാങ്കേതിക തകരാർ സംഭവിച്ചതായി പ്രതിരോധ മന്ത്രാലയത്തെ ഉദ്ധരിച്ച് സൗദി പ്രസ് ഏജൻസി റിപ്പോർട്ട് ചെയ്തു.
രണ്ട് ഓഫിസർമാർ അടങ്ങുന്ന ക്രൂ അപകടത്തിൽനിന്ന് രക്ഷപ്പെട്ടതായി മന്ത്രാലയ വക്താവ് ജനറൽ തുർക്കി അൽ-മാലികി അറിയിച്ചു. പരിക്കുകളോ നഷ്ടങ്ങളോ ഉണ്ടായില്ല. അപകടത്തെക്കുറിച്ച് അന്വേഷണം ആരംഭിച്ചു. മക്ഡൊണൽ ഡഗ്ലസ് രൂപകൽപന ചെയ്ത ഇരട്ട എൻജിൻ യുദ്ധവിമാനമാണ് എഫ്-15 ഈഗിൾ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.