മനാമ: 19ാമത് ഏഷ്യൻ സഹകരണ ഫോറത്തിന്റെ അജണ്ട സെറ്റിങ് യോഗത്തിൽ ബഹ്റൈൻ പങ്കാളിയായി. ഒമാനിലെ ബഹ്റൈൻ അംബാസഡർ ഡോ. ജുമുഅ അൽ കഅ്ബിയുടെ നേതൃത്വത്തിലുള്ള പ്രതിനിധി സംഘമാണ് ഇതിൽ പങ്കെടുത്തത്. തെഹ്റാനിലാണ് 19ാമത് ഏഷ്യൻ സംവാദ ഫോറം സംഘടിപ്പിച്ചിട്ടുള്ളത്. ഏഷ്യൻ സഹകരണ സംവാദ ഫോറത്തിന് സംഘം വിജയാശംസകൾ നേരുകയും മേഖലയിലെ വിവിധ രാജ്യങ്ങളിൽ സുസ്ഥിര വികസനം സാധ്യമാക്കുന്നതിനുള്ള പ്രവർത്തനങ്ങൾ ത്വരിതപ്പെടുത്താൻ ഇതുവഴി കഴിയട്ടെയെന്നും ആശംസിച്ചു. ഏഷ്യൻ രാജ്യങ്ങൾ തമ്മിലുള്ള സഹകരണം വിവിധ മേഖലകളിൽ മുന്നേറ്റം സാധ്യമാക്കാനുള്ള ചർച്ചകളും നടക്കും. മേഖലയിലെയും അന്താരാഷ്ട്ര തലത്തിലെയും വിവിധ വിഷയങ്ങളും ഇതിൽ ചർച്ചയാവും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.