പ്രവാസികളുടെ അത്താണി വിടപറയു​േമ്പാൾ...

മ​നാ​മ: മലയാളികൾ ഉൾപ്പെടെ നിരവധിപേർക്ക്​​ അത്താണിയായിരുന്ന സ്വദേശിയുടെ വിയോഗത്തിൽ തേങ്ങുകയാണ്​ ബഹ്​റൈനിലെ പ്രവാസികൾ. മനാമ സെൻട്രൽ മാർക്കറ്റിലെ തൊഴിലാളികളുടെ അഭയകേന്ദ്രമായിരുന്ന അഹമ്മദ്​ അബ്​ദുല്ല മുഹമ്മദ്​ അൽ സയാദ്​ (82) ഫെബ്രുവരി 10നാണ്​ നിര്യാതനായത്​. മലയാളം അറിയില്ലെങ്കിലും 'ഗൾഫ്​ മാധ്യമ'ത്തെ സ്​നേഹിച്ചിരുന്ന വ്യക്തി കൂടിയായിരുന്നു അദ്ദേഹം.

2002ൽ കോഴിക്കോട്​ സന്ദർശനത്തിനെത്തിയ അദ്ദേഹം സംസ്​ഥാന സ്​കൂൾ കലോത്സവത്തി​െൻറ ഘോഷയാത്ര കൗതുകപൂർവം വീക്ഷിക്കുന്ന ചിത്രം ബഹ്​റൈൻ ഗൾഫ്​ മാധ്യമത്തിൽ പ്രസിദ്ധീകരിച്ചിരുന്നു. അന്ന്​ ത​ുടങ്ങിയതാണ്​ അദ്ദേഹത്തിന്​ ഗൾഫ്​ മാധ്യമത്തോടുള്ള സ്​നേഹം. പിന്നീട്​ എല്ലാ ദിവസവും അദ്ദേഹം സ്​റ്റാളിൽനിന്ന്​ ഗൾഫ്​ മാധ്യമം വാങ്ങി മലയാളികളായ സുഹൃത്തുക്കൾക്ക്​ നൽകുമായിരുന്നു. ദിവസവും അഞ്ച്​ പത്രമെങ്കിലും അദ്ദേഹം വാങ്ങിയിരുന്നു. ഏറെക്കാലം ഇൗ പതിവ്​ അദ്ദേഹം തുടർന്നു.

മലയാളി സുഹൃത്തുക്കളെ കാണാനാണ്​ കോഴിക്കോട്ട്​ സന്ദർശനം നടത്തിയതെന്ന്​ അദ്ദേഹത്തി​െൻറ ഒാഫിസിൽ ജോലി ചെയ്യുന്ന സാമൂഹിക പ്രവർത്തകൻ കൂടിയായ ലത്തീഫ്​ മരക്കാട്ട്​ ഒാർമിക്കുന്നു. ലത്തീഫി​െൻറ പിതാവ്​ ​ൈശഖ്​ ഇസയുടെ പാലസിൽ ജീവനക്കാരനായിരുന്നു. ഇദ്ദേഹവുമായും അഹമ്മദ്​ സയാദിന്​ അടുപ്പമുണ്ടായിരുന്നു. നാട്ടിലെത്തിയപ്പോൾ പിതാവി​െൻറ ഖബറിടത്തിൽ എത്തി ​പ്രാർഥിച്ചതും ലത്തീഫ്​ ഒാർമിക്കുന്നു. നിരവധി മലയാളി സുഹൃത്തുക്കളുടെ വീട​ുകളിൽ അന്ന്​ അദ്ദേഹം സന്ദർശനം നടത്തി. എല്ലായിടത്തുനിന്നും ഭക്ഷണവും കഴിച്ചു. കഴിക്കാൻ സാധിച്ചില്ലെങ്കിൽ പാഴ്​സലായി കൊണ്ടുപോകുമായിരുന്നു.

കോഴിക്കോ​െട്ടത്തിയ അഹമ്മദ്​ സയാദ്​ അസ്​മ ടവറിലാണ്​ താമസിച്ചിരുന്നത്​. സംസ്​ഥാന സ്​കൂൾ കലോത്സവത്തിന്​ കോഴിക്കോട്​ ആതിഥേയത്വം വഹിക്കുന്ന നാളുകളായിരുന്നു അത്​. അന്നത്തെ വിദ്യാഭ്യാസ മന്ത്രി നാലകത്ത്​ സൂപ്പിയും തൊട്ടടുത്ത മുറിയിൽ താമസിച്ചിരുന്നു. നാലകത്ത്​ സൂപ്പിയെ അദ്ദേഹം പരിചയപ്പെട്ടു.

കലോത്സവ ഘോഷയാത്ര വൈകുന്നേരം ഹോട്ടലിന്​ മുന്നിൽ എത്തുമെന്നും അത്​ കാണാൻ വരണമെന്നും മന്ത്രിയാണ്​ അദ്ദേഹത്തെ ക്ഷണിച്ചത്​. ഘോഷയാത്ര എത്തിയപ്പോൾ കാണികളിലൊരാളായി കൗതുകത്തോടെ അദ്ദേഹവുമുണ്ടായിരുന്നു.

ഇൗ ചിത്രമാണ്​ പിേറ്റദിവസത്തെ ഗൾഫ്​ മാധ്യമത്തിൽ അച്ചടിച്ചുവന്നത്​. പത്രത്തിൽ വന്ന ഫോ​േട്ടാ സുഹൃത്തുക്കൾ​ കാണിച്ചുകൊടുത്തപ്പോൾ അദ്ദേഹത്തിന്​ ആ​ശ്ചര്യമായി.സെൻട്രൽ മാർക്കറ്റിലെ മലയാളികൾ ഉൾപ്പെടെ എല്ലാ പ്രവാസി തൊഴിലാളികളുടെയും പ്രശ്​നങ്ങൾ പരിഹരിക്കാൻ അദ്ദേഹം മുൻനിരയിലുണ്ടായിരുന്നു. അതുകൊണ്ടുതന്നെ, എല്ലാവരുടെയും പ്രിയപ്പെട്ടവനായിരുന്നു അദ്ദേഹം. ത​െൻറ ജോലിക്കാർക്കൊപ്പം ഭക്ഷണം കഴിക്കാനും മടികാണിക്കാതിരുന്ന അദ്ദേഹത്തി​െൻറ ലാളിത്യവും സ്​നേഹവും നൊമ്പരത്തോ​െട ഒാർക്കുകയാണ്​ പ്രവാസികൾ. എല്ലാ റമദാനിലും നോമ്പി​െൻറ​ 27ാം ദിനം ജാതി, മത ഭേദമന്യേ സെൻട്രൽ മാർക്കറ്റിലെ എല്ലാ തൊഴിലാളികൾക്കും സമൂഹ നോമ്പ്​ തുറയും അദ്ദേഹം ഒരുക്കിയിരുന്നു.

അഹമ്മദ്​ സയാദി​െൻറ കീഴിൽ 40 വർഷത്തോളം ജോലി ചെയ്യുന്ന തിരുവനന്തപുരം സ്വദേശിയായ മുരളി ഇപ്പോഴും ബഹ്​റൈനിൽ ഉണ്ട്​. പ്രവാസി സുഹൃത്തുക്കൾക്ക്​ പിതൃതുല്യമായ സ്​നേഹം നിർലോഭം നൽകിയാണ്​ 82ാം വയസ്സിൽ അദ്ദേഹം വിടപറയുന്നത്​. കോവിഡ്​ പ്രോ​േട്ടാകോൾ പാലിച്ച്​ നിരവധിപേർ അദ്ദേഹത്തിന്​ അന്ത്യോപചാരമർപ്പിക്കാൻ എത്തിയിരുന്നു. ഇപ്പോഴും നാട്ടിൽനിന്ന്​ ഒ​േട്ടറെപ്പേർ അനുശോചനമറിയിച്ച്​ വിളിക്കുന്നുണ്ടെന്ന്​ ലത്തീഫ്​ മരക്കാട്ട്​ പറഞ്ഞു.