മനാമ: ഈ വർഷത്തെ ആശൂറ പരിപാടികളുടെ ഒരുക്കങ്ങൾ വിലയിരുത്താൻ വിവിധ ഹുസൈനിയ്യ കമ്മിറ്റികളുടെയും വിവിധ മഅ്തം കമ്മിറ്റികളുടെയും യോഗം വിളിക്കുമെന്ന് ജഅ്ഫരീ വഖ്ഫ് കൗൺസിൽ ചെയർമാൻ യൂസുഫ് ബിൻ സാലിഹ് അസ്സാലിഹ് വ്യക്തമാക്കി. അദാരി പാർക്കിലെ ന്യൂ സീസൺ ഹാളിൽ വൈകുന്നേരമാണ് യോഗം ചേരുക. ചൊവ്വാഴ്ച വിവിധ വനിത മഅ്തമുകളുടെ യോഗവും വിളിച്ചു ചേർക്കും. ആശൂറ പരിപാടികൾക്ക് ബഹ്റൈൻ ഭരണാധികാരികൾ നൽകുന്ന പിന്തുണക്കും സഹായത്തിനും യൂസുഫ് ബിൻ സാലിഹ് അസ്സാലിഹ് പ്രത്യേകം നന്ദി രേഖപ്പെടുത്തി. ഏറ്റവും മെച്ചപ്പെട്ട രൂപത്തിൽ ആശൂറ ആഘോഷങ്ങൾ സംഘടിപ്പിക്കുന്നതിന് വിവിധ മന്ത്രാലയങ്ങളും സർക്കാർ അതോറിറ്റികളും നൽകുന്ന പിന്തുണക്കും അദ്ദേഹം നന്ദി അറിയിച്ചു. ആഭ്യന്തര മന്ത്രാലയത്തിന്റെ സഹായ സഹകരണങ്ങളും അദ്ദേഹം പ്രത്യേകം എടുത്തുപറഞ്ഞു. എല്ലാ മത സമൂഹങ്ങൾക്കും മതപരമായ ആചാരങ്ങൾക്കും ഇടമുളള മണ്ണാണ് ബഹ്റൈനെന്നും മത സഹിഷ്ണുതയുടെ ഏറ്റവും മികച്ച ഉദാഹരണമായി രാജ്യം മാറിയിട്ടുണ്ടെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.