മനാമ: അടുത്ത ദിവസങ്ങളിലായി ‘തുടിക്കൊട്ടുന്ന ഹൃദയത്തോടെ’ ബഹ്റൈനിലെ തടവറകളിൽ കഴിയുന്ന ചിലരുണ്ട്. ഇന്ത്യൻ പ്രധാനമന്ത്രി നരേന്ദ്രമോദിയുടെ ബഹ്റൈൻ സന്ദർശനവുമായി ബന്ധപ്പെട്ട് 250 ഇന്ത്യൻ തടവുകാർക്ക് മോചനം ഒരുങ്ങ ുന്നു എന്ന വാർത്തയാണ് അവരിൽ പലരെയും സന്തോഷിപ്പിച്ചിരിക്കുന്നത്. മോചിപ്പിക്കപ്പെടുന്നവരുടെ പട്ടികയിൽ തങ്ങളും ഉൾപ്പെടണേ എന്ന പ്രാർഥനയിലാണ് അവർ ഒാരോരുത്തരും. ഇതിൽ ദീർഘകാലമായി ജയിലിൽ കഴിയുന്നവരും ഉൾപ്പെടുന്നുണ്ട്.
ഇന്ത്യൻ പ്രധാനമന്ത്രിയുടെ സന്ദർശനത്തിെൻറ ഭാഗമായി 250 ഇന്ത്യൻ തടവുകാർ മോചിപ്പിക്കപ്പെടുമെന്ന് അദ്ദേഹം കഴിഞ്ഞദിവസമാണ് ട്വീറ്റ് ചെയ്തത്. എന്നാൽ ഇക്കാര്യത്തിൽ കൂടുതൽ വിവരങ്ങൾ ഇതുവരെയും വ്യക്തമാക്കപ്പെട്ടില്ല. ഇന്ത്യയും ബഹ്റൈനും പ്രധാനമന്ത്രി നരേന്ദ്രമോദിയുടെ സന്ദർശനത്തിെൻറ ഭാഗമായി പുറപ്പെടുവിച്ച സംയുക്ത പ്രസ്താവനയിലോ പ്രസിദ്ധീകരണത്തിന് നൽകിയ ഉടമ്പടികളെക്കുറിച്ചുള്ള അറിയിപ്പിലോ ഇന്ത്യൻ തടവുകാരെ മോചിപ്പിക്കുന്ന കാര്യം വ്യക്തമാക്കിയിട്ടില്ല. വരുംദിവസങ്ങളിൽ ഇക്കാര്യത്തെക്കുറിച്ച് കൂടുതൽ വ്യക്തത ഉണ്ടാകുമെന്നാണ് കരുതുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.