മനാമ: കെ.എം.സി.സി ബഹ്റൈൻ പാലക്കാട് ജില്ല കമ്മിറ്റി റിവൈവ് '24ന്റെ ഭാഗമായി കെ.എം.സി.സി ബഹ്റൈൻ സംസ്ഥാന നേതാക്കൾക്ക് സ്വീകരണവു മാപ്പിളപ്പാട്ട്-സംഘഗാന മത്സരവും സംഘടിപ്പിച്ചു.
മനാമ കെ.എം.സി.സി ഹാളിൽ നടന്ന പരിപാടിയിൽ മുൻ കെ.എം.സി.സി ജനറൽ സെക്രട്ടറി അസൈനാർ കളത്തിങ്ങൽ ഉദ്ഘാടനം നിർവഹിച്ചു. എസ്.വി. ജലീൽ, ആക്ടിങ് പ്രസിഡന്റ് അസ്ലം വടകര, ഗഫൂർ കയ്പമംഗലം, കെ.പി. മുസ്തഫ, റഫീഖ് തോട്ടക്കര എന്നിവർ സംസാരിച്ചു.
സംസ്ഥാന നേതാക്കൾക്കുള്ള മെമന്റോ ജില്ല പ്രസിഡന്റ് ഇൻമ്മാസ് ബാബു പട്ടാമ്പി നൽകി. മാപ്പിളപ്പാട്ട് മത്സരത്തിൽ ഫാത്തിമ നൗറിൻ (ജിദാഫ്സ് ഏരിയ) ഒന്നാം സ്ഥാനവും ആയിഷ ഷെഹ്റിൻ (വയനാട് ജില്ല) രണ്ടാം സ്ഥാനവും ഫാത്തിമ ഇഖ്ബാൽ (മലപ്പുറം ജില്ല), ഫാത്തിമ അനസ് (സൗത്ത് സോൺ) എന്നിവർ മൂന്നാം സ്ഥാനവും നേടി.
സംഘഗാനത്തിൽ മലപ്പുറം ജില്ല ഒന്നാം സ്ഥാനവും കോഴിക്കോട് ജില്ല രണ്ടാം സ്ഥാനവും പാലക്കാട് ജില്ല മൂന്നാം സ്ഥാനവും നേടി. വിജയികൾക്കുള്ള ട്രോഫികൾ സംസ്ഥാന-ജില്ല നേതാക്കൾ വിതരണം ചെയ്തു.
യോഗത്തിൽ ജില്ല പ്രസിഡന്റ് ഇൻമ്മാസ് ബാബു പട്ടാമ്പി അധ്യക്ഷതവഹിച്ചു. നിസാമുദ്ദീൻ മാരായമംഗലം സ്വാഗതവും നൗഫൽ പടിഞ്ഞാറങ്ങാടി നന്ദിയും പറഞ്ഞു. യൂസഫ് മുണ്ടൂർ, അൻവർ സാദത്ത്, അനസ് നാട്ടുകൽ, അബ്ദുൽ കരീം, ആശിഖ് പത്തിൽ മേഴത്തൂർ, അൻസാർ ചങ്ങലീരി, ഷഫീഖ് വല്ലപ്പുഴ, മുഹമ്മദ് ഫൈസൽ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.