മനാമ: രാജ്യത്തെ പ്രധാന നെറ്റ്വർക്ക് സർവിസായ വിവ ബഹ്റൈൻ തങ്ങളുടെ കോർപറേറ്റ് െഎഡൻറിറ്റി മാറ്റി. എസ്.ടി.സി ബഹ്റൈൻ എന്ന പേരിലായിരിക്കും ഇനി അറിയപ്പെടുകയെന്ന് വാർത്തസമ്മേളനത്തിൽ അധികൃതർ അറിയിച്ചു. ബഹ്റൈനിലെ ടെലികോം മേഖലയിൽ മികച്ച സേവനവും നേട്ടങ്ങളും കൈവരിച്ച വിവ ‘എസ്.ടി.സി ബഹ്റൈൻ’ എന്ന നാമത്തിലൂടെ കൂടുതൽ മികച്ച സേവനപ്രവർത്തനങ്ങളുമായി മുന്നോട്ടുപോകും.
ബ്രാൻഡിങ് മാറ്റം ഭാവിയിലേക്കുള്ള പ്രയാണത്തിന് കൂടുതൽ കരുത്തുപകരുമെന്നും തലമുറകൾക്ക് ഭാവി രൂപപ്പെടുത്താനുള്ള പാതയൊരുക്കുമെന്നും അധികൃതർ വ്യക്തമാക്കി. വിപ്ലവകരമായ സാങ്കേതികവിദ്യകളിലൂടെയും ആപ്ലിക്കേഷനുകളിലൂടെയും രാജ്യത്തെ ഡിജിറ്റൽ ഭാവിയിലേക്ക് നയിക്കുന്നത് തുടരുകയും ചെയ്യും. 2010ൽ ആരംഭിച്ചതിനു ശേഷം, അടിസ്ഥാന സൗകര്യങ്ങളിലും ടെലികോം മേഖലയിലും മാറ്റം യാഥാർഥ്യമാക്കി. ‘എസ്.ടി.സി ബഹ്റൈൻ’ പ്രഖ്യാപന ചടങ്ങിൽ സി.ഇ.ഒ എൻജിനീയർ നാർ ബനാബീലയും മറ്റ് ഉയർന്ന ഉദ്യോഗസ്ഥരും സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.