മനാമ: കേരളത്തിൽനിന്ന് ബഹ്റൈനിലേക്ക് തിരിച്ചുവരാൻ ആഗ്രഹിക്കുന്നവരുടെ വിവര ശേഖരണത്തിന് ബഹ്റൈൻ കേരളീയ സമാജം ആരംഭിച്ച ഉദ്യമത്തിന് മികച്ച പ്രതികരണം. ആദ്യദിവസമായ ശനിയാഴ്ച മാത്രം ആയിരത്തിലധികം പേരാണ് രജിസ്റ്റർ ചെയ്തത്. വിസ കാലാവധി കഴിഞ്ഞവരും അടിയന്തിരമായി ജോലിയിൽ പ്രവേശിക്കേണ്ടവരും ഉൾപ്പെടെ നിരവധി പേരാണ് ബഹ്റൈനിലേക്ക് വരാൻ കഴിയാതെ നാട്ടിൽ കുടുങ്ങിയത്. മാതാപിതാക്കളുടെ അടുത്തെത്താൻ കാത്തിരിക്കുന്ന കുട്ടികളുമുണ്ട്. നേരത്തെ വന്ദേഭാരത് വിമാനങ്ങളിൽ ബഹ്റൈനിലേക്ക് പ്രവാസികളെ കൊണ്ടുവന്നിരുന്നു.
എന്നാൽ, രണ്ടാഴ്ച മുമ്പ് ഇൗ അനുമതി റദ്ദാക്കിയതോടെ നിരവധി പേരാണ് പ്രതിസന്ധിയിലായത്. ഒറ്റ ദിവസം കൊണ്ടുതന്നെ ആയിരത്തിലധികം പേർ രജിസ്റ്റർ ചെയ്തത് ഇങ്ങോട്ട് വരാൻ കാത്തിരിക്കുന്നവരുടെ ആധിക്യമാണ് സൂചിപ്പിക്കുന്നത്. വന്ദേഭാരത് വിമാനങ്ങളിലും ചാർേട്ടഡ് വിമാനങ്ങളിലുമായി കേരളത്തിൽനിന്നുള്ള ബഹ്റൈൻ പ്രവാസികളെ കൊണ്ടുവരാനുള്ള ശ്രമമാണ് നടക്കുന്നതെന്ന് കേരളീയ സമാജം പ്രസിഡൻറ് പി.വി. രാധാകൃഷ്ണ പിള്ള പറഞ്ഞു. ഇക്കാര്യത്തിൽ കേന്ദ്ര സർക്കാരിെൻറയും ബഹ്റൈൻ അധികൃതരുടെയും അനുമതി നേടുന്നതിനുള്ള നീക്കം തുടങ്ങിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.