മനാമ: കായികപ്രേമികളിൽ ആഹ്ലാദപ്പൂത്തിരി കത്തിച്ച് ബഹ്റൈൻ ഗ്രാൻഡ് പ്രീക്ക് ആവേശകരമായ തുടക്കം. ബഹ്റൈൻ ഇന്‍റർനാഷനൽ സർക്യൂട്ടിൽ നടക്കുന്ന ഗ്രാൻഡ് പ്രീയിൽ 33 രാജ്യങ്ങളിലെ കാറോട്ടക്കാരാണ് പങ്കെടുക്കുന്നത്. വെള്ളിയാഴ്ച രാവിലെ എഫ് 3 പരിശീലന സെഷൻ നടന്നു. ഉച്ചക്ക് ഒന്നിന് പിറ്റ് ലെയ്ൻ വാക്കും ട്രാക്ക് ടൂറും നടന്നു. തുടർന്ന് എഫ് 2 പരിശീലന സെഷനും നടന്നു.
വൈകുന്നേരം എഫ് 3 യോഗ്യത മത്സരങ്ങളും 4.25 മുതൽ എഫ് 2 യോഗ്യത മത്സരങ്ങളും നടന്നു. ശനിയാഴ്ച രാവിലെ 9.10ന് എഫ് 3യുടെ സ്പ്രിന്‍റ് റേസ് നടക്കും. ഉച്ചക്ക് 1.10ന് എഫ് 2വിന്‍റെ സ്പ്രിന്‍റ് സെഷനും അരങ്ങേറും. ഞായറാഴ്ച രാവിലെ 8.45ന് എഫ് 3യുടെ ഫീച്ചർ റേസും 10.15ന് എഫ് 2വിന്‍റെ ഫീച്ചർ റേസും നടക്കും. വൈകുന്നേരം മൂന്നിനാണ് ബഹ്റൈൻ ഗ്രാൻഡ് പ്രീയുടെ വിജയിയെ തേടിയുള്ള പോരാട്ടം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.