മനാമ: ലോകമെമ്പാടും വിജയകരമായി പ്രദർശനം തുടരുന്ന ബ്ലെസി-പൃഥ്വിരാജ് ചിത്രമായ ആടുജീവിതത്തിന്റെ വിജയാഘോഷം ഈ മാസം 19നും 20നും ബഹ്റൈൻ കേരളീയ സമാജത്തിൽ നടക്കും.
കേരളീയ സമാജം മുൻ സാഹിത്യ വിഭാഗം സെക്രട്ടറി കൂടിയാണ് ബെന്യാമിൻ. മികച്ച ചിത്രീകരണത്തിലൂടെയും പ്രദർശന വിജയത്തിലൂടെയും ശ്രദ്ധേയമായ ആടുജീവിതം തിയറ്ററിൽ സംവിധായകനോടും മറ്റു സിനിമ പ്രവർത്തകരോടൊപ്പം ആസ്വദിക്കാനുള്ള അവസരം ഒരുക്കാൻ ശ്രമിക്കുമെന്നും ബ്ലെസ്സി അടക്കം ആട് ജീവിതത്തിന്റെ അണിയറ പ്രവർത്തകരുമായി മുഖാമുഖം സംഘടിപ്പിക്കുമെന്നും സമാജം പ്രസിഡന്റ് പി.വി രാധാകൃഷ്ണപിള്ള അറിയിച്ചു.
സിനിമയുടെ അണിയറ പ്രവർത്തകരെ സമാജത്തിൽ ആദരിക്കുകയും ചെയ്യും.നടൻ കെ.ആർ ഗോകുൽ, ഗായകൻ ജിതിൻ രാജ് മറ്റ് സാങ്കേതിക പ്രവർത്തകരും ബ്ലെസ്സിയോടൊപ്പം പങ്കെടുക്കുമെന്ന് സമാജം പ്രസിഡന്റ് പി.വി രാധാകൃഷ്ണപിള്ള, ജനറൽ സെക്രട്ടറി വർഗീസ് കാരക്കൽ, വൈസ് പ്രസിഡന്റ് ദിലീഷ് കുമാർ എന്നിവർ അറിയിച്ചു. കൂടുതൽ വിവരങ്ങൾക്ക് ബി.കെ.എസ് ഫിലിം ക്ലബ്ബ് കൺവീനർ അരുൺ ആർ. പിള്ളയെ ബന്ധപ്പെടണം: 34020650, 3972 0030.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.