മനാമ: പാചകവാതകം ചോർന്നുണ്ടായ അപകടത്തിൽ മലയാളികളുടെ താമസസ്ഥലത്ത് നാശനഷ്ടം.
ഹമദ് ടൗൺ സൂഖിനടുത്ത് താമസിക്കുന്ന മലയാളികളായ താമസക്കാർ അപകടത്തിൽനിന്ന് അദ്ഭുതകരമായി രക്ഷപ്പെട്ടതിന്റെ ആശ്വാസത്തിലാണ്.
വ്യാഴാഴ്ച രാവിലെ ആറരയോടെയാണ് അപകടമുണ്ടായത്. ഗാരേജിലും സൂഖിലും ജോലിചെയ്യുന്ന മലയാളികളാണ് ഇവിടെ താമസിക്കുന്നത്. രാവിലെ ഇവരിൽ ഒരാൾ എഴുന്നേറ്റ് അടുക്കളയിലേക്കുള്ള സ്വിച്ച് ഇട്ടപ്പോൾ വലിയ ശബ്ദത്തോടെ സ്ഫോടനമുണ്ടാവുകയായിരുന്നു. വലതുകൈയിൽ പൊള്ളലേറ്റ യുവാവിനെ ബി.ഡി.എഫ് ആശുപത്രിയിൽ പ്രവേശിപ്പിച്ചു. സ്ഫോടനത്തിൽ അടുക്കളയുടെയും മുറിയുടെയും വാതിലുകളും ജനാലയുടെ ചില്ലുകളും സ്റ്റീൽ അലമാരയും തകർന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.