മനാമ: രാജ്യത്ത് 2241 പേർക്ക് കൂടി പുതുതായി കോവിഡ് സ്ഥിരീകരിച്ചു. 1182 പേർക്കാണ് രോഗമുക്തി. ഇതോടെ ആകെ രോഗമുക്തർ 284,060 ആയി. നിലവിലുള്ള ആകെ രോഗികൾ 17,415 ആണ്. 29 പേർ ആശുപത്രിയിൽ ചികിത്സയിലാണ്. നാലുപേരുടെ നില ഗുരുതരമാണ്. ഇതുവരെ ആകെ 302,872 രോഗികളാണ് രാജ്യത്ത് ഉണ്ടായത്. 8,358,734 പരിശോധനകളും നടത്തി.
കോവിഡ് ചട്ടലംഘനം: റെസ്റ്റാറന്റ് അടപ്പിച്ചു
മനാമ: കോവിഡ് നിയമം ലംഘിച്ച ഒരു റെസ്റ്റാറന്റ് അടച്ചിടാന് ആരോഗ്യമന്ത്രാലയം ഉത്തരവിട്ടു. കാപിറ്റല് ഗവര്ണറേറ്റിലെ റെസ്റ്റാറന്റിനെതിരെയാണ് നടപടി. പബ്ലിക് ഹെല്ത്ത് ഡിപ്പാര്ട്മെന്റ് വിവിധ സ്ഥാപനങ്ങളില് നടത്തിയ പരിശോധനയിലാണ് നിയമ ലംഘനം കണ്ടെത്തിയതും അടച്ചിടാന് ശിപാര്ശ നടത്തിയതും. വിവിധ സ്ഥാപനങ്ങളില് നടത്തിയ പരിശോധനയില് 16 റെസ്റ്റാറന്റുകളിലും ഒരു കോഫി ഷോപ്പിലും നിയമ ലംഘനങ്ങള് കണ്ടെത്തി. 138 സ്ഥാപനങ്ങളിലാണ് കഴിഞ്ഞദിവസം സംഘം പരിശോധന നടത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.