നൃത്തത്തിന്​ നടു​വൊടിക്കുന്ന ചെലവ്​; കാരണങ്ങൾ പലതെന്ന്​ അധ്യാപകർ

മനാമ: നൃത്ത അധ്യാപകരെല്ലാം അമിതമായ ഫീസ്​ ഇൗടാക്കുന്നുവെന്ന ആരോപണം ശരിയല്ലെന്ന്​ അധ്യാപകർ പ്രതികരിച്ചു. 
നൃത്ത ഇനങ്ങൾ അവതരിപ്പിക്കാൻ വൻ ചെലവുവരുന്നതായും ഇത്​ സാധാരണക്കാരായ പ്രവാസികളെ ഗുരുതരമായി ബാധിക്കുന്നതായും കഴിഞ്ഞ ദിവസം കേരളീയ സമാജം ബാലകലോത്സവത്തിലെ നൃത്ത മത്സരങ്ങൾക്കുശേഷം രക്ഷിതാക്കൾ പ്രതികരിച്ചിരുന്നു. ഇതിനോടുള്ള പ്രതികരണമെന്ന നിലക്കാണ്​ അധ്യാപകർ ഇങ്ങനെ പറഞ്ഞത്​. ഇൗ വിഷയത്തിൽ സംസാരിച്ച അധ്യാപകരെല്ലാം അവരുടെ പേര്​ പരാമർശിക്കരുത്​ എന്ന അഭ്യർഥനയോടെയാണ്​ ‘ഗൾഫ്​ മാധ്യമ’ത്തോട്​ മനസുതുറന്നത്​.

അമിതമായി ഫീസ്​ വാങ്ങുന്നു​െവന്ന ആരോപണം കഴിഞ്ഞ ഏഴ്​ വർഷമായി നൃത്തം പഠിപ്പിക്കുന്ന അധ്യാപികയെന്ന നിലയിൽ താൻ കേട്ടിട്ടില്ലെന്ന്​ ബഹ്​റൈനിലെ പ്രമുഖ നൃത്താധ്യാപിക പ്രതികരിച്ചു. ഒരു വീട്ടിൽനിന്ന്​ രണ്ട്​ കുട്ടികൾ ത​​​െൻറയടുത്ത്​ പഠിക്കാൻ എത്തിയാൽ ഒരാളുടെ ഫീസി​​​െൻറ പകുതിയെ വാങ്ങാറുള്ളൂ. മത്സരയിനത്തിന്​ ​പ്രത്യേകം ഫീസും ഇൗടാക്കാറില്ല. നാട്ടിൽനിന്ന്​ പഠിച്ച്​വരുന്നവരാണെങ്കിൽ, പ്രതിമാസ ഫീസേ വാങ്ങാറുള്ളൂ.മറ്റ്​ അധ്യാപകർ വാങ്ങുന്നുണ്ടോയെന്ന്​ അറിയില്ല. കല കച്ചവടമാക്കാറില്ല. അറിവ്​ പകർന്നുനൽകാനാണ്​ ത​​​െൻറ ഗുരുക്കൻമാർ പഠിപ്പിച്ചതെന്നും അവർ വ്യക്​തമാക്കി.
 നൃത്ത അധ്യാപകർ അമിത ഫീസ്​ ഇൗടാക്കുന്നുവെന്ന വാർത്ത ‘ഗൾഫ്​ മാധ്യമ’ത്തിൽ കണ്ടിരുന്നു. ഇത്​ ശരിയല്ല. ചെയ്യുന്ന ജോലിക്ക്​ അർഹിക്കുന്ന വേതനം മാത്രമാണ്​ വാങ്ങുന്നതെന്ന്​ മറ്റൊരു അധ്യാപിക പ്രതികരിച്ചു.

ഒരു മത്സരത്തിൽ ഒരിനത്തിനുമാത്രം മൂന്നും നാലും കുട്ടികൾ ഉണ്ടാകും. ഇൗ കുട്ടികൾക്കെല്ലാം വ്യത്യസ്​ത ഇനങ്ങൾ വേണമെന്ന്​ രക്ഷിതാക്കൾ ആഗ്രഹിക്കുന്നു. നാട്ടിൽനിന്നും നൃത്തഇനങ്ങൾ വെറുതെ പഠിക്കാനാകില്ല. അവിടെയും പണം കൊടുക്കണം. 
ഇവിടത്തെ ചെലവ്​ എല്ലാവർക്കും ഒരുപോലെയാണ്​. നൃത്ത അധ്യാപനം തൊഴിലാക്കിയ തനിക്ക്​ വേറെ ജോലിയില്ല. ഒാരോ വർഷവും പുതിയതും വ്യത്യസ്​തവുമായ നൃത്തം വേണമെന്ന്​ രക്ഷിതാക്കളാണ്​ ആവശ്യപ്പെടുന്നത്. അങ്ങനെ വരു​േമ്പാൾ ചെലവ്​ വരും. ഇതിന്​ അധ്യാപകരെ പഴി പറഞ്ഞിട്ട്​ കാര്യമില്ല. ത​​​െൻറ ശിഷ്യരോട്​ ഒാരോ വർഷവും പുതിയ ആഭരണങ്ങൾ വാങ്ങാൻ ആവശ്യപ്പെടാറില്ല. സ്വന്തം കുട്ടികൾ പ​െങ്കടുക്കുന്ന മത്സരത്തിൽ മറ്റുള്ളവർ എന്തൊക്കെ ചെയ്യുന്നുണ്ടെന്ന്​ അറിയാൻ രക്ഷിതാക്കൾ ശ്രമിക്കാറുണ്ട്​. മറ്റുള്ളവരേക്കാൾ എല്ലാ കാര്യത്തിലും പുതുമയും മികവും ത​​​െൻറ കുട്ടിക്ക്​ വേണമെന്നാണ്​ രക്ഷിതാക്കൾ ആഗ്രഹിക്കുന്നതെന്ന്​​ അവർ കൂട്ടിച്ചേർത്തു.

വർഷങ്ങൾ നീണ്ട പഠനത്തിന്​ ശേഷം അരങ്ങേറ്റം കുറിക്കേണ്ട നൃത്തരൂപങ്ങൾ ഉണ്ട്​. ഇവിടെ ഒന്നോ രണ്ടോ വർഷം കഴിയു​േമ്പാഴേക്കും രക്ഷിതാക്കൾ പറഞ്ഞുതുടങ്ങും അരങ്ങേറ്റം നടത്തണമെന്ന്​. അല്ലെ​ങ്കിൽ മത്സരത്തിൽ പ​െങ്കടുക്കാനാവില്ല എന്നതാണ്​ അവർ ഉന്നയിക്കുന്ന പ്രശ്​നം​. ഇൗ അവസ്​ഥ ബഹ്​റൈനിൽ വർധിച്ചുവരികയാണെന്ന്​ മറ്റൊരു അധ്യാപിക പറഞ്ഞു. ഒരു കുട്ടിക്ക്​ വേണ്ടി മാത്രം പ്രത്യേകം സമയം കണ്ടെത്തി പുതിയ ​െഎറ്റം പഠിപ്പിക്കേണ്ട സാഹചര്യത്തിൽ സ്വഭാവികമായും ചെലവ്​ വർധിക്കും. ഇതിന്​ അധ്യാപകരെ കുറ്റം പറഞ്ഞിട്ട്​ കാര്യമില്ലെന്നും അവർ അഭിപ്രായപ്പെട്ടു.
വേദികളിലെ മത്സരങ്ങളെക്കാൾ വലിയ മത്സരമാണ്​ പുറത്ത്​ നടക്കുന്നതെന്നും അധ്യാപകർക്കിടയിലും രക്ഷിതാക്കൾക്കിടയിലും ഇൗ പ്രവണത വർധിച്ചിരിക്കുകയാണെന്നും നൃത്ത അധ്യാപകൻ പറഞ്ഞു. 

പുതിയ പാട്ട്​ റെക്കോഡ്​ ചെയ്​ത്​ നൃത്തം ചിട്ടപ്പെടുത്തു​േമ്പാൾ നല്ല​ ചെലവ്​ വരുമെന്ന്​ രക്ഷിതാക്കൾ പറയാറുണ്ട്. ക്ലാസിക്കൽ നൃത്തത്തി​​​െൻറ കാര്യത്തിലാണ്​ ഇത്രയും വരുന്നത്​. അത്തരം നൃത്തങ്ങൾ പഠിപ്പിക്കാത്തതുകൊണ്ട്​ തിനക്ക്​ കൂടുതലായൊന്നും പറയാനില്ലെന്ന്​ അദ്ദേഹം വ്യക്​തമാക്കി. 
എല്ലാ അധ്യാപകരും അമിത ഫീസ്​ വാങ്ങുന്നവരല്ലെന്നും ചിലരെങ്കിലും പണത്തിനപ്പുറമുള്ള കാര്യങ്ങൾക്ക്​ പരിഗണന നൽകി നൃത്തരംഗത്ത്​ തുടരു​ന്നുണ്ടെന്നും വേറൊരു അധ്യാപകൻ പറഞ്ഞു. പ്രശസ്​തയായ ഒരു അധ്യാപികയു​െട കീഴിൽ പഠിച്ചുകൊണ്ടിരുന്ന ഒരു കുട്ടി കഴിഞ്ഞ കലോത്സവത്തിൽ പ​െങ്കടുക്കാൻ കഴിയാത്ത അവസ്​ഥ വന്നപ്പോൾ ത​​​െൻറ അടു​െത്തത്തിയിരുന്നു. 

എന്നാൽ,  മത്സരങ്ങൾക്ക്​ വേണ്ടി മാത്രം ഒരാളെയും പഠിപ്പിക്കാറില്ല എന്ന്​ പറയുകയാണുണ്ടായത്​.  പണത്തി​​​െൻറ പിൻബലം നോക്കിയല്ല ശിഷ്യരെ പരിഗണിക്കാറുള്ളത്​. കഴിവ്​​ നോക്കിയാണ്​.  നാട്ടിൽനിന്ന്​ പുതിയ ഒരു പാട്ട്​ ക​േമ്പാസ്​ ചെയ്​ത്​ ഇവിടെ എത്തണമെങ്കിൽ മുപ്പതിനായിരം രൂപയെങ്കിലും വരും. ആ ഒരു പാട്ട്​ പലരെയും പഠിപ്പിച്ച്​ അവരുടെയെല്ലാം പക്കൽ നിന്ന്​ പണം വാങ്ങിക്കുന്ന അധ്യാപകരും ബഹ്​റൈനിലുണ്ട്​. അവരുടെ കൂട്ടത്തിൽ തന്നെ പെടുത്തരുതെന്ന്​ അപേക്ഷയുണ്ടെന്ന്​ ഇദ്ദേഹം പറഞ്ഞു.

ഫീസ്​ കുറവ്​ വാങ്ങുന്നതിനെതിരെ മറ്റ്​ അധ്യാപകരുടെ ഫോൺകോളുകൾ നിരന്തരം വരാറുണ്ടെന്ന്​ മറ്റൊരു അധ്യാപിക പറഞ്ഞു. ഒരു നൃത്തം പഠിപ്പിക്കുവാൻ 150 ദിനാർ വാങ്ങുന്നവരുണ്ട്​. അവരാണ്​ തന്നെപോലെയുള്ള അധ്യാപകരെ വിളിച്ച്​ ഇത്രയും തന്നെ വാങ്ങണമെന്ന്​ പറയുന്നത്​.സാധാരണ കുടുംബങ്ങളിലെ കുട്ടികളാണ്​ ത​​​െൻറയടുത്ത്​ പഠിക്കുന്നത്​. വിധി കർത്താക്കളെയും സംഘാടകരെയും  സ്വാധീനിച്ചല്ല സമ്മാനങ്ങളും സ്​ഥാനങ്ങളും നേടേണ്ടത്​. കഠിനപ്രയത്​നവും കഴിവും വിനിയോഗിക്കാൻ കുട്ടികൾ തയാറാകണം.  കലയിൽ വെള്ളം ചേർക്കരുത്​. കച്ചവട മനോഭാവത്തോടെ കലയെ സമീപിക്കരുതെന്നതാണ്​ ത​​​െൻറ നയമെന്നും അവർ വ്യക്​തമാക്കി.

ഇൗ വിഷയത്തിൽ രക്ഷിതാക്കളും കുറ്റക്കാരാണെന്നും അധ്യാപകരെ മാത്രം പഴി പറയാൻ ശ്രമിക്കരുതെന്നും മറ്റൊരു അധ്യാപിക പറഞ്ഞു. ഇപ്പോൾ, അ​രങ്ങേറ്റത്തി​​​െൻറ പേരിൽ നാട്ടിൽനിന്ന്​ അതിഥികളെ കൊണ്ടുവരുന്നതും നൃത്തം കാണാനെത്തുന്നവർക്ക്​ ഭക്ഷണം ഒരുക്കുന്നതും കാണാം. ഇതെല്ലാം ധൂർത്ത്​ തന്നെയാണ്. നിരവധി നൃത്ത അധ്യാപകരും നൃത്ത വിദ്യാലയങ്ങളും ഉള്ളതിനാൽ ഇൗ രംഗത്ത്​ വലിയ മത്സരം നടക്കുന്നുണ്ട്​.  
പല അധ്യാപകരും സ്വന്തം വീട്ടിൽ നൃത്തം പഠിപ്പിക്കുന്നവരാണ്. വലിയ കെട്ടിടങ്ങൾ വാടകക്കെടുത്ത്​ നൃത്ത വിദ്യാലയങ്ങൾ തുടങ്ങിയവർ വാങ്ങുന്ന ഫീസ്​ കേട്ടാൽ ഞെട്ടിപ്പോകുമെന്നും ഇക്കാര്യങ്ങളും  പൊതുജനം അറിയണമെന്നും അധ്യാപിക പറഞ്ഞു.