മനാമ: ആരോഗ്യസുരക്ഷാ ക്യാമ്പയിന്റെ ഭാഗമായി ഇന്ന് ഹമദ് ടൗണിലെയും സൽമാബാദിലെയും അൽഹിലാൽ മെഡിക്കൽ സെന്ററുകളിൽ സൗജന്യ മെഡിക്കൽ ക്യാമ്പുകൾ നടക്കുമെന്ന് വോയ്‌സ് ഓഫ് ആലപ്പി ഭാരവാഹികൾ അറിയിച്ചു. വോയ്‌സ് ഓഫ് ആലപ്പിയുടെ ഹമദ് ടൗൺ, സൽമാബാദ് ഏരിയ കമ്മിറ്റികളുടെ നേതൃത്വത്തിലാണ് ക്യാമ്പ് സംഘടിപ്പിച്ചിരിക്കുന്നത്.
അടിയന്തര ഘട്ടങ്ങളിൽ ഉപയോഗപ്രദമായ സി.പി.ആർ ട്രെയിനിങ്, ജീവിതശൈലി രോഗങ്ങളെക്കുറിച്ചും അവ തടയാനുള്ള മാർഗങ്ങളെക്കുറിച്ചുമുള്ള ക്ലാസുകൾ, ലഘുവായതും ഏറ്റവും ഉപകാരപ്രദവുമായ വ്യായാമ മുറകൾ പരിചയപ്പെടുത്തുന്ന ക്ലാസുകൾ തുടങ്ങിയവ സൽമാബാദിലെ ക്യാമ്പിന്റെ ഭാഗമായി നടക്കും. കൂടുതൽ വിവരങ്ങൾക്ക് 3569 8384 (അനൂപ് ഹമദ് ടൗൺ), 3509 3245 (അശ്വിൻ സൽമാബാദ്) എന്നീ നമ്പറുകളിൽ ബന്ധപ്പെടണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.