വിനോദ് കോവൂർ, വർഷ രമേഷ്
മനാമ: ഇത്തവണ ബഹ്റൈനിലെ ഓണം വിനോദ് കോവൂരിനും വർഷ രമേഷിനുമൊപ്പമാണ്. ഓണത്തനിമയുള്ള അടിപൊളി മത്സരങ്ങളുടെ അവതാരകരായി ഇരുവരും ഈ മാസം 27നെത്തും.
ലുലു ഗലേറിയ മാളിലാണ് ‘ഗൾഫ് മാധ്യമം’ ലുലു ഹൈപ്പർ മാർക്കറ്റിന്റെ സഹകരണത്തോടെ സംഘടിപ്പിക്കുന്ന ഓണം ഫെസ്റ്റ്. സമ്മാനങ്ങളുടെ നീണ്ട നിരയാണ് മൽസരാർഥികളെ കാത്തിരിക്കുന്നത്. കുട്ടികൾക്കായി ചിത്രരചന ‘ലിറ്റിൽ ആർട്ടിസ്റ്റ്’, പായസ മത്സരം- കുക്ക് വിത്ത് കുടുംബം, ഓണപ്പാട്ടു മത്സരം, പിന്നെ കപ്പിൾ കോണ്ടസ്റ്റും.
മത്സരങ്ങളുടെ രജിസ്ട്രേഷൻ തുടങ്ങിക്കഴിഞ്ഞു. ചിരിയും ചിന്തയുമായി കുടുംബമനസ്സുകളെ കീഴടക്കിയ പ്രിയതാരം മറിമായം, എം 80 മൂസ ഫെയിം വിനോദ് കോവൂർ. ഒപ്പം ഏഷ്യാനെറ്റ് സ്റ്റാർസിങ്ങർ അവതാരക വർഷ രമേഷുമെത്തുമ്പോൾ ഓണാവേശം കടമ്പകൾ കടക്കുമെന്നുറപ്പ്.
കുട്ടികൾക്കും മുതിർന്നവർക്കും മതിമറന്നാഹ്ലാദിക്കാൻ വക നൽകുന്ന അത്യുഗ്രൻ മത്സരങ്ങളാണ് ഓണം ഫെസ്റ്റിന്റെ ഭാഗമായി നടക്കുക.
രാവിലെ കൊച്ചുമിടുക്കർക്കായി ചിത്രരചന ‘ലിറ്റിൽ ആർട്ടിസ്റ്റ് മത്സരം നടക്കും. ഉച്ചക്കുശേഷമാണ് മധുരപ്രിയരുടെ മനസ്സിൽ സന്തോഷത്തിന്റെ പൂത്തിരി കത്തിച്ചുകൊണ്ട് പായസമത്സരം ‘കുക്ക് വിത്ത് കുടുംബം’. സമ്മാനങ്ങൾ വാരിയെടുക്കാനുമുള്ള അവസരം. അതിനുശേഷം ഗൃഹാതുര ഓർമകളുണർത്തുന്ന ഓണപ്പാട്ട് മത്സരം.
വൈകുന്നേരം കളിയും ചിരിയും കുസൃതിയും കുറുമ്പുമായി കപ്പിൾ കോണ്ടസ്റ്റ്. ചിരിയും അഭിനയവും കുസൃതിയുമൊക്കെയായി കുറച്ചധികം സമയം ആനന്ദിക്കാനൊരു അസുലഭ അവസരം. ഇപ്പോൾ തന്നെ രജിസ്റ്റർ ചെയ്യൂ. https://onam.madhyamam.com എന്ന ലിങ്ക് വഴിയും ക്യൂ ആർ കോഡ് സ്കാൻ ചെയ്തും രജിസ്റ്റർ ചെയ്യാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.